Adhyaya 130

Verse 1

धृतराष्ट्र उवाच तस्मिन् प्रविष्टे दुर्धर्षे सृञ्जयान् अमितौजसि अमृष्यमाणे संरब्धे का वो ऽभूद् वै मतिस् तदा

dhṛtarāṣṭra uvāca tasmin praviṣṭe durdharṣe sṛñjayān amitaujasi amṛṣyamāṇe saṃrabdhe kā vo 'bhūd vai matis tadā

Dhritarashtra said: When that unassailable one of measureless energy had entered among the Srinjayas, unable to bear [his grief] and enraged, what then was your resolve?

धृतराष्ट्र ने कहा — जब वह दुर्धर्ष, अमित-ओज वाला, (शोक) न सहते हुए क्रुद्ध (द्रोण) सृंजयों में घुस पड़ा, तब तुम्हारी क्या मति हुई?

Verse 2

दुर्योधनं तथा पुत्रम् उक्त्वा शास्त्रातिगं मम यत् प्राविशद् अमेयात्मा किं पार्थः प्रत्यपद्यत

duryodhanaṃ tathā putram uktvā śāstrātigaṃ mama yat prāviśad ameyātmā kiṃ pārthaḥ pratyapadyata

When, having rebuked my son Duryodhana, the transgressor of instruction, that one of immeasurable soul entered [the host], what did Partha do?

शास्त्र का उल्लंघन करने वाले मेरे पुत्र दुर्योधन से (ऐसा) कहकर जब वह अमेयात्मा (द्रोण) सेना में घुसा, तब पार्थ ने क्या किया?

Verse 3

निहते सैन्धवे वीरे भूरिश्रवसि चैव हि यद् अभ्यगान् महातेजाः पाञ्चालान् अपराजितः

nihate saindhave vīre bhūriśravasi caiva hi yad abhyagān mahātejāḥ pāñcālān aparājitaḥ

When the hero Saindhava had been slain, and Bhurisravas too, and when that one of great energy, unvanquished, advanced against the Panchalas,

वीर सैंधव और भूरिश्रवा के मारे जाने पर, जब वह महातेजस्वी, अपराजित (द्रोण) पांचालों की ओर बढ़ा —

Verse 4

किम् अमन्यत दुर्धर्षः प्रविष्टे शत्रुतापने दुर्योधनश् च किं कृत्यं प्राप्तकालम् अमन्यत

kim amanyata durdharṣaḥ praviṣṭe śatrutāpane duryodhanaś ca kiṃ kṛtyaṃ prāptakālam amanyata

what did the unassailable one think, when that scorcher of foes had entered? And what deed suited to the hour did Duryodhana think of?

उस शत्रुतापन के घुसने पर दुर्धर्ष (द्रोण) ने क्या सोचा? और दुर्योधन ने समयोचित क्या कर्तव्य सोचा?

Verse 5

के च तं वरदं वीरम् अन्वयुर् द्विजसत्तमम् के चास्य पृष्ठतो ऽगच्छन् वीराः शूरस्य युध्यतः के पुरस्ताद् अयुध्यन्त निघ्नतः शात्रवान् रणे

ke ca taṃ varadaṃ vīram anvayur dvijasattamam ke cāsya pṛṣṭhato 'gacchan vīrāḥ śūrasya yudhyataḥ ke purastād ayudhyanta nighnataḥ śātravān raṇe

Who followed that heroic boon-giver, that best of the twice-born? Who went behind that hero as he fought? Who fought before him as he smote his foes in battle?

उस वरदाता वीर, द्विजश्रेष्ठ (द्रोण) के पीछे कौन गए? युद्ध करते उस शूर के पीछे कौन वीर गए? रण में शत्रुओं को मारते उसके आगे कौन लड़े?

Verse 6

मन्ये ऽहं पाण्डवान् सर्वान् भारद्वाजशरार्दितान् शिशिरे कम्पमाना वै कृशा गाव इवाभिभो

manye 'haṃ pāṇḍavān sarvān bhāradvājaśarārditān śiśire kampamānā vai kṛśā gāva ivābhibho

I deem that all the Pandavas, afflicted by the shafts of the son of Bharadvaja, trembled like lean cattle in the frost, O mighty lord.

