Sarga 54

Verse 1

स ननाद महानादं समुद्रम् अभिनादयन् । जनयन्न् इव निर्घातान् विधमन्न् इव पर्वतान् ॥

sa nanāda mahānādaṃ samudram abhinādayan | janayann iva nirghātān vidhamann iva parvatān

He roared a mighty roar, making the ocean resound, as though generating thunderclaps and shattering the mountains.

समुद्र को गुँजाता हुआ, मानो वज्रपात उत्पन्न करता और पर्वतों को तोड़ता हुआ वह महानाद से गरजा।

Verse 2

तम् अवध्यं मघवता यमेन वरुणेन च । प्रेक्ष्य भीमाक्षम् आयान्तं वानरा विप्रदुद्रुवुः ॥

tam avadhyaṃ maghavatā yamena varuṇena ca | prekṣya bhīmākṣam āyāntaṃ vānarā vipradudruvuḥ

Beholding him coming — of fearful eyes, invulnerable to Maghavat, to Yama and to Varuṇa — the vānaras fled away.

मघवा (इन्द्र), यम और वरुण के लिए भी अवध्य, भयंकर नेत्रों वाले उस (कुम्भकर्ण) को आता देखकर वानर भाग खड़े हुए।

Verse 3

तांस् तु विद्रवतो दृष्ट्वा वालिपुत्रो ऽङ्गदो ऽब्रवीत् । नलं नीलं गवाक्षं च कुमुदं च महाबलम् ॥

tāṃs tu vidravato dṛṣṭvā vāliputro 'ṅgado 'bravīt | nalaṃ nīlaṃ gavākṣaṃ ca kumudaṃ ca mahābalam

But seeing them scattering, Aṅgada, son of Vālin, said to Nala, Nīla, Gavākṣa and the mighty Kumuda:

किन्तु उन्हें भागते देखकर वालि-पुत्र अंगद ने नल, नील, गवाक्ष और महाबली कुमुद से कहा —

Verse 4

आत्मानम् अत्र विस्मृत्य वीर्याण्य् अभिजनानि च । क्व गच्छत भयत्रस्ताः प्राकृता हरयो यथा ॥

ātmānam atra vismṛtya vīryāṇy abhijanāni ca | kva gacchata bhayatrastāḥ prākṛtā harayo yathā

"Forgetting yourselves here — your valour and your lineage — whither do you go, panic-stricken with fear, like common monkeys?

'यहाँ अपने आप को, अपने पराक्रमों और कुलों को भूलकर, भय से भयभीत होकर, साधारण वानरों की भाँति तुम कहाँ जा रहे हो?

Verse 5

साधु सौम्या निवर्तध्वं किं प्राणान् परिरक्षथ । नालं युद्धाय वै रक्षो महतीयं विभीषिकाः ॥

sādhu saumyā nivartadhvaṃ kiṃ prāṇān parirakṣatha | nālaṃ yuddhāya vai rakṣo mahatīyaṃ vibhīṣikāḥ

Come, gentle ones, turn back! Why do you guard merely your lives? This rākṣasa is not fit for battle — he is but a great bogey.

'हे सौम्यो! भले ही (मानो), लौट आओ; प्राणों की ही रक्षा क्यों करते हो? यह राक्षस युद्ध के योग्य नहीं — यह तो बस एक बड़ा हौवा (डरावना रूप) है।

Verse 6

महतीम् उत्थिताम् एनां राक्षसानां विभीषिकाम् । विक्रमाद् विधमिष्यामो निवर्तध्वं प्लवंगमाः ॥

mahatīm utthitām enāṃ rākṣasānāṃ vibhīṣikām | vikramād vidhamiