Sukta 24

Rk 1

प्र सोमा॑सो अधन्विषुः॒ पव॑मानास॒ इन्द॑वः श्री॒णा॒ना अ॒प्सु मृ॑ञ्जत

Rk 2

अ॒भि गावो॑ अधन्विषु॒रापो॒ न प्र॒वता॑ य॒तीः पु॒ना॒ना इन्द्र॑माशत

Rk 3

प्र प॑वमान धन्वसि॒ सोमेन्द्रा॑य॒ पात॑वे नृभि॑र्य॒तो वि नी॑यसे

Rk 4

त्वं सो॑म नृ॒माद॑नः॒ पव॑स्व चर्षणी॒सहे॑ सस्नि॒र्यो अ॑नु॒माद्यः॑

Rk 5

इन्दो॒ यदद्रि॑भिः सु॒तः प॒वित्रं॑ परि॒धाव॑सि अर॒मिन्द्र॑स्य॒ धाम्ने॑

Rk 6

पव॑स्व वृत्रहन्तमो॒क्थेभि॑रनु॒माद्यः॑ शुचिः॑ पाव॒को अद्भु॑तः

Rk 7

शुचिः॑ पाव॒क उ॑च्यते॒ सोमः॑ सु॒तस्य॒ मध्वः॑ दे॒वा॒वीर॑घशंस॒हा