हे प्रभो! मैं मानता हूँ कि भारद्वाज (द्रोण) के बाणों से पीड़ित समस्त पांडव जाड़े में काँपती दुबली गौओं के समान काँप उठे होंगे।

Verse 7

प्रविश्य स महेष्वासः पाञ्चालान् अरिमर्दनः कथं नु पुरुषव्याघ्रः पञ्चत्वम् उपजग्मिवान्

praviśya sa maheṣvāsaḥ pāñcālān arimardanaḥ kathaṃ nu puruṣavyāghraḥ pañcatvam upajagmivān

Having entered among the Panchalas, that great bowman, that crusher of foes, that tiger among men, how then did he come to his death?

पांचालों में घुसकर वह महाधनुर्धर, अरिमर्दन, पुरुषव्याघ्र (द्रोण) फिर पंचत्व (मृत्यु) को कैसे प्राप्त हुआ?

Verse 8

सर्वेषु सैन्येषु च संगतेषु; रात्रौ समेतेषु महारथेषु संलोड्यमानेषु पृथग्विधेषु; के वस् तदानीं मतिमन्त आसन्

sarveṣu sainyeṣu ca saṃgateṣu; rātrau sameteṣu mahāratheṣu saṃloḍyamāneṣu pṛthagvidheṣu; ke vas tadānīṃ matimanta āsan

When all the hosts were joined together, when the mighty car-warriors met in the night, and were being tossed about in their several ways, who among you were then the wise ones?

जब समस्त सेनाएँ परस्पर मिल गईं, रात में महारथी एकत्र हुए, और नाना प्रकार से क्षुब्ध-मथित होने लगे, तब तुममें से कौन बुद्धिमान (धैर्यवान) थे?

Verse 9

हतांश् चैव विषक्तांश् च पराभूतांश् च शंससि रथिनो विरथांश् चैव कृतान् युद्धेषु मामकान्

hatāṃś caiva viṣaktāṃś ca parābhūtāṃś ca śaṃsasi rathino virathāṃś caiva kṛtān yuddheṣu māmakān

Thou tellest of my men slain, entangled, and worsted, car-warriors made carless in the fighting.

तुम मेरे लोगों को मारे गए, उलझे हुए और पराजित बताते हो, तथा युद्धों में रथियों को रथहीन किया गया बताते हो।

Verse 10

कथम् एषां तदा तत्र पार्थानाम् अपलायिनाम् प्रकाशम् अभवद् रात्रौ कथं कुरुषु संजय

katham eṣāṃ tadā tatra pārthānām apalāyinām prakāśam abhavad rātrau kathaṃ kuruṣu saṃjaya

How then, there in the night, was there light for those unfleeing Parthas, and how for the Kurus, O Sanjaya?

हे संजय! तब वहाँ रात में उन कभी न भागने वाले पार्थों के लिए और कुरुओं के लिए प्रकाश कैसे हुआ?

Verse 11

संजय उवाच रात्रियुद्धे तदा राजन् वर्तमाने सुदारुणे द्रोणम् अभ्यद्रवन् रात्रौ पाण्डवाः सहसैनिकाः

saṃjaya uvāca rātriyuddhe tadā rājan vartamāne sudāruṇe droṇam abhyadravan rātrau pāṇḍavāḥ sahasainikāḥ

Sanjaya said: While that most cruel night-battle was in progress, O king, the Pandavas with their soldiers rushed against Drona in the night.

संजय ने कहा — हे राजन्! उस अत्यंत दारुण रात्रि-युद्ध के चलते रहने पर पांडव अपने सैनिकों सहित रात में द्रोण पर टूट पड़े।

Verse 12

ततो द्रोणः केकयांश् च धृष्टद्युम्नस्य चात्मजान् प्रेषयन् मृत्युलोकाय सर्वान् इषुभिर् आशुगैः

tato droṇaḥ kekayāṃś ca dhṛṣṭadyumnasya cātmajān preṣayan mṛtyulokāya sarvān iṣubhir āśugaiḥ

Then Drona, with swift arrows, sent the Kekayas and the sons of Dhrishtadyumna, all of them, to the world of Death.

