Adhyaya 30

Verse 1

धृतराष्ट्र उवाच तेष्व् अनीकेषु भग्नेषु पाण्डुपुत्रेण संजय चलितानां द्रुतानां च कथम् आसीन् मनो हि वः

dhṛtarāṣṭra uvāca teṣv anīkeṣu bhagneṣu pāṇḍuputreṇa saṃjaya calitānāṃ drutānāṃ ca katham āsīn mano hi vaḥ

Dhritarashtra said: When those hosts were broken by the son of Pandu, O Sanjaya, what was the mind of you all -- of those who wavered and fled?

धृतराष्ट्र ने कहा — हे संजय! पाण्डुपुत्र द्वारा उन सेनाओं के छिन्न-भिन्न हो जाने पर विचलित और भागते हुए आपके लोगों के मन की क्या दशा थी?

Verse 2

अनीकानां प्रभग्नानां व्यवस्थानम् अपश्यताम् दुष्करं प्रतिसंधानं तन् ममाचक्ष्व संजय

anīkānāṃ prabhagnānāṃ vyavasthānam apaśyatām duṣkaraṃ pratisaṃdhānaṃ tan mamācakṣva saṃjaya

When the ranks were shattered and no rallying was to be seen, hard was their re-forming; tell me of that, Sanjaya.

जिनकी सेनाएँ टूट चुकी थीं और जिन्हें ठहरने का स्थान नहीं दिखता था, उनका पुनः संगठित होना अत्यन्त कठिन है — हे संजय! वह मुझे बताओ।

Verse 3

संजय उवाच तथापि तव पुत्रस्य प्रियकामा विशां पते यशः प्रवीरा लोकेषु रक्षन्तो द्रोणम् अन्वयुः

saṃjaya uvāca tathāpi tava putrasya priyakāmā viśāṃ pate yaśaḥ pravīrā lokeṣu rakṣanto droṇam anvayuḥ

Sanjaya said: Even so, O lord of peoples, the heroes, desiring your son's welfare and guarding their fame in the worlds, followed after Drona, protecting him.

संजय ने कहा — हे प्रजापते! फिर भी वे वीर, आपके पुत्र का हित चाहते हुए और लोकों में अपने यश की रक्षा करते हुए, द्रोण के पीछे हो लिए।

Verse 4

समुद्यतेषु शस्त्रेषु संप्राप्ते च युधिष्ठिरे अकुर्वन्न् आर्यकर्माणि भैरवे सत्यभीतवत्

samudyateṣu śastreṣu saṃprāpte ca yudhiṣṭhire akurvann āryakarmāṇi bhairave satyabhītavat

When weapons were upraised and Yudhishthira had drawn near, they did noble deeds in that fearful (battle), like men fearful of failing their pledge.

शस्त्र उठ जाने पर और युधिष्ठिर के निकट आ जाने पर उस भयानक संग्राम में उन्होंने सत्यभंग से डरने वालों की भाँति श्रेष्ठ वीरोचित कर्म किये।

Verse 5

अन्तरं भीमसेनस्य प्रापतन्न् अमितौजसः सात्यकेश् चैव शूरस्य धृष्टद्युम्नस्य चाभिभो

antaraṃ bhīmasenasya prāpatann amitaujasaḥ sātyakeś caiva śūrasya dhṛṣṭadyumnasya cābhibho

They closed with Bhimasena of measureless might, and with the heroic Satyaki, and with Dhrishtadyumna, O lord.

हे प्रभो! अमित तेजस्वी वे वीर भीमसेन, शूरवीर सात्यकि और धृष्टद्युम्न के व्यूह के छिद्र पर टूट पड़े।

Verse 6

द्रोणं द्रोणम् इति क्रूराः पाञ्चालाः समचोदयन् मा द्रोणम् इति पुत्रास् ते कुरून् सर्वान् अचोदयन्

droṇaṃ droṇam iti krūrāḥ pāñcālāḥ samacodayan mā droṇam iti putrās te kurūn sarvān acodayan

'Drona! Drona!' -- so the fierce Panchalas urged one another on; 'Not Drona!' (let him not be reached) -- so your sons urged on all the Kurus.

