Adhyaya 24

Verse 1

संजय उवाच महद् भैरवम् आसीन् नः संनिवृत्तेषु पाण्डुषु दृष्ट्वा द्रोणं छाद्यमानं तैर् भास्करम् इवाम्बुदैः

saṃjaya uvāca mahad bhairavam āsīn naḥ saṃnivṛtteṣu pāṇḍuṣu dṛṣṭvā droṇaṃ chādyamānaṃ tair bhāskaram ivāmbudaiḥ

Sanjaya said: Great was the terror that fell upon us when the Pandavas turned back to the fight, seeing Drona veiled by them as the sun is veiled by clouds.

संजय ने कहा — पाण्डवों के युद्ध में लौट आने पर, और मेघों से ढके सूर्य के समान द्रोण को उनसे आच्छादित होता देखकर, हम पर महान् भय छा गया।

Verse 2

तैश् चोद्धूतं रजस् तीव्रम् अवचक्रे चमूं तव ततो हतम् अमन्याम द्रोणं दृष्टिपथे हते

taiś coddhūtaṃ rajas tīvram avacakre camūṃ tava tato hatam amanyāma droṇaṃ dṛṣṭipathe hate

The thick dust they raised swallowed up your army; and when the range of vision was lost, we thought Drona already slain.

उनके द्वारा उड़ाई गई तीव्र धूल ने आपकी सेना को ग्रस लिया; और जब दृष्टि-सीमा लुप्त हो गई, तब हमने द्रोण को मारा गया ही मान लिया।

Verse 3

तांस् तु शूरान् महेष्वासान् क्रूरं कर्म चिकीर्षतः दृष्ट्वा दुर्योधनस् तूर्णं स्वसैन्यं समचूचुदत्

tāṃs tu śūrān maheṣvāsān krūraṃ karma cikīrṣataḥ dṛṣṭvā duryodhanas tūrṇaṃ svasainyaṃ samacūcudat

But seeing those heroic great archers bent on a cruel deed, Duryodhana swiftly urged on his own troops.

किन्तु क्रूर कर्म करने को उद्यत उन शूर महाधनुर्धरों को देखकर दुर्योधन ने शीघ्र अपनी सेना को प्रेरित किया।

Verse 4

यथाशक्ति यथोत्साहं यथासत्त्वं नराधिपाः वारयध्वं यथायोगं पाण्डवानाम् अनीकिनीम्

yathāśakti yathotsāhaṃ yathāsattvaṃ narādhipāḥ vārayadhvaṃ yathāyogaṃ pāṇḍavānām anīkinīm

'According to your power, your zeal, and your strength, O kings, hold back, as best you can, the host of the Pandavas.'

'हे नरेशो! अपनी शक्ति, उत्साह और सत्त्व के अनुसार, यथायोग्य, पाण्डवों की सेना को रोको।'

Verse 5

ततो दुर्मर्षणो भीमम् अभ्यगच्छत् सुतस् तव आराद् दृष्ट्वा किरन् बाणैर् इच्छन् द्रोणस्य जीवितम्

tato durmarṣaṇo bhīmam abhyagacchat sutas tava ārād dṛṣṭvā kiran bāṇair icchan droṇasya jīvitam

Then your son Durmarshana advanced against Bhima, seeing him from afar, showering arrows, longing to preserve Drona's life.

तब आपका पुत्र दुर्मर्षण, द्रोण का जीवन बचाने की इच्छा से, दूर से ही भीम को देखकर बाण बरसाता हुआ उस पर चढ़ आया।

Verse 6

तं बाणैर् अवतस्तार क्रुद्धो मृत्युम् इवाहवे तं च भीमो ऽतुदद् बाणैस् तदासीत् तुमुलं महत्

taṃ bāṇair avatastāra kruddho mṛtyum ivāhave taṃ ca bhīmo 'tudad bāṇais tadāsīt tumulaṃ mahat

Wrathful, he overspread with arrows that (Bhima) who was like Death itself in battle; and Bhima in turn smote him with arrows. Then arose a great tumult.

क्रुद्ध होकर उसने युद्ध में मृत्यु के समान उस (भीम) को बाणों से ढक दिया; और भीम ने भी उसे बाणों से मारा। तब महान् कोलाहल हुआ।

Verse 7

त ईश्वरसमादिष्टाः प्राज्ञाः शूराः प्रहारिणः बाह्यं मृत्युभयं कृत्वा प्रत्यतिष्ठन् परान् युधि

ta īśvarasamādiṣṭāḥ prājñāḥ śūrāḥ prahāriṇaḥ bāhyaṃ mṛtyubhayaṃ kṛtvā pratyatiṣṭhan parān yudhi

Those wise, heroic smiters, commanded by their lord, set aside all fear of death and stood firm against the foe in battle.

अपने स्वामी के आदेश से वे प्राज्ञ, शूर प्रहारकर्ता बाहरी मृत्यु-भय को त्यागकर युद्ध में शत्रुओं के सामने दृढ़ खड़े रहे।

Verse 8

कृतवर्मा शिनेः पुत्रं द्रोणप्रेप्सुं विशां पते पर्यवारयद् आयान्तं शूरं समितिशोभनम्

kṛtavarmā śineḥ putraṃ droṇaprepsuṃ viśāṃ pate paryavārayad āyāntaṃ śūraṃ samitiśobhanam

Kritavarman, O lord of peoples, held back the advancing son of Shini -- that hero, resplendent in the assembly of warriors -- who was eager to reach Drona.