तब द्रोण ने शीघ्रगामी बाणों से केकयों और धृष्टद्युम्न के पुत्रों — उन सबको — मृत्युलोक भेज दिया।

Verse 13

तस्य प्रमुखतो राजन् ये ऽवर्तन्त महारथाः तान् सर्वान् प्रेषयाम् आस परलोकाय भारत

tasya pramukhato rājan ye 'vartanta mahārathāḥ tān sarvān preṣayām āsa paralokāya bhārata

Whatever mighty car-warriors, O king, turned to face him in front, all of them he sent to the other world, O Bharata.

हे भरत! हे राजन्! जो-जो महारथी उसके सामने आ खड़े हुए, उन सबको उसने परलोक भेज दिया।

Verse 14

प्रमथ्नन्तं तदा वीरं भारद्वाजं महारथम् अभ्यवर्तत संक्रुद्धः शिबी राजन् प्रतापवान्

pramathnantaṃ tadā vīraṃ bhāradvājaṃ mahāratham abhyavartata saṃkruddhaḥ śibī rājan pratāpavān

As that hero, the son of Bharadvaja, the great car-warrior, was crushing [the foe], the valiant king Shibi, enraged, advanced against him, O king.

हे राजन्! तब (शत्रु को) मथते उस वीर महारथी भारद्वाज (द्रोण) पर प्रतापी राजा शिबि क्रुद्ध होकर टूट पड़ा।

Verse 15

तम् आपतन्तं संप्रेक्ष्य पाण्डवानां महारथम् विव्याध दशभिर् द्रोणः सर्वपारशवैः शरैः

tam āpatantaṃ saṃprekṣya pāṇḍavānāṃ mahāratham vivyādha daśabhir droṇaḥ sarvapāraśavaiḥ śaraiḥ

Beholding him rushing on, that mighty car-warrior of the Pandavas, Drona pierced him with ten arrows made wholly of iron.

पांडवों के उस महारथी को झपटता देखकर द्रोण ने उसे पूर्णतः लोहे के दस बाणों से बींध दिया।

Verse 16

तं शिबिः प्रतिविव्याध त्रिंशता निशितैः शरैः सारथिं चास्य भल्लेन स्मयमानो न्यपातयत्

taṃ śibiḥ prativivyādha triṃśatā niśitaiḥ śaraiḥ sārathiṃ cāsya bhallena smayamāno nyapātayat

Shibi pierced him in return with thirty keen shafts, and, smiling, felled his charioteer with a broad-headed arrow.

शिबि ने उसे (द्रोण को) उत्तर में तीस तीक्ष्ण बाणों से बींधा, और मुस्कराते हुए एक भल्ल से उसका सारथि गिरा दिया।

Verse 17

तस्य द्रोणो हयान् हत्वा सारथिं च महात्मनः अथास्य सशिरस्त्राणं शिरः कायाद् अपाहरत्

tasya droṇo hayān hatvā sārathiṃ ca mahātmanaḥ athāsya saśirastrāṇaṃ śiraḥ kāyād apāharat

Drona, having slain the horses and the charioteer of that great-souled one, then bore off from his body his head together with its helmet.

द्रोण ने उस महात्मा के घोड़े और सारथि मारकर फिर उसका सिर शिरस्त्राण (टोप) सहित धड़ से उड़ा दिया।

Verse 18

कलिङ्गानां च सैन्येन कलिङ्गस्य सुतो रणे पूर्वं पितृवधात् क्रुद्धो भीमसेनम् उपाद्रवत्

kaliṅgānāṃ ca sainyena kaliṅgasya suto raṇe pūrvaṃ pitṛvadhāt kruddho bhīmasenam upādravat

And with the host of the Kalingas, the son of the Kalinga king in battle, enraged at the former slaying of his father, rushed against Bhimasena.