'द्रोण को, द्रोण को (मारो)!' — ऐसा क्रूर पाञ्चाल एक-दूसरे को उकसाते थे; 'द्रोण को नहीं (बचाओ)!' — ऐसा आपके पुत्र समस्त कौरवों को प्रेरित करते थे।

Verse 7

द्रोणं द्रोणम् इति ह्य् एके मा द्रोणम् इति चापरे कुरूणां पाण्डवानां च द्रोणद्यूतम् अवर्तत

droṇaṃ droṇam iti hy eke mā droṇam iti cāpare kurūṇāṃ pāṇḍavānāṃ ca droṇadyūtam avartata

'Drona, Drona!' cried the one side; 'Not Drona!' the other; and between the Kurus and the Pandavas there went on, as it were, a gambling-match staked upon Drona.

'द्रोण को, द्रोण को!' — यों कुछ पुकारते थे और 'द्रोण को नहीं!' — यों दूसरे; इस प्रकार कौरवों और पाण्डवों के बीच द्रोण को दाँव पर लगाकर द्यूत-सा चलने लगा।

Verse 8

यं यं स्म भजते द्रोणः पाञ्चालानां रथव्रजम् तत्र तत्र स्म पाञ्चाल्यो धृष्टद्युम्नो ऽथ धीयते

yaṃ yaṃ sma bhajate droṇaḥ pāñcālānāṃ rathavrajam tatra tatra sma pāñcālyo dhṛṣṭadyumno 'tha dhīyate

Whatever body of Panchala cars Drona turned upon, there and there was the Panchala prince Dhrishtadyumna posted to meet him.

पाञ्चालों की जिस-जिस रथसेना पर द्रोण आक्रमण करते, वहाँ-वहाँ पाञ्चालराजकुमार धृष्टद्युम्न आ डटता था।

Verse 9

यथाभागविपर्यासे संग्रामे भैरवे सति वीराः समासदन् वीरान् अगच्छन् भीरवः परान्

yathābhāgaviparyāse saṃgrāme bhairave sati vīrāḥ samāsadan vīrān agacchan bhīravaḥ parān

When, in that fearful battle, the assigned positions were thrown into disorder, the brave closed with the brave, while the timid sought out lesser adversaries.

उस भयानक संग्राम में जहाँ यथायोग्य भागों का उलट-फेर हो रहा था, वीर वीरों से भिड़ते थे और भीरु दूसरे शत्रुओं की ओर जाते थे।

Verse 10

अकम्पनीयाः शत्रूणां बभूवुस् तत्र पाण्डवाः अकम्पयंस् त्व् अनीकानि स्मरन्तः क्लेशम् आत्मनः

akampanīyāḥ śatrūṇāṃ babhūvus tatra pāṇḍavāḥ akampayaṃs tv anīkāni smarantaḥ kleśam ātmanaḥ

There the Pandavas became unshakable by their foes; and, remembering their own past sufferings, they made the (enemy) ranks to tremble.

वहाँ पाण्डव शत्रुओं के लिए अकम्प्य हो गये; और अपने क्लेशों का स्मरण करते हुए उन्होंने शत्रुसेनाओं को कँपा दिया।

Verse 11

ते त्व् अमर्षवशं प्राप्ता ह्रीमन्तः सत्त्वचोदिताः त्यक्त्वा प्राणान् न्यवर्तन्त घ्नन्तो द्रोणं महाहवे

te tv amarṣavaśaṃ prāptā hrīmantaḥ sattvacoditāḥ tyaktvā prāṇān nyavartanta ghnanto droṇaṃ mahāhave

They, overcome by indignation, self-respecting, impelled by courage, giving up all care for their lives, turned to the fight, striving to slay Drona in that great battle.