हे प्रजापते! कृतवर्मा ने द्रोण तक पहुँचने के इच्छुक, आते हुए शिनिपुत्र (सात्यकि) — उस योद्धा-सभा में शोभायमान शूर — को रोका।

Verse 9

तं शैनेयः शरव्रातैः क्रुद्धः क्रुद्धम् अवारयत् कृतवर्मा च शैनेयं मत्तो मत्तम् इव द्विपम्

taṃ śaineyaḥ śaravrātaiḥ kruddhaḥ kruddham avārayat kṛtavarmā ca śaineyaṃ matto mattam iva dvipam

The wrathful grandson of Shini held back the wrathful (Kritavarman) with volleys of arrows; and Kritavarman held back the son of Shini, as one elephant in rut holds back another.

क्रुद्ध शिनिपौत्र (सात्यकि) ने बाण-समूहों से क्रुद्ध (कृतवर्मा) को रोका; और कृतवर्मा ने शिनिपौत्र को वैसे ही रोका, जैसे एक मदमत्त हाथी दूसरे को।

Verse 10

सैन्धवः क्षत्रधर्माणम् आपतन्तं शरौघिणम् उग्रधन्वा महेष्वासं यत्तो द्रोणाद् अवारयत्

saindhavaḥ kṣatradharmāṇam āpatantaṃ śaraughiṇam ugradhanvā maheṣvāsaṃ yatto droṇād avārayat

The ruler of the Sindhus, a great archer of fierce bow, striving hard, held back from Drona the onrushing Kshatradharman, who poured forth floods of arrows.

उग्र धनुष वाले महाधनुर्धर सैन्धव (जयद्रथ) ने प्रयत्नपूर्वक, बाण-प्रवाह बरसाते आक्रमणकारी क्षत्रधर्मा को द्रोण से रोका।

Verse 11

क्षत्रधर्मा सिन्धुपतेश् छित्त्वा केतनकार्मुके नाराचैर् बहुभिः क्रुद्धः सर्वमर्मस्व् अताडयत्

kṣatradharmā sindhupateś chittvā ketanakārmuke nārācair bahubhiḥ kruddhaḥ sarvamarmasv atāḍayat

Kshatradharman, having cut away the standard and the bow of the lord of the Sindhus, in his wrath struck him in all his vital parts with many iron shafts.

क्षत्रधर्मा ने सिन्धुपति (जयद्रथ) की ध्वजा और धनुष काटकर क्रोध में उसे अनेक नाराचों से समस्त मर्मस्थलों पर मारा।

Verse 12

अथान्यद् धनुर् आदाय सैन्धवः कृतहस्तवत् विव्याध क्षत्रधर्माणं रणे सर्वायसैः शरैः

athānyad dhanur ādāya saindhavaḥ kṛtahastavat vivyādha kṣatradharmāṇaṃ raṇe sarvāyasaiḥ śaraiḥ

Then the Saindhava, taking up another bow, with practiced hand pierced Kshatradharman in the battle with arrows made wholly of iron.

तब सैन्धव ने दूसरा धनुष लेकर कुशल हाथ से रण में क्षत्रधर्मा को सम्पूर्ण लोहे के बाणों से बींध डाला।

Verse 13

युयुत्सुं पाण्डवार्थाय यतमानं महारथम् सुबाहुर् भ्रातरं शूरं यत्तो द्रोणाद् अवारयत्

yuyutsuṃ pāṇḍavārthāya yatamānaṃ mahāratham subāhur bhrātaraṃ śūraṃ yatto droṇād avārayat

Subahu, striving, held back from Drona his own brave brother Yuyutsu, that mighty car-warrior who was exerting himself for the Pandavas' cause.

सुबाहु ने प्रयत्नपूर्वक पाण्डवों के हित के लिए जूझते अपने शूर भाई, महारथी युयुत्सु को द्रोण से रोका।

Verse 14

सुबाहोः सधनुर्बाणाव् अस्यतः परिघोपमौ युयुत्सुः शितपीताभ्यां क्षुराभ्याम् अच्छिनद् भुजौ

subāhoḥ sadhanurbāṇāv asyataḥ parighopamau yuyutsuḥ śitapītābhyāṃ kṣurābhyām acchinad bhujau

As Subahu, whose arms were like iron bludgeons, was loosing bow and arrows, Yuyutsu with two sharp, whetted razor-headed shafts cut off both his arms.

परिघ के समान भुजाओं वाले सुबाहु धनुष और बाण चला ही रहे थे कि युयुत्सु ने दो तीखे, पीले रंग के क्षुर (उस्तरे-जैसे) बाणों से उसकी दोनों भुजाएँ काट डालीं।

Verse 15

राजानं पाण्डवश्रेष्ठं धर्मात्मानं युधिष्ठिरम् वेलेव सागरं क्षुब्धं मद्रराट् समवारयत्

rājānaṃ pāṇḍavaśreṣṭhaṃ dharmātmānaṃ yudhiṣṭhiram veleva sāgaraṃ kṣubdhaṃ madrarāṭ samavārayat

The king of the Madras held back King Yudhishthira, best of the Pandavas, the righteous-souled, as the shore holds back the surging sea.