और कलिंगों की सेना के साथ कलिंगराज का पुत्र, पहले पिता के वध से क्रुद्ध होकर, रण में भीमसेन पर टूट पड़ा।

Verse 19

स भीमं पञ्चभिर् विद्ध्वा पुनर् विव्याध सप्तभिः विशोकं त्रिभिर् आजघ्ने ध्वजम् एकेन पत्रिणा

sa bhīmaṃ pañcabhir viddhvā punar vivyādha saptabhiḥ viśokaṃ tribhir ājaghne dhvajam ekena patriṇā

Having pierced Bhima with five arrows, he pierced him again with seven, struck Vishoka (Bhima's charioteer) with three, and the banner with a single winged shaft.

उसने भीम को पाँच बाणों से बींधकर फिर सात से बींधा, विशोक (सारथि) को तीन से मारा और ध्वज को एक पंखयुक्त बाण से।

Verse 20

कलिङ्गानां तु तं शूरं क्रुद्धं क्रुद्धो वृकोदरः रथाद् रथम् अभिद्रुत्य मुष्टिनाभिजघान ह

kaliṅgānāṃ tu taṃ śūraṃ kruddhaṃ kruddho vṛkodaraḥ rathād ratham abhidrutya muṣṭinābhijaghāna ha

That enraged hero of the Kalingas, the enraged Vrikodara, rushing from car to car, struck with his fist.

कलिंगों के उस क्रुद्ध शूर पर क्रुद्ध वृकोदर (भीम) रथ से रथ पर झपटकर मुक्के से प्रहार करने लगा।

Verse 21

तस्य मुष्टिहतस्याजौ पाण्डवेन बलीयसा सर्वाण्य् अस्थीनि सहसा प्रापतन् वै पृथक् पृथक्

tasya muṣṭihatasyājau pāṇḍavena balīyasā sarvāṇy asthīni sahasā prāpatan vai pṛthak pṛthak

Of him, struck with the fist in battle by the stronger Pandava, all the bones suddenly fell asunder, one from another.

बलवान पांडव (भीम) द्वारा युद्ध में मुक्के से मारे गए उसकी सारी हड्डियाँ सहसा अलग-अलग गिर पड़ीं।

Verse 22

तं कर्णो भ्रातरश् चास्य नामृष्यन्त महारथाः ते भीमसेनं नाराचैर् जघ्नुर् आशीविषोपमैः

taṃ karṇo bhrātaraś cāsya nāmṛṣyanta mahārathāḥ te bhīmasenaṃ nārācair jaghnur āśīviṣopamaiḥ

Karna and his brothers, those mighty car-warriors, could not brook this; they smote Bhimasena with iron shafts resembling venomous serpents.

कर्ण और उसके महारथी भाई इसे सहन न कर सके; उन्होंने विषैले सर्पों के समान नाराचों से भीमसेन पर प्रहार किया।

Verse 23

ततः शत्रुरथं त्यक्त्वा भीमो ध्रुवरथं गतः ध्रुवं चास्यन्तम् अनिशं मुष्टिना समपोथयत् स तथा पाण्डुपुत्रेण बलिना निहतो ऽपतत्

tataḥ śatrurathaṃ tyaktvā bhīmo dhruvarathaṃ gataḥ dhruvaṃ cāsyantam aniśaṃ muṣṭinā samapothayat sa tathā pāṇḍuputreṇa balinā nihato 'patat

Then, leaving the enemy's car, Bhima went to the car of Dhruva, and Dhruva, who was shooting ceaselessly, he crushed with his fist; thus struck by the strong son of Pandu, he fell.

तब शत्रु का रथ छोड़कर भीम ध्रुव के रथ पर जा चढ़ा, और निरंतर बाण चलाते ध्रुव को मुक्के से कुचल डाला; इस प्रकार बलवान पांडुपुत्र से मारा गया वह गिर पड़ा।

Verse 24

तं निहत्य महाराज भीमसेनो महाबलः जयरातरथं प्राप्य मुहुः सिंह इवानदत्

taṃ nihatya mahārāja bhīmaseno mahābalaḥ jayarātarathaṃ prāpya muhuḥ siṃha ivānadat

Having slain him, O great king, the mighty Bhimasena, reaching the car of Jayarata, roared again and again like a lion.