और वे अमर्ष के वश में होकर भी लज्जाशील तथा सत्त्व से प्रेरित होकर, प्राणों की बाज़ी लगाकर उस महासंग्राम में द्रोण पर प्रहार करते हुए लौट पड़े।

Verse 12

अयसाम् इव संपातः शिलानाम् इव चाभवत् दीव्यतां तुमुले युद्धे प्राणैर् अमिततेजसाम्

ayasām iva saṃpātaḥ śilānām iva cābhavat dīvyatāṃ tumule yuddhe prāṇair amitatejasām

It was like the clashing of masses of iron, like the collision of rocks, as those of measureless energy gambled with their lives in the tumultuous battle.

उस तुमुल युद्ध में प्राणों का दाँव लगाने वाले अमित तेजस्वी वीरों का वह संघर्ष लोहे की राशियों और शिलाओं के परस्पर टकराने के समान हो गया।

Verse 13

न तु स्मरन्ति संग्रामम् अपि वृद्धास् तथाविधम् दृष्टपूर्वं महाराज श्रुतपूर्वम् अथापि वा

na tu smaranti saṃgrāmam api vṛddhās tathāvidham dṛṣṭapūrvaṃ mahārāja śrutapūrvam athāpi vā

Not even the aged remember a battle of such a kind, O great king, ever seen or ever heard of before.

हे महाराज! वृद्धजन भी ऐसे संग्राम का स्मरण नहीं करते जो पहले कभी देखा या सुना गया हो।

Verse 14

प्राकम्पतेव पृथिवी तस्मिन् वीरावसादने प्रवर्तता बलौघेन महता भारपीडिता

prākampateva pṛthivī tasmin vīrāvasādane pravartatā balaughena mahatā bhārapīḍitā

The earth seemed to tremble at that destruction of heroes, oppressed by the weight of the great surging flood of forces.

वीरों के उस संहार में, आगे बढ़ते हुए महान सेना-प्रवाह के भार से पीड़ित होकर पृथ्वी मानो काँप उठी।

Verse 15

घूर्णतो हि बलौघस्य दिवं स्तब्ध्वेव निस्वनः अजातशत्रोः क्रुद्धस्य पुत्रस्य तव चाभवत्

ghūrṇato hi balaughasya divaṃ stabdhveva nisvanaḥ ajātaśatroḥ kruddhasya putrasya tava cābhavat

The din of that whirling, surging host -- of the wrathful Ajatashatru and of your son -- rose as though to prop up the heavens.

घूमते हुए उस सेना-प्रवाह का जो कोलाहल क्रुद्ध अजातशत्रु (युधिष्ठिर) और आपके पुत्र दोनों की ओर से उठा, वह स्वर्ग को मानो स्तब्ध करता हुआ फैल गया।

Verse 16

समासाद्य तु पाण्डूनाम् अनीकानि सहस्रशः द्रोणेन चरता संख्ये प्रभग्नानि शितैः शरैः

samāsādya tu pāṇḍūnām anīkāni sahasraśaḥ droṇena caratā saṃkhye prabhagnāni śitaiḥ śaraiḥ

The hosts of the Pandavas, by the thousand, encountered by Drona as he ranged over the field, were broken by his sharp arrows.

द्रोण ने संग्राम में विचरते हुए पाण्डवों की हज़ारों सेनाओं पर पहुँचकर उन्हें तीखे बाणों से छिन्न-भिन्न कर दिया।

Verse 17

तेषु प्रमथ्यमानेषु द्रोणेनाद्भुतकर्मणा पर्यवारयद् आसाद्य द्रोणं सेनापतिः स्वयम्

teṣu pramathyamāneṣu droṇenādbhutakarmaṇā paryavārayad āsādya droṇaṃ senāpatiḥ svayam

As they were being crushed by Drona of wondrous deeds, the commander (Dhrishtadyumna) himself came up and beset Drona.

अद्भुत कर्म करने वाले द्रोण द्वारा उन सेनाओं के मथे जाते समय सेनापति धृष्टद्युम्न ने स्वयं आकर द्रोण को घेर लिया।

Verse 18

तद् अद्भुतम् अभूद् युद्धं द्रोणपाञ्चाल्ययोस् तदा नैव तस्योपमा का चित् संभवेद् इति मे मतिः

tad adbhutam abhūd yuddhaṃ droṇapāñcālyayos tadā naiva tasyopamā kā cit saṃbhaved iti me matiḥ

Wondrous then was that battle between Drona and the Panchala prince; to it, I think, there could be no comparison.