मद्रराज ने पाण्डवश्रेष्ठ, धर्मात्मा राजा युधिष्ठिर को वैसे ही रोका, जैसे तट क्षुब्ध सागर को।

Verse 16

तं धर्मराजो बहुभिर् मर्मभिद्भिर् अवाकिरत् मद्रेशस् तं चतुःषष्ट्या शरैर् विद्ध्वानदद् भृशम्

taṃ dharmarājo bahubhir marmabhidbhir avākirat madreśas taṃ catuḥṣaṣṭyā śarair viddhvānadad bhṛśam

The Dharma-king covered him with many shafts that pierce the vitals; and the lord of the Madras, piercing him with sixty-four arrows, roared aloud.

धर्मराज ने उसे मर्मभेदी अनेक बाणों से ढक दिया; और मद्रेश ने उन्हें चौंसठ बाणों से बींधकर अत्यन्त गर्जना की।

Verse 17

तस्य नानदतः केतुम् उच्चकर्त सकार्मुकम् क्षुराभ्यां पाण्डवश्रेष्ठस् तत उच्चुक्रुशुर् जनाः

tasya nānadataḥ ketum uccakarta sakārmukam kṣurābhyāṃ pāṇḍavaśreṣṭhas tata uccukruśur janāḥ

As he was roaring, the best of the Pandavas with two razor-headed shafts struck down his standard together with his bow; and thereupon the troops shouted aloud.

गर्जते हुए उसकी ध्वजा को धनुष सहित पाण्डवश्रेष्ठ ने दो क्षुर बाणों से काट डाला; तब लोग हर्ष से चिल्ला उठे।

Verse 18

तथैव राजा बाह्लीको राजानं द्रुपदं शरैः आद्रवन्तं सहानीकं सहानीको न्यवारयत्

tathaiva rājā bāhlīko rājānaṃ drupadaṃ śaraiḥ ādravantaṃ sahānīkaṃ sahānīko nyavārayat

Likewise King Bahlika, with his own forces, held back with arrows King Drupada, who was rushing on together with his troops.

वैसे ही राजा बाह्लीक ने अपनी सेना सहित, सेना सहित आक्रमण करते राजा द्रुपद को बाणों से रोका।

Verse 19

तद् युद्धम् अभवद् घोरं वृद्धयोः सहसेनयोः यथा महायूथपयोर् द्विपयोः संप्रभिन्नयोः

tad yuddham abhavad ghoraṃ vṛddhayoḥ sahasenayoḥ yathā mahāyūthapayor dvipayoḥ saṃprabhinnayoḥ

Terrible was that battle between those two aged (kings) with their armies, like that between two great herd-leading elephants in rut.

उन दोनों वृद्ध (राजाओं) का अपनी सेनाओं सहित वह युद्ध वैसा ही घोर हुआ, जैसा मद से फूटे (मदोन्मत्त) दो महायूथपति हाथियों का।

Verse 20

विन्दानुविन्दाव् आवन्त्यौ विराटं मत्स्यम् आर्च्छताम् सहसैन्यौ सहानीकं यथेन्द्राग्नी पुरा बलिम्

vindānuvindāv āvantyau virāṭaṃ matsyam ārcchatām sahasainyau sahānīkaṃ yathendrāgnī purā balim

Vinda and Anuvinda of Avanti, with their troops, assailed Virata the Matsya (king) with his forces, as Indra and Agni of old assailed Bali.

आवन्ति के विन्द और अनुविन्द ने अपनी सेनाओं सहित मत्स्यराज विराट पर उसकी सेना सहित वैसे ही आक्रमण किया, जैसे प्राचीन काल में इन्द्र और अग्नि ने बलि पर।

Verse 21

तद् उत्पिञ्जलकं युद्धम् आसीद् देवासुरोपमम् मत्स्यानां केकयैः सार्धम् अभीताश्वरथद्विपम्

tad utpiñjalakaṃ yuddham āsīd devāsuropamam matsyānāṃ kekayaiḥ sārdham abhītāśvarathadvipam

That confused and tumultuous battle of the Matsyas together with the Kekayas -- with steeds, cars, and elephants all fearless -- resembled that of the gods and the Asuras.

केकयों सहित मत्स्यों का वह घमासान युद्ध, जिसमें घोड़े, रथ और हाथी निर्भय थे, देवासुर-संग्राम के समान हो गया।

Verse 22

नाकुलिं तु शतानीकं भूतकर्मा सभापतिः अस्यन्तम् इषुजालानि यान्तं द्रोणाद् अवारयत्

nākuliṃ tu śatānīkaṃ bhūtakarmā sabhāpatiḥ asyantam iṣujālāni yāntaṃ droṇād avārayat

But Bhutakarman, also called Sabhapati, held back from Drona the son of Nakula, Shatanika, who advanced shooting nets of arrows.

किन्तु सभापति भूतकर्मा ने बाण-जाल बरसाते, आते हुए नकुलपुत्र शतानीक को द्रोण से रोका।

Verse 23

ततो नकुलदायादस् त्रिभिर् भल्लैः सुसंशितैः चक्रे विबाहुशिरसं भूतकर्माणम् आहवे

tato nakuladāyādas tribhir bhallaiḥ susaṃśitaiḥ cakre vibāhuśirasaṃ bhūtakarmāṇam āhave

Then the son of Nakula, with three well-whetted broad-headed shafts, made Bhutakarman armless and headless in that battle.

