Sukta 46
Mandala 4 · 7 rks
7 rks · free forever
Listen to this section
Uses your saved HI voice · Narration settings
Rk 1
अग्रं॑ पिबा॒ मधू॑नां सु॒तं वा॑यो॒ दिवि॑ष्टिषु त्वं हि पू॑र्व॒पा असि॑
Rk 2
श॒तेना॑ नो अ॒भिष्टि॑भिर्नि॒युत्वाँ॒ इन्द्र॑सारथिः वायो॑ सु॒तस्य॑ तृम्पतम्
Rk 3
आ वां॑ स॒हस्रं॒ हर॑य॒ इन्द्र॑वायू अ॒भि प्रयः॑ वह॑न्तु॒ सोम॑पीतये
Rk 4
रथं॒ हिर॑ण्यवन्धुर॒मिन्द्र॑वायू स्वध्व॒रम् आ हि स्थाथो॑ दिवि॒स्पृश॑म्
Rk 5
रथे॑न पृथु॒पाज॑सा दा॒श्वांस॒मुप॑ गच्छतम् इन्द्र॑वायू इ॒हा ग॑तम्
Rk 6
इन्द्र॑वायू अ॒यं सु॒तस्तं दे॒वेभिः॑ स॒जोष॑सा पिब॑तं दा॒शुषो॑ गृ॒हे
Rk 7
इ॒ह प्र॒याण॑मस्तु वा॒मिन्द्र॑वायू वि॒मोच॑नम् इ॒ह वां॒ सोम॑पीतये