उस समय द्रोण और पाञ्चालकुमार (धृष्टद्युम्न) के बीच जो युद्ध हुआ वह अद्भुत था; मेरे विचार से उसकी कोई उपमा संभव नहीं।

Verse 19

ततो नीलो ऽनलप्रख्यो ददाह कुरुवाहिनीम् शरस्फुलिङ्गश् चापार्चिर् दहन् कक्षम् इवानलः

tato nīlo 'nalaprakhyo dadāha kuruvāhinīm śarasphuliṅgaś cāpārcir dahan kakṣam ivānalaḥ

Then Nila, resembling fire, consumed the Kuru host -- his arrows the sparks, his bow the flame -- like a fire consuming dry grass.

तब अग्नि के समान तेजस्वी नील ने — जिसके बाण चिंगारियाँ और धनुष ज्वाला के समान था — सूखी घास को जलाती हुई आग की भाँति कुरुसेना को दग्ध कर दिया।

Verse 20

तं दहन्तम् अनीकानि द्रोणपुत्रः प्रतापवान् पूर्वाभिभाषी सुश्लक्ष्णं स्मयमानो ऽभ्यभाषत

taṃ dahantam anīkāni droṇaputraḥ pratāpavān pūrvābhibhāṣī suślakṣṇaṃ smayamāno 'bhyabhāṣata

As he was burning the ranks, the mighty son of Drona, speaking first, very gently and smiling, addressed him:

उन सेनाओं को जलाते हुए उस नील से प्रतापी द्रोणपुत्र (अश्वत्थामा) ने — जो सदा पहले बोलने वाला था — मुसकराते हुए अत्यन्त मधुर वाणी में कहा।

Verse 21

नील किं बहुभिर् दग्धैस् तव योधैः शरार्चिषा मयैकेन हि युध्यस्व क्रुद्धः प्रहर चाशुगैः

nīla kiṃ bahubhir dagdhais tava yodhaiḥ śarārciṣā mayaikena hi yudhyasva kruddhaḥ prahara cāśugaiḥ

'Nila, what need to burn so many warriors with the flame of your arrows? Fight with me alone; strike, if you are wroth, with your swift shafts.'

'हे नील! अपने बाणों की आग से बहुत-से योद्धाओं को जलाने से क्या लाभ? मुझ अकेले से ही युद्ध करो; क्रुद्ध होकर अपने शीघ्रगामी बाणों से प्रहार करो।'

Verse 22

तं पद्मनिकराकारं पद्मपत्रनिभेक्षणम् व्याकोशपद्माभमुखं नीलो विव्याध सायकैः

taṃ padmanikarākāraṃ padmapatranibhekṣaṇam vyākośapadmābhamukhaṃ nīlo vivyādha sāyakaiḥ

Nila pierced with arrows that (Ashvatthaman) who had the semblance of a mass of lotuses, whose eyes were like lotus-petals, and whose face resembled a full-blown lotus.

कमलसमूह के समान कान्तिवाले, कमलदल-सदृश नेत्रों वाले, खिले हुए कमल-सरीखे मुखवाले उस अश्वत्थामा को नील ने बाणों से बींध दिया।

Verse 23

तेनातिविद्धः सहसा द्रौणिर् भल्लैः शितैस् त्रिभिः धनुर् ध्वजं च छत्रं च द्विषतः स न्यकृन्तत

tenātividdhaḥ sahasā drauṇir bhallaiḥ śitais tribhiḥ dhanur dhvajaṃ ca chatraṃ ca dviṣataḥ sa nyakṛntata

Deeply pierced by him at once, the son of Drona, with three sharp broad-headed shafts, cut off the bow, the standard, and the umbrella of his foe.