तब नकुल के उत्तराधिकारी (पुत्र शतानीक) ने तीन भलीभाँति तेज किए भल्लों से उस युद्ध में भूतकर्मा को भुजाओं और सिर से रहित कर दिया।

Verse 24

सुतसोमं तु विक्रान्तम् आपतन्तं शरौघिणम् द्रोणायाभिमुखं वीरं विविंशतिर् अवारयत्

sutasomaṃ tu vikrāntam āpatantaṃ śaraughiṇam droṇāyābhimukhaṃ vīraṃ viviṃśatir avārayat

But Vivimsati held back the valiant hero Sutasoma, who was rushing on toward Drona, pouring forth floods of arrows.

किन्तु विविंशति ने द्रोण के सम्मुख बाण-प्रवाह बरसाते, आक्रमण करते पराक्रमी वीर सुतसोम को रोका।

Verse 25

सुतसोमस् तु संक्रुद्धः स्वपितृव्यम् अजिह्मगैः विविंशतिं शरैर् विद्ध्वा नाभ्यवर्तत दंशितः

sutasomas tu saṃkruddhaḥ svapitṛvyam ajihmagaiḥ viviṃśatiṃ śarair viddhvā nābhyavartata daṃśitaḥ

But Sutasoma, greatly enraged, having pierced his own uncle Vivimsati with straight-flying arrows, mailed as he was, did not turn back.

किन्तु अत्यन्त क्रुद्ध सुतसोम ने अपने चाचा विविंशति को सीधे जाने वाले बाणों से बींधा, फिर भी कवचबद्ध वह (विविंशति) पीछे न हटा।

Verse 26

अथ भीमरथः शाल्वम् आशुगैर् आयसैः शितैः षड्भिः साश्वनियन्तारम् अनयद् यमसादनम्

atha bhīmarathaḥ śālvam āśugair āyasaiḥ śitaiḥ ṣaḍbhiḥ sāśvaniyantāram anayad yamasādanam

Then Bhimaratha, with six swift, sharp iron arrows, sent Shalva, together with his steeds and driver, to the abode of Yama.

तब भीमरथ ने छह शीघ्रगामी, तीखे लोहे के बाणों से शाल्व को घोड़ों और सारथि सहित यमलोक पहुँचा दिया।

Verse 27

श्रुतकर्माणम् आयान्तं मयूरसदृशैर् हयैः चैत्रसेनिर् महाराज तव पौत्रो न्यवारयत्

śrutakarmāṇam āyāntaṃ mayūrasadṛśair hayaiḥ caitrasenir mahārāja tava pautro nyavārayat

Your grandson, the son of Chitrasena, O great king, held back Shrutakarman, who advanced borne by steeds resembling peacocks.

हे महाराज! मोर के समान घोड़ों से आते श्रुतकर्मा को आपके पौत्र, चित्रसेन के पुत्र ने रोका।

Verse 28

तौ पौत्रौ तव दुर्धर्षौ परस्परवधैषिणौ पितॄणाम् अर्थसिद्ध्यर्थं चक्रतुर् युद्धम् उत्तमम्

tau pautrau tava durdharṣau parasparavadhaiṣiṇau pitṝṇām arthasiddhyarthaṃ cakratur yuddham uttamam

Those two grandsons of yours, both unassailable, each seeking to slay the other, waged a splendid battle for the accomplishment of their fathers' aims.

आपके वे दोनों दुर्धर्ष पौत्र, परस्पर एक-दूसरे का वध चाहते हुए, अपने पिताओं के प्रयोजन की सिद्धि के लिए उत्तम युद्ध करने लगे।

Verse 29

तिष्ठन्तम् अग्रतो दृष्ट्वा प्रतिविन्ध्यं तम् आहवे द्रौणिर् मानं पितुः कुर्वन् मार्गणैः समवारयत्

tiṣṭhantam agrato dṛṣṭvā prativindhyaṃ tam āhave drauṇir mānaṃ pituḥ kurvan mārgaṇaiḥ samavārayat

Seeing Prativindhya stationed in the van of that battle, the son of Drona, upholding his father's honor, held him back with his arrows.

उस युद्ध में आगे खड़े प्रतिविन्ध्य को देखकर द्रोणपुत्र (अश्वत्थामा) ने अपने पिता का मान रखते हुए उसे बाणों से रोका।

Verse 30

तं क्रुद्धः प्रतिविव्याध प्रतिविन्ध्यः शितैः शरैः सिंहलाङ्गूललक्ष्माणं पितुर् अर्थे व्यवस्थितम्

taṃ kruddhaḥ prativivyādha prativindhyaḥ śitaiḥ śaraiḥ siṃhalāṅgūlalakṣmāṇaṃ pitur arthe vyavasthitam

Prativindhya, enraged, pierced him in return with sharp arrows -- (Ashvatthaman) who bore the device of a lion's tail on his banner and stood there for his father's sake.

