Sukta 25

Rk 1

अग्ने॑ दि॒वः सू॒नुर॑सि॒ प्रचे॑ता॒स्तना॑ पृथि॒व्या उ॒त वि॒श्ववे॑दाः ऋध॑ग्दे॒वाँ इ॒ह य॑जा चिकित्वः

Rk 2

अ॒ग्निः स॑नोति वी॒र्या॑णि वि॒द्वान्त्स॒नोति॒ वाज॑म॒मृता॑य॒ भूष॑न् स नो॑ दे॒वाँ एह व॑हा पुरुक्षो

Rk 3

अ॒ग्निर्द्यावा॑पृथि॒वी वि॒श्वज॑न्ये॒ आ भा॑ति दे॒वी अ॒मृते॒ अमू॑रः क्षय॒न्वाजैः॑ पुरुश्च॒न्द्रो नमो॑भिः

Rk 4

अग्न॒ इन्द्र॑श्च दा॒शुषो॑ दुरो॒णे सु॒ताव॑तो य॒ज्ञमि॒होप॑ यातम् अम॑र्धन्ता सोम॒पेया॑य देवा

Rk 5

अग्ने॑ अ॒पां समि॑ध्यसे दुरो॒णे नित्यः॑ सूनो सहसो जातवेदः स॒धस्था॑नि म॒हय॑मान ऊ॒ती