हे महाराज! उसे मारकर महाबली भीमसेन जयरात के रथ पर पहुँचकर बार-बार सिंह के समान गरजा।

Verse 25

जयरातम् अथाक्षिप्य नदन् सव्येन पाणिना तलेन नाशयाम् आस कर्णस्यैवाग्रतः स्थितम्

jayarātam athākṣipya nadan savyena pāṇinā talena nāśayām āsa karṇasyaivāgrataḥ sthitam

Then, seizing Jayarata and roaring, with the palm of his left hand he destroyed him as he stood in front of Karna himself.

फिर गरजते हुए जयरात को खींचकर, कर्ण के ही सामने खड़े उसे, उसने बाएँ हाथ के थप्पड़ से नष्ट कर दिया।

Verse 26

कर्णस् तु पाण्डवे शक्तिं काञ्चनीं समवासृजत् ततस् ताम् एव जग्राह प्रहसन् पाण्डुनन्दनः

karṇas tu pāṇḍave śaktiṃ kāñcanīṃ samavāsṛjat tatas tām eva jagrāha prahasan pāṇḍunandanaḥ

Karna then hurled a golden spear (shakti) at the Pandava; but the delight of Pandu, smiling, caught it.

कर्ण ने तब पांडव पर स्वर्णमय शक्ति चलाई; किंतु पांडुनंदन (भीम) ने मुस्कराते हुए उसी को पकड़ लिया।

Verse 27

कर्णायैव च दुर्धर्षश् चिक्षेपाजौ वृकोदरः ताम् अन्तरिक्षे चिच्छेद शकुनिस् तैलपायिना

karṇāyaiva ca durdharṣaś cikṣepājau vṛkodaraḥ tām antarikṣe ciccheda śakunis tailapāyinā

And the unassailable Vrikodara flung it in battle at Karna himself; but Shakuni cut it in mid-air with a well-oiled shaft.

और दुर्धर्ष वृकोदर ने उसे कर्ण पर ही रण में फेंका; किंतु शकुनि ने उसे अंतरिक्ष में ही तेल-सने बाण से काट डाला।

Verse 28

ततस् तव सुता राजन् भीमस्य रथम् आव्रजन् महता शरवर्षेण छादयन्तो वृकोदरम्

tatas tava sutā rājan bhīmasya ratham āvrajan mahatā śaravarṣeṇa chādayanto vṛkodaram

Then thy sons, O king, came against Bhima's car, covering Vrikodara with a great shower of arrows.

हे राजन्! तब तुम्हारे पुत्र वृकोदर को महान बाण-वृष्टि से ढकते हुए भीम के रथ की ओर आए।

Verse 29

दुर्मदस्य ततो भीमः प्रहसन्न् इव संयुगे सारथिं च हयांश् चैव शरैर् निन्ये यमक्षयम् दुर्मदस् तु ततो यानं दुष्कर्णस्यावपुप्लुवे

durmadasya tato bhīmaḥ prahasann iva saṃyuge sārathiṃ ca hayāṃś caiva śarair ninye yamakṣayam durmadas tu tato yānaṃ duṣkarṇasyāvapupluve

Then Bhima, as if smiling in the fray, sent the charioteer and the horses of Durmada to Yama's abode with his arrows; but Durmada leapt over onto the vehicle of Duhkarna.

तब भीम ने संग्राम में मानो मुस्कराते हुए दुर्मद के सारथि और घोड़ों को बाणों से यमलोक पहुँचा दिया; किंतु दुर्मद दुष्कर्ण के रथ पर कूद गया।

Verse 30

ताव् एकरथम् आरूढौ भ्रातरौ परतापनौ संग्रामशिरसो मध्ये भीमं द्वाव् अभ्यधावताम् यथाम्बुपतिमित्रौ हि तारकं दैत्यसत्तमम्

tāv ekaratham ārūḍhau bhrātarau paratāpanau saṃgrāmaśiraso madhye bhīmaṃ dvāv abhyadhāvatām yathāmbupatimitrau hi tārakaṃ daityasattamam

Those two brothers, scorchers of foes, mounted upon one car, in the midst of the battle-front, rushed both against Bhima, as the two friends of the lord of waters (Varuna) rushed against Taraka, that best of the Daityas.