क्रुद्ध प्रतिविन्ध्य ने उस (अश्वत्थामा) को, जो सिंह-पूँछ के चिह्न वाली ध्वजा धारण किए अपने पिता के लिए वहाँ डटा था, तीखे बाणों से उत्तर में बींधा।

Verse 31

प्रवपन्न् इव बीजानि बीजकाले नरर्षभ द्रौणायनिर् द्रौपदेयं शरवर्षैर् अवाकिरत्

pravapann iva bījāni bījakāle nararṣabha drauṇāyanir draupadeyaṃ śaravarṣair avākirat

As a sower scatters seeds at the sowing season, O bull among men, so did the son of Drona cover the son of Draupadi with showers of arrows.

हे नरर्षभ! बीज बोने के समय बीज बिखेरते (किसान) के समान द्रोणपुत्र ने द्रौपदीपुत्र को बाण-वर्षाओं से ढक दिया।

Verse 32

यस् तु शूरतमो राजन् सेनयोर् उभयोर् मतः तं पटच्चरहन्तारं लक्ष्मणः समवारयत्

yas tu śūratamo rājan senayor ubhayor mataḥ taṃ paṭaccarahantāraṃ lakṣmaṇaḥ samavārayat

But Lakshmana held back that slayer of the Patachcharas who, O king, was reckoned in both armies the bravest of the brave.

हे राजन्! जो दोनों सेनाओं में सबसे अधिक शूर माना जाता था — उस पटच्चरों के हन्ता को लक्ष्मण (दुर्योधन-पुत्र) ने रोका।

Verse 33

स लक्ष्मणस्येष्वसनं छित्त्वा लक्ष्म च भारत लक्ष्मणे शरजालानि विसृजन् बह्व् अशोभत

sa lakṣmaṇasyeṣvasanaṃ chittvā lakṣma ca bhārata lakṣmaṇe śarajālāni visṛjan bahv aśobhata

He, O Bharata, having cut off Lakshmana's bow and his banner-device, shone resplendent as he loosed nets of arrows upon Lakshmana.

हे भारत! उसने लक्ष्मण का धनुष और ध्वज-चिह्न काटकर, लक्ष्मण पर बाण-जाल बरसाते हुए अत्यन्त शोभित हुआ।

Verse 34

विकर्णस् तु महाप्राज्ञो याज्ञसेनिं शिखण्डिनम् पर्यवारयद् आयान्तं युवानं समरे युवा

vikarṇas tu mahāprājño yājñaseniṃ śikhaṇḍinam paryavārayad āyāntaṃ yuvānaṃ samare yuvā

But the highly wise Vikarna, himself a youth, held back in battle the advancing youthful Shikhandin, son of Yajnasena.

किन्तु महाप्राज्ञ विकर्ण ने, स्वयं युवा होकर, युद्ध में आते हुए युवा याज्ञसेनि शिखण्डी को रोका।

Verse 35

ततस् तम् इषुजालेन याज्ञसेनिः समावृणोत् विधूय तद् बाणजालं बभौ तव सुतो बली

tatas tam iṣujālena yājñaseniḥ samāvṛṇot vidhūya tad bāṇajālaṃ babhau tava suto balī

Then the son of Yajnasena enveloped him with a net of arrows; but your mighty son, shaking off that net of arrows, shone forth.

तब याज्ञसेनि (शिखण्डी) ने उसे बाण-जाल से ढक दिया; किन्तु आपके बलवान् पुत्र (विकर्ण) ने उस बाण-जाल को झाड़कर शोभा पाई।

Verse 36

अङ्गदो ऽभिमुखः शूरम् उत्तमौजसम् आहवे द्रोणायाभिमुखं यान्तं वत्सदन्तैर् अवारयत्

aṅgado 'bhimukhaḥ śūram uttamaujasam āhave droṇāyābhimukhaṃ yāntaṃ vatsadantair avārayat

Angada, facing him, held back with calf-tooth-headed shafts the hero Uttamaujas, who was advancing toward Drona in the battle.

अंगद ने सम्मुख होकर युद्ध में द्रोण की ओर आते शूर उत्तमौजा को वत्सदन्त (बछड़े के दाँत जैसे) बाणों से रोका।

Verse 37

स संप्रहारस् तुमुलस् तयोः पुरुषसिंहयोः सैनिकानां च सर्वेषां तयोश् च प्रीतिवर्धनः

sa saṃprahāras tumulas tayoḥ puruṣasiṃhayoḥ sainikānāṃ ca sarveṣāṃ tayoś ca prītivardhanaḥ

That tumultuous combat between those two lions among men heightened the delight both of all the soldiers and of the two warriors themselves.

उन दोनों पुरुषसिंहों का वह प्रचण्ड संघर्ष समस्त सैनिकों की तथा स्वयं उन दोनों की भी प्रीति बढ़ाने वाला था।

Verse 38

दुर्मुखस् तु महेष्वासो वीरं पुरुजितं बली द्रोणायाभिमुखं यान्तं कुन्तिभोजम् अवारयत्

durmukhas tu maheṣvāso vīraṃ purujitaṃ balī droṇāyābhimukhaṃ yāntaṃ kuntibhojam avārayat

But the mighty great archer Durmukha held back the heroic Purujit Kuntibhoja, who was advancing toward Drona.

किन्तु बलवान् महाधनुर्धर दुर्मुख ने द्रोण की ओर आते वीर पुरुजित् कुन्तिभोज को रोका।

Verse 39

स दुर्मुखं भ्रुवोर् मध्ये नाराचेन व्यताडयत् तस्य तद् विबभौ वक्त्रं सनालम् इव पङ्कजम्

sa durmukhaṃ bhruvor madhye nārācena vyatāḍayat tasya tad vibabhau vaktraṃ sanālam iva paṅkajam

Purujit struck Durmukha between the brows with an iron shaft; and his face therewith shone like a lotus upon its stalk.

