Sukta 26
Mandala 5 · 9 rks
9 rks · free forever
Listen at your pace. New audio may take a moment to prepare. Narration settings
Rk 1
अग्ने॑ पावक रो॒चिषा॑ म॒न्द्रया॑ देव जि॒ह्वया॑ आ दे॒वान्व॑क्षि॒ यक्षि॑ च
Rk 2
तं त्वा॑ घृतस्नवीमहे॒ चित्र॑भानो स्व॒र्दृश॑म् दे॒वाँ आ वी॒तये॑ वह
Rk 3
वी॒तिहो॑त्रं त्वा कवे द्यु॒मन्तं॒ समि॑धीमहि अग्ने॑ बृ॒हन्त॑मध्व॒रे
Rk 4
अग्ने॒ विश्वे॑भि॒रा ग॑हि दे॒वेभि॑र्ह॒व्यदा॑तये होता॑रं त्वा वृणीमहे
Rk 5
यज॑मानाय सुन्व॒त आग्ने॑ सु॒वीर्यं॑ वह दे॒वैरा स॑त्सि ब॒र्हिषि॑
Rk 6
स॒मि॒धा॒नः स॑हस्रजि॒दग्ने॒ धर्मा॑णि पुष्यसि दे॒वानां॑ दू॒त उ॒क्थ्यः॑
Rk 7
न्य१॒॑ग्निं जा॒तवे॑दसं होत्र॒वाहं॒ यवि॑ष्ठ्यम् दधा॑ता दे॒वमृ॒त्विज॑म्
Rk 8
प्र य॒ज्ञ ए॑त्वानु॒षग॒द्या दे॒वव्य॑चस्तमः स्तृ॒णी॒त ब॒र्हिरा॒सदे॑
Rk 9
एदं म॒रुतो॑ अ॒श्विना॑ मि॒त्रः सी॑दन्तु॒ वरु॑णः दे॒वासः॒ सर्व॑या वि॒शा