Sukta 57
Mandala 10 · 6 rks
6 rks · free forever
Listen to this section
Uses your saved HI voice · Narration settings
Rk 1
मा प्र गा॑म प॒थो व॒यं मा य॒ज्ञादि॑न्द्र सो॒मिनः॑ मान्तः स्थु॑र्नो॒ अरा॑तयः
Rk 2
यो य॒ज्ञस्य॑ प्र॒साध॑न॒स्तन्तु॑र्दे॒वेष्वात॑तः तमाहु॑तं नशीमहि
Rk 3
मनो॒ न्वा हु॑वामहे नाराशं॒सेन॒ सोमे॑न पि॒तॄ॒णां च॒ मन्म॑भिः
Rk 4
आ त॑ एतु॒ मनः॒ पुनः॒ क्रत्वे॒ दक्षा॑य जी॒वसे॑ ज्योक्च॒ सूर्यं॑ दृ॒शे
Rk 5
पुन॑र्नः पितरो॒ मनो॒ ददा॑तु॒ दैव्यो॒ जनः॑ जी॒वं व्रातं॑ सचेमहि
Rk 6
व॒यं सो॑म व्र॒ते तव॒ मन॑स्त॒नूषु॒ बिभ्र॑तः प्र॒जाव॑न्तः सचेमहि