उस (पुरुजित्) ने दुर्मुख को भौंहों के बीच नाराच से मारा; और उससे उसका वह मुख नाल सहित कमल के समान शोभित हुआ।

Verse 40

कर्णस् तु केकयान् भ्रातॄन् पञ्च लोहितकध्वजान् द्रोणायाभिमुखं याताञ् शरवर्षैर् अवारयत्

karṇas tu kekayān bhrātṝn pañca lohitakadhvajān droṇāyābhimukhaṃ yātāñ śaravarṣair avārayat

But Karna held back with showers of arrows the five Kekaya brothers, bearing red standards, who were advancing toward Drona.

किन्तु कर्ण ने द्रोण की ओर आते लाल ध्वजाओं वाले पाँच केकय भाइयों को बाण-वर्षाओं से रोका।

Verse 41

ते चैनं भृशसंक्रुद्धाः शरव्रातैर् अवाकिरन् स च तांश् छादयाम् आस शरजालैः पुनः पुनः

te cainaṃ bhṛśasaṃkruddhāḥ śaravrātair avākiran sa ca tāṃś chādayām āsa śarajālaiḥ punaḥ punaḥ

And they, greatly enraged, covered him with volleys of arrows; and he in turn covered them again and again with nets of arrows.

और उन्होंने अत्यन्त क्रुद्ध होकर उसे बाण-समूहों से ढक दिया; और उसने भी उन्हें बार-बार बाण-जालों से ढक दिया।

Verse 42

नैव कर्णो न ते पञ्च ददृशुर् बाणसंवृताः साश्वसूतध्वजरथाः परस्परशराचिताः

naiva karṇo na te pañca dadṛśur bāṇasaṃvṛtāḥ sāśvasūtadhvajarathāḥ parasparaśarācitāḥ

Neither Karna nor those five could any longer be seen, veiled in arrows -- they with their steeds, drivers, standards, and cars, all covered over by one another's shafts.

न कर्ण, न वे पाँचों — बाणों से ढके हुए दिखाई देते थे; वे अपने घोड़ों, सारथियों, ध्वजाओं और रथों सहित परस्पर के बाणों से आच्छादित थे।

Verse 43

पुत्रस् ते दुर्जयश् चैव जयश् च विजयश् च ह नीलं काश्यं जयं शूरास् त्रयस् त्रीन् प्रत्यवारयन्

putras te durjayaś caiva jayaś ca vijayaś ca ha nīlaṃ kāśyaṃ jayaṃ śūrās trayas trīn pratyavārayan

Your sons Durjaya, Jaya, and Vijaya -- those three heroes -- held back three foes: Nila, the prince of the Kashis, and Jaya.

आपके पुत्र दुर्जय, जय और विजय — उन तीनों शूरों ने तीन शत्रुओं को रोका: नील, काशिराज और जय को।

Verse 44

तद् युद्धम् अभवद् घोरम् ईक्षितृप्रीतिवर्धनम् सिंहव्याघ्रतरक्षूणां यथेभमहिषर्षभैः

tad yuddham abhavad ghoram īkṣitṛprītivardhanam siṃhavyāghratarakṣūṇāṃ yathebhamahiṣarṣabhaiḥ

That battle became terrible, heightening the delight of the onlookers, like that of lions, tigers, and hyenas with elephants, buffaloes, and bulls.

वह युद्ध घोर हो गया, और दर्शकों की प्रीति बढ़ाने वाला — जैसे सिंहों, व्याघ्रों और तरक्षुओं (लकड़बग्घों) का हाथियों, भैंसों और बैलों के साथ।

Verse 45

क्षेमधूर्तिबृहन्तौ तौ भ्रातरौ सात्वतं युधि द्रोणायाभिमुखं यान्तं शरैस् तीक्ष्णैस् ततक्षतुः

kṣemadhūrtibṛhantau tau bhrātarau sātvataṃ yudhi droṇāyābhimukhaṃ yāntaṃ śarais tīkṣṇais tatakṣatuḥ

Those two brothers, Kshemadhurti and Brihanta, in battle mangled with sharp arrows the Satvata (Satyaki), who was advancing toward Drona.

उन दोनों भाइयों क्षेमधूर्ति और बृहन्त ने युद्ध में द्रोण की ओर आते सात्वत (सात्यकि) को तीखे बाणों से क्षत-विक्षत किया।

Verse 46

तयोस् तस्य च तद् युद्धम् अत्यद्भुतम् इवाभवत् सिंहस्य द्विपमुख्याभ्यां प्रभिन्नाभ्यां यथा वने

tayos tasya ca tad yuddham atyadbhutam ivābhavat siṃhasya dvipamukhyābhyāṃ prabhinnābhyāṃ yathā vane

That battle between the two of them and him became most wonderful, like that of a lion with two foremost elephants in rut in the forest.

