Sukta 90

Rk 1

ऋ॒जु॒नी॒ती नो॒ वरु॑णो मि॒त्रो न॑यतु वि॒द्वान् अ॒र्य॒मा दे॒वैः स॒जोषाः॑

Rk 2

ते हि वस्वो॒ वस॑वाना॒स्ते अप्र॑मूरा॒ महो॑भिः व्र॒ता र॑क्षन्ते वि॒श्वाहा॑

Rk 3

ते अ॒स्मभ्यं॒ शर्म॑ यंसन्न॒मृता॒ मर्त्ये॑भ्यः बाध॑माना॒ अप॒ द्विषः॑

Rk 4

वि नः॑ प॒थः सु॑वि॒ताय॑ चि॒यन्त्विन्द्रो॑ म॒रुतः॑ पू॒षा भगो॒ वन्द्या॑सः

Rk 5

उ॒त नो॒ धियो॒ गोअ॑ग्राः॒ पूष॒न्विष्ण॒वेव॑यावः कर्ता॑ नः स्वस्ति॒मतः॑

Rk 6

मधु॒ वाता॑ ऋताय॒ते मधु॑ क्षरन्ति॒ सिन्ध॑वः माध्वी॑र्नः स॒न्त्वोष॑धीः

Rk 7

मधु॒ नक्त॑मु॒तोषसो॒ मधु॑म॒त्पार्थि॑वं॒ रजः॑ मधु॒ द्यौर॑स्तु नः पि॒ता

Rk 8

मधु॑मान्नो॒ वन॒स्पति॒र्मधु॑माँ अस्तु॒ सूर्यः॑ माध्वी॒र्गावो॑ भवन्तु नः

Rk 9

शं नो॑ मि॒त्रः शं वरु॑णः॒ शं नो॑ भवत्वर्य॒मा शं न॒ इन्द्रो॒ बृह॒स्पतिः॒ शं नो॒ विष्णु॑रुरुक्र॒मः