Chapter 10

Section 1

मन्त्रि पुरोहित सखः सामान्येष्व् अधिकरणेषु स्थापयित्वाअमात्यान् उपधाभिः शोधयेत्

mantri purohita sakhaḥ sāmānyeṣv adhikaraṇeṣu sthāpayitvāamātyān upadhābhiḥ śodhayet

Section 2

पुरोहितम् अयाज्य याजन अध्यापने नियुक्तम् अमृष्यमाणं राजाअवक्षिपेत्

purohitam ayājya yājana adhyāpane niyuktam amṛṣyamāṇaṃ rājāavakṣipet

Section 3

स सत्त्रिभिः शपथ पूर्वम् एकैकम् अमात्यम् उपजापयेत् अधार्मिको अयं राजा साधु धार्मिकम् अन्यम् अस्य तत् कुलीनम् अपरुद्धं कुल्यम् एक प्रग्रहं सामन्तम् आटविकम् औपपादिकं वा प्रतिपादयामः सर्वेषाम् एतद् रोचते कथं वा तव इति

sa sattribhiḥ śapatha pūrvam ekaikam amātyam upajāpayet adhārmiko ayaṃ rājā sādhu dhārmikam anyam asya tat kulīnam aparuddhaṃ kulyam eka pragrahaṃ sāmantam āṭavikam aupapādikaṃ vā pratipādayāmaḥ sarveṣām etad rocate kathaṃ vā tava iti

Section 4

प्रत्याख्याने शुचिः इति धर्म उपधा

pratyākhyāne śuciḥ iti dharma upadhā

Section 5

सेना पतिर् असत् प्रग्रहेणावक्षिप्तः सत्त्रिभिर् एकैकम् अमात्यम् उपजापयेत् लोभनीयेनार्थेन राज विनाशाय सर्वेषाम् एतद् रोचते कथं वा तव इति

senā patir asat pragraheṇāvakṣiptaḥ sattribhir ekaikam amātyam upajāpayet lobhanīyenārthena rāja vināśāya sarveṣām etad rocate kathaṃ vā tava iti

Section 6

प्रत्याख्याने शुचिः इत्य् अर्थ उपधा

pratyākhyāne śuciḥ ity artha upadhā

Section 7

परिव्राजिका लब्ध विश्वासाअन्तःपुरे कृत सत्कारा महा मात्रम् एकैकम् उपजपेत् राज महिषी त्वां कामयते कृत समागम उपाया महान् अर्थश् च ते भविष्यति इति

parivrājikā labdha viśvāsāantaḥpure kṛta satkārā mahā mātram ekaikam upajapet rāja mahiṣī tvāṃ kāmayate kṛta samāgama upāyā mahān arthaś ca te bhaviṣyati iti

Section 8

प्रत्याख्याने शुचिः इति काम उपधा

pratyākhyāne śuciḥ iti kāma upadhā

Section 9

प्रहवण निमित्तम् एको अमात्यः सर्वान् अमात्यान् आवाहयेत्

prahavaṇa nimittam eko amātyaḥ sarvān amātyān āvāhayet

Section 10

तेनौद्वेगेन राजा तान् अवरुन्ध्यात्

tenaudvegena rājā tān avarundhyāt

Section 11

कापटिकश् चात्र पूर्व अवरुद्धस् तेषाम् अर्थ मान अवक्षिप्तम् एकैकम् अमात्यम् उपजपेत् असत् प्रवृत्तो अयं राजा साध्व् एनं हत्वाअन्यं प्रतिपादयामः सर्वेषाम् एतद् रोचते कथं वा तव इति

kāpaṭikaś cātra pūrva avaruddhas teṣām artha māna avakṣiptam ekaikam amātyam upajapet asat pravṛtto ayaṃ rājā sādhv enaṃ hatvāanyaṃ pratipādayāmaḥ sarveṣām etad rocate kathaṃ vā tava iti