उन दोनों का उसके साथ वह युद्ध अत्यन्त अद्भुत-सा हो गया, जैसे वन में दो मदमत्त श्रेष्ठ हाथियों के साथ सिंह का।

Verse 47

राजानं तु तथाम्बष्ठम् एकं युद्धाभिनन्दिनम् चेदिराजः शरान् अस्यन् क्रुद्धो द्रोणाद् अवारयत्

rājānaṃ tu tathāmbaṣṭham ekaṃ yuddhābhinandinam cedirājaḥ śarān asyan kruddho droṇād avārayat

And the king of the Chedis, wrathfully shooting arrows, held back from Drona the king of the Ambashthas, that solitary lover of battle.

और चेदिराज ने क्रुद्ध होकर बाण बरसाते हुए द्रोण से उस अकेले युद्धप्रिय अम्बष्ठराज को रोका।

Verse 48

तम् अम्बष्ठो ऽस्थिभेदिन्या निरविध्यच् छलाकया स त्यक्त्वा सशरं चापं रथाद् भूमिम् अथापतत्

tam ambaṣṭho 'sthibhedinyā niravidhyac chalākayā sa tyaktvā saśaraṃ cāpaṃ rathād bhūmim athāpatat

The Ambashtha pierced him with a bone-splitting shaft; and he, letting go his bow with its arrow, fell from his car to the ground.

अम्बष्ठ ने उसे अस्थिभेदी शलाका (बाण) से बींधा; और वह बाण सहित धनुष छोड़कर रथ से भूमि पर गिर पड़ा।

Verse 49

वार्धक्षेमिं तु वार्ष्णेयं कृपः शारद्वतः शरैः अक्षुद्रः क्षुद्रकैर् द्रोणात् क्रुद्धरूपम् अवारयत्

vārdhakṣemiṃ tu vārṣṇeyaṃ kṛpaḥ śāradvataḥ śaraiḥ akṣudraḥ kṣudrakair droṇāt kruddharūpam avārayat

But Kripa, son of Sharadvata, himself no mean warrior, held back from Drona with small arrows the wrathful Vardhakshemi of the Vrishni race.

किन्तु स्वयं कोई तुच्छ योद्धा न रहने वाले शरद्वत्पुत्र कृप ने क्रुद्ध रूप वाले वृष्णिवंशी वार्धक्षेमि को छोटे बाणों से द्रोण से रोका।

Verse 50

युध्यन्तौ कृपवार्ष्णेयौ ये ऽपश्यंश् चित्रयोधिनौ ते युद्धसक्तमनसो नान्या बुबुधिरे क्रियाः

yudhyantau kṛpavārṣṇeyau ye 'paśyaṃś citrayodhinau te yuddhasaktamanaso nānyā bubudhire kriyāḥ

Those who beheld Kripa and the Vrishni warrior fighting, both skilled in varied modes of war, became so absorbed in that combat that they took note of no other deed.

जिन्होंने विचित्र युद्ध करने वाले कृप और वृष्णिवीर (वार्धक्षेमि) को युद्ध करते देखा, वे उस युद्ध में इतने तल्लीन हो गए कि किसी अन्य कार्य का भान न रहा।

Verse 51

सौमदत्तिस् तु राजानं मणिमन्तम् अतन्द्रितम् पर्यवारयद् आयान्तं यशो द्रोणस्य वर्धयन्

saumadattis tu rājānaṃ maṇimantam atandritam paryavārayad āyāntaṃ yaśo droṇasya vardhayan

But the son of Somadatta, enhancing the glory of Drona, held back the advancing, tireless King Manimat.

किन्तु सोमदत्तपुत्र (भूरिश्रवा) ने द्रोण का यश बढ़ाते हुए, आते हुए आलस्यरहित राजा मणिमान् को रोका।

Verse 52

स सौमदत्तेस् त्वरितश् छित्त्वेष्वसनकेतने पुनः पताकां सूतं च छत्रं चापातयद् रथात्

sa saumadattes tvaritaś chittveṣvasanaketane punaḥ patākāṃ sūtaṃ ca chatraṃ cāpātayad rathāt

He (Manimat), swift of hand, having cut off the bow and standard of Somadatta's son, further struck down from his car his banner, his driver, and his umbrella.

उस (मणिमान्) ने शीघ्र हाथ से सोमदत्तपुत्र के धनुष और ध्वज-चिह्न को काटकर, फिर उसके रथ से पताका, सारथि और छत्र को गिरा दिया।

Verse 53

अथाप्लुत्य रथात् तूर्णं यूपकेतुर् अमित्रहा साश्वसूतध्वजरथं तं चकर्त वरासिना

athāplutya rathāt tūrṇaṃ yūpaketur amitrahā sāśvasūtadhvajarathaṃ taṃ cakarta varāsinā

Then the slayer of foes who bore the sacrificial-stake device on his banner, swiftly leaping down from his car, cut down (Manimat), together with his steeds, driver, standard, and car, with his excellent sword.

तब यूप (यज्ञस्तम्भ) के चिह्न वाली ध्वजा वाले शत्रुघाती (भूरिश्रवा) ने शीघ्र रथ से कूदकर, श्रेष्ठ तलवार से उस (मणिमान्) को घोड़ों, सारथि, ध्वजा और रथ सहित काट डाला।

Verse 54

रथं च स्वं समास्थाय धनुर् आदाय चापरम् स्वयं यच्छन् हयान् राजन् व्यधमत् पाण्डवीं चमूम्

rathaṃ ca svaṃ samāsthāya dhanur ādāya cāparam svayaṃ yacchan hayān rājan vyadhamat pāṇḍavīṃ camūm

And mounting his own car again, taking up another bow, and guiding his steeds himself, O king, he scattered the Pandava host.