इससे अत्यन्त बिंध जाने पर द्रौणि (अश्वत्थामा) ने तुरन्त तीन तीखे भल्लों से शत्रु के धनुष, ध्वज और छत्र को काट डाला।

Verse 24

सोत्प्लुत्य स्यन्दनात् तस्मान् नीलश् चर्मवरासिधृक् द्रोणायनेः शिरः कायाद् धर्तुम् ऐच्छत् पतत्रिवत्

sotplutya syandanāt tasmān nīlaś carmavarāsidhṛk droṇāyaneḥ śiraḥ kāyād dhartum aicchat patatrivat

Leaping down from that car, Nila, bearing a shield and an excellent sword, wished, like a bird, to take the head of Drona's son from his body.

उस रथ से कूदकर श्रेष्ठ ढाल और तलवार धारण किये हुए नील ने पक्षी की भाँति झपटकर द्रोणपुत्र का सिर उसके धड़ से उतार लेना चाहा।

Verse 25

तस्योद्यतासेः सुनसं शिरः कायात् सकुण्डलम् भल्लेनापाहरद् द्रौणिः स्मयमान इवानघ

tasyodyatāseḥ sunasaṃ śiraḥ kāyāt sakuṇḍalam bhallenāpāharad drauṇiḥ smayamāna ivānagha

As his sword was upraised, the son of Drona, as if smiling, O sinless one, struck off with a broad-headed shaft his fair-nosed head, with its ear-rings, from his body.

हे निष्पाप! तलवार उठाये हुए उसी नील के सुन्दर नासिका वाले, कुण्डलयुक्त सिर को द्रौणि ने मानो मुसकराते हुए एक भल्ल से उसके धड़ से अलग कर दिया।

Verse 26

संपूर्णचन्द्राभमुखः पद्मपत्रनिभेक्षणः प्रांशुर् उत्पलगर्भाभो निहतो न्यपतत् क्षितौ

saṃpūrṇacandrābhamukhaḥ padmapatranibhekṣaṇaḥ prāṃśur utpalagarbhābho nihato nyapatat kṣitau

He, whose face was bright as the full moon, whose eyes were like lotus-petals, tall, and of a hue like the inner petals of a blue lotus, being slain, fell to the earth.

पूर्ण चन्द्रमा के समान मुखवाला, कमलदल-सरीखे नेत्रों वाला, ऊँचे कद का, नीलकमल के भीतरी भाग-जैसी कान्तिवाला वह नील मारा जाकर पृथ्वी पर गिर पड़ा।

Verse 27

ततः प्रविव्यथे सेना पाण्डवी भृशम् आकुला आचार्यपुत्रेण हते नीले ज्वलिततेजसि

tataḥ pravivyathe senā pāṇḍavī bhṛśam ākulā ācāryaputreṇa hate nīle jvalitatejasi

Then the Pandava army was sorely troubled and thrown into great confusion, when Nila of blazing energy was slain by the preceptor's son.

तब तेज से दीप्त नील के आचार्यपुत्र द्वारा मारे जाने पर पाण्डवसेना अत्यन्त व्याकुल और व्यथित हो उठी।

Verse 28

अचिन्तयंश् च ते सर्वे पाण्डवानां महारथाः कथं नो वासविस् त्रायाच् छत्रुभ्य इति मारिष

acintayaṃś ca te sarve pāṇḍavānāṃ mahārathāḥ kathaṃ no vāsavis trāyāc chatrubhya iti māriṣa

And all those mighty car-warriors of the Pandavas thought: 'How may the son of Vasava save us from our foes?' -- so it was, O sire.

हे आर्य! पाण्डवों के वे सभी महारथी सोचने लगे — 'वासवपुत्र (अर्जुन) हमें शत्रुओं से कैसे बचायेंगे?'

Verse 29

दक्षिणेन तु सेनायाः कुरुते कदनं बली संशप्तकावशेषस्य नारायणबलस्य च

dakṣiṇena tu senāyāḥ kurute kadanaṃ balī saṃśaptakāvaśeṣasya nārāyaṇabalasya ca

But the mighty one (Arjuna), on the southern flank of the army, was making havoc of the remnant of the Samshaptakas and of the Narayana host.

सेना के दक्षिण भाग में बलवान् अर्जुन संशप्तकों के शेष भाग का और नारायण-सेना का संहार कर रहे थे।