Section 12

प्रत्याख्याने शुचिः इति भय उपधा

pratyākhyāne śuciḥ iti bhaya upadhā

Section 13

तत्र धर्म उपधा शुद्धान् धर्म स्थीय कण्टक शोधनेषु कर्मसु स्थापयेत् अर्थ उपधा शुद्धान् समाहर्तृ सम्निधातृ निचय कर्मसु काम उपधा शुद्धान् बाह्य आभ्यन्तर विहार रक्षासु भय उपधा शुद्धान् आसन्न कार्येषु राज्ँनः

tatra dharma upadhā śuddhān dharma sthīya kaṇṭaka śodhaneṣu karmasu sthāpayet artha upadhā śuddhān samāhartṛ samnidhātṛ nicaya karmasu kāma upadhā śuddhān bāhya ābhyantara vihāra rakṣāsu bhaya upadhā śuddhān āsanna kāryeṣu rāj~naḥ

Section 14

सर्व उपधा शुद्धान् मन्त्रिणः कुर्यात्

sarva upadhā śuddhān mantriṇaḥ kuryāt

Section 15

सर्वत्राशुचीन् खनि द्रव्य हस्ति वन कर्म अन्तेषु उपयोजयेत् KआZ०१ १० १६अब् त्रिवर्ग भय संशुद्धान् अमात्यान् स्वेषु कर्मसु KआZ०१ १० १६च्द् अधिकुर्याद् यथा शौचम् इत्य् आचार्या व्यवस्थिताः KआZ०१ १० १७अब् न त्व् एव कुर्याद् आत्मानं देवीं वा लक्ष्यम् ईश्वरः KआZ०१ १० १७च्द् शौच हेतोर् अमात्यानाम् एतत् कौटिल्य दर्शनम् KआZ०१ १० १८अब् न दूषणम् अदुष्टस्य विषेणैवाम्भसश् चरेत् KआZ०१ १० १८च्द् कदाचिद्द् हि प्रदुष्टस्य नाधिगम्येत भेषजम् KआZ०१ १० १९अब् कृता च कलुषा बुद्धिर् उपधाभिश् चतुर्विधा KआZ०१ १० १९च्द् नागत्वाअन्तं निवर्तेत स्थिता सत्त्ववतां धृतौ KआZ०१ १० २०अब् तस्माद् बाह्यम् अधिष्ठानं कृत्वा कार्ये चतुर्विधे KआZ०१ १० २०च्द् शौच अशौचम् अमात्यानां राजा मार्गेत सत्त्रिभिः E आप्पोइन्त्मेन्त् ओफ़् पेर्सोन्स् इन् सेच्रेत् सेर्विचे

sarvatrāśucīn khani dravya hasti vana karma anteṣu upayojayet KāZ01 10 16ab trivarga bhaya saṃśuddhān amātyān sveṣu karmasu KāZ01 10 16cd adhikuryād yathā śaucam ity ācāryā vyavasthitāḥ KāZ01 10 17ab na tv eva kuryād ātmānaṃ devīṃ vā lakṣyam īśvaraḥ KāZ01 10 17cd śauca hetor amātyānām etat kauṭilya darśanam KāZ01 10 18ab na dūṣaṇam aduṣṭasya viṣeṇaivāmbhasaś caret KāZ01 10 18cd kadācidd hi praduṣṭasya nādhigamyeta bheṣajam KāZ01 10 19ab kṛtā ca kaluṣā buddhir upadhābhiś caturvidhā KāZ01 10 19cd nāgatvāantaṃ nivarteta sthitā sattvavatāṃ dhṛtau KāZ01 10 20ab tasmād bāhyam adhiṣṭhānaṃ kṛtvā kārye caturvidhe KāZ01 10 20cd śauca aśaucam amātyānāṃ rājā mārgeta sattribhiḥ E āppointment of persons in secret service