हे राजन्! और अपने रथ पर आरूढ़ होकर, दूसरा धनुष लेकर, स्वयं घोड़ों की बागडोर सँभालते हुए, उसने पाण्डव-सेना को छिन्न-भिन्न कर दिया।

Verse 55

मुसलैर् मुद्गरैश् चक्रैर् भिण्डिपालैः परश्वधैः पांसुवाताग्निसलिलैर् भस्मलोष्ठतृणद्रुमैः

musalair mudgaraiś cakrair bhiṇḍipālaiḥ paraśvadhaiḥ pāṃsuvātāgnisalilair bhasmaloṣṭhatṛṇadrumaiḥ

With pestles, maces, discs, javelins, and battle-axes; with dust, wind, fire, and water; with ashes, clods of earth, straw, and trees --

मूसलों, मुद्गरों, चक्रों, भिण्डिपालों और परशुओं से; धूल, वायु, अग्नि और जल से; राख, मिट्टी के ढेले, तृण और वृक्षों से—

Verse 56

आरुजन् प्ररुजन् भञ्जन् निघ्नन् विद्रावयन् क्षिपन् सेनां विभीषयन्न् आयाद् द्रोणप्रेप्सुर् घटोत्कचः

ārujan prarujan bhañjan nighnan vidrāvayan kṣipan senāṃ vibhīṣayann āyād droṇaprepsur ghaṭotkacaḥ

-- shattering, crushing, breaking, striking, routing, and hurling (the foe), and terrifying the army, came Ghatotkacha, eager to reach Drona.

(शत्रुओं को) तोड़ते, चूर्ण करते, भंग करते, मारते, भगाते और फेंकते हुए, और सेना को भयभीत करते हुए, द्रोण तक पहुँचने के इच्छुक घटोत्कच आया।

Verse 57

तं तु नानाप्रहरणैर् नानायुद्धविशेषणैः राक्षसं राक्षसः क्रुद्धः समाजघ्ने ह्य् अलम्बुसः

taṃ tu nānāpraharaṇair nānāyuddhaviśeṣaṇaiḥ rākṣasaṃ rākṣasaḥ kruddhaḥ samājaghne hy alambusaḥ

But the Rakshasa Alambusha, enraged, assailed that Rakshasa (Ghatotkacha) with diverse weapons and diverse modes of warfare.

किन्तु राक्षस अलम्बुस ने क्रुद्ध होकर नाना शस्त्रों और नाना युद्ध-विशेषताओं से उस राक्षस (घटोत्कच) पर प्रहार किया।

Verse 58

तयोस् तद् अभवद् युद्धं रक्षोग्रामणिमुख्ययोः तादृग् यादृक् पुरा वृत्तं शम्बरामरराजयोः

tayos tad abhavad yuddhaṃ rakṣogrāmaṇimukhyayoḥ tādṛg yādṛk purā vṛttaṃ śambarāmararājayoḥ

That battle between those two foremost of Rakshasa chiefs was such as that which took place of old between Shambara and the king of the gods.

उन दोनों श्रेष्ठ राक्षस-नायकों का वह युद्ध वैसा ही हुआ, जैसा प्राचीन काल में शम्बर और देवराज (इन्द्र) के बीच हुआ था।

Verse 59

एवं द्वंद्वशतान्य् आसन् रथवारणवाजिनाम् पदातीनां च भद्रं ते तव तेषां च संकुलम्

evaṃ dvaṃdvaśatāny āsan rathavāraṇavājinām padātīnāṃ ca bhadraṃ te tava teṣāṃ ca saṃkulam

Thus, blessings be upon you, there were hundreds of single combats, a confused melee of chariots, elephants, horses, and foot-soldiers, both of yours and of theirs.

आपका कल्याण हो! इस प्रकार रथों, हाथियों, घोड़ों और पैदल सैनिकों के सैकड़ों द्वन्द्व हुए — आपके और उनके (योद्धाओं) का घमासान।

Verse 60

नैतादृशो दृष्टपूर्वः संग्रामो नैव च श्रुतः द्रोणस्याभावभावेषु प्रसक्तानां यथाभवत्

naitādṛśo dṛṣṭapūrvaḥ saṃgrāmo naiva ca śrutaḥ droṇasyābhāvabhāveṣu prasaktānāṃ yathābhavat

Never before was such a battle seen or heard of as that which took place among those intent upon the destruction or the protection of Drona.

द्रोण के नाश या रक्षा में तत्पर लोगों का जैसा युद्ध हुआ, वैसा न पहले कभी देखा गया, न सुना गया।

Verse 61

इदं घोरम् इदं चित्रम् इदं रौद्रम् इति प्रभो तत्र युद्धान्य् अदृश्यन्त प्रततानि बहूनि च

idaṃ ghoram idaṃ citram idaṃ raudram iti prabho tatra yuddhāny adṛśyanta pratatāni bahūni ca

'This is terrible; this is wondrous; this is fierce' -- thus, O lord, were many far-extending battles seen there.

हे प्रभो! 'यह घोर है, यह विचित्र है, यह रौद्र है' — इस प्रकार वहाँ बहुत-से दूर तक फैले युद्ध दिखाई दिए।