एक ही रथ पर चढ़े वे दोनों परतापी भाई, युद्ध के मुख के बीच, भीम पर दोनों वैसे ही टूट पड़े, जैसे वरुण के दो मित्र दैत्यश्रेष्ठ तारक पर।

Verse 31

ततस् तु दुर्मदश् चैव दुष्कर्णश् च तवात्मजौ रथम् एकं समारुह्य भीमं बाणैर् अविध्यताम्

tatas tu durmadaś caiva duṣkarṇaś ca tavātmajau ratham ekaṃ samāruhya bhīmaṃ bāṇair avidhyatām

Then Durmada and Duhkarna, thy sons, mounting a single car, pierced Bhima with arrows.

तब तुम्हारे पुत्र दुर्मद और दुष्कर्ण एक ही रथ पर चढ़कर भीम को बाणों से बींधने लगे।

Verse 32

ततः कर्णस्य मिषतो द्रौणेर् दुर्योधनस्य च कृपस्य सोमदत्तस्य बाह्लीकस्य च पाण्डवः

tataḥ karṇasya miṣato drauṇer duryodhanasya ca kṛpasya somadattasya bāhlīkasya ca pāṇḍavaḥ

Then, before the eyes of Karna, of Drona's son, of Duryodhana, of Kripa, of Somadatta and of Bahlika, the Pandava,

तब कर्ण, द्रोणपुत्र, दुर्योधन, कृप, सोमदत्त और बाह्लीक के देखते-देखते पांडव —

Verse 33

दुर्मदस्य च वीरस्य दुष्कर्णस्य च तं रथम् पादप्रहारेण धरां प्रावेशयद् अरिंदमः

durmadasya ca vīrasya duṣkarṇasya ca taṃ ratham pādaprahāreṇa dharāṃ prāveśayad ariṃdamaḥ

that subduer of foes, with the stamp of his foot, sent the car of the hero Durmada and of Duhkarna into the earth.

उस अरिंदम (भीम) ने वीर दुर्मद और दुष्कर्ण के उस रथ को पैर के प्रहार से धरती में धँसा दिया।

Verse 34

ततः सुतौ ते बलिनौ शूरौ दुष्कर्णदुर्मदौ मुष्टिनाहत्य संक्रुद्धो ममर्द चरणेन च

tataḥ sutau te balinau śūrau duṣkarṇadurmadau muṣṭināhatya saṃkruddho mamarda caraṇena ca

Then thy two strong, heroic sons, Duhkarna and Durmada, enraged, he struck with his fist and crushed with his foot.

तब तुम्हारे दोनों बलवान, शूर पुत्रों दुष्कर्ण और दुर्मद को क्रुद्ध होकर उसने मुक्के से मारकर पैर से कुचल डाला।

Verse 35

ततो हाहाकृते सैन्ये दृष्ट्वा भीमं नृपाब्रुवन् रुद्रो ऽयं भीमरूपेण धार्तराष्ट्रेषु गृध्यति

tato hāhākṛte sainye dṛṣṭvā bhīmaṃ nṛpābruvan rudro 'yaṃ bhīmarūpeṇa dhārtarāṣṭreṣu gṛdhyati

Then, when the host cried out in dismay, beholding Bhima, the kings said: 'This is Rudra in Bhima's form, greedy for the sons of Dhritarashtra.'

तब सेना के हाहाकार करने पर भीम को देखकर राजा लोग बोले — "यह भीम के रूप में रुद्र है, जो धृतराष्ट्रपुत्रों का लोभी (वध का इच्छुक) है।"

Verse 36

एवम् उक्त्वापलायन्त सर्वे भारत पार्थिवाः विसंज्ञावाहयन् वाहान् न च द्वौ सह धावतः

evam uktvāpalāyanta sarve bhārata pārthivāḥ visaṃjñāvāhayan vāhān na ca dvau saha dhāvataḥ

Having spoken thus, all the kings fled, O Bharata; senseless, they urged on their mounts, and not even two ran together.

हे भरत! ऐसा कहकर सभी राजा भाग निकले; संज्ञाहीन होकर उन्होंने वाहन हाँके, और दो भी एक साथ न दौड़े।

Verse 37

ततो बले भृशलुलिते निशामुखे; सुपूजितो नृपवृषभैर् वृकोदरः महाबलः कमलविबुद्धलोचनो; युधिष्ठिरं नृपतिम् अपूजयद् बली

tato bale bhṛśalulite niśāmukhe; supūjito nṛpavṛṣabhair vṛkodaraḥ mahābalaḥ kamalavibuddhalocano; yudhiṣṭhiraṃ nṛpatim apūjayad balī

Then, when the host was sorely churned at nightfall, Vrikodara, honoured by the bulls among kings, the mighty one, his eyes like full-blown lotuses, that strong one honoured King Yudhishthira.

तब रात्रि के मुख पर सेना के अत्यंत मथ जाने पर, राजश्रेष्ठों द्वारा सुपूजित, कमल के समान खिले नेत्रों वाले महाबली, बलवान वृकोदर (भीम) ने राजा युधिष्ठिर का सम्मान किया।

Verse 38

ततो यमौ द्रुपदविराटकेकया; युधिष्ठिरश् चापि परां मुदं ययुः वृकोदरं भृशम् अभिपूजयंश् च ते; यथान्धके प्रतिनिहते हरं सुराः

tato yamau drupadavirāṭakekayā; yudhiṣṭhiraś cāpi parāṃ mudaṃ yayuḥ vṛkodaraṃ bhṛśam abhipūjayaṃś ca te; yathāndhake pratinihate haraṃ surāḥ

Then the twins, Drupada, Virata and the Kekayas, and Yudhishthira too, attained supreme joy, and greatly honoured Vrikodara, as the gods honoured Hara when Andhaka was slain.

तब दोनों यमज (नकुल-सहदेव), द्रुपद, विराट, केकय और युधिष्ठिर भी परम आनंद को प्राप्त हुए, और उन्होंने वृकोदर का अत्यंत सम्मान किया — जैसे अंधक के मारे जाने पर देवों ने हर (शिव) का (किया था)।

Verse 39

ततः सुतास् तव वरुणात्मजोपमा; रुषान्विताः सह गुरुणा महात्मना वृकोदरं सरथपदातिकुञ्जरा; युयुत्सवो भृशम् अभिपर्यवारयन्

tataḥ sutās tava varuṇātmajopamā; ruṣānvitāḥ saha guruṇā mahātmanā vṛkodaraṃ sarathapadātikuñjarā; yuyutsavo bhṛśam abhiparyavārayan

Then thy sons, like the sons of Varuna, filled with wrath, together with the great-souled preceptor, with cars, foot-soldiers and elephants, eager to fight, sorely surrounded Vrikodara on every side.

तब वरुणपुत्रों के समान तुम्हारे पुत्र रोष से भरकर महात्मा गुरु (द्रोण) के साथ, रथ, पैदल और हाथियों सहित, युद्ध की इच्छा से वृकोदर को सब ओर से घेरने लगे।

Verse 40

ततो ऽभवत् तिमिरघनैर् इवावृतं; महाभये भयदम् अतीव दारुणम् निशामुखे बडवृकगृध्रमोदनं; महात्मनां नृपवरयुद्धम् अद्भुतम्

tato 'bhavat timiraghanair ivāvṛtaṃ; mahābhaye bhayadam atīva dāruṇam niśāmukhe baḍavṛkagṛdhramodanaṃ; mahātmanāṃ nṛpavarayuddham adbhutam

Then, as if wrapped in dense gloom, in great peril, fear-giving and exceedingly dreadful, at nightfall, a feast for crows, wolves and vultures, arose the wondrous battle of the great-souled bulls among kings.

तब मानो घने अंधकार से ढका, महाभय में, भय देने वाला, अत्यंत दारुण, रात्रि के मुख पर कौओं, भेड़ियों और गृध्रों का भोज बना — महात्मा राजश्रेष्ठों का वह अद्भुत युद्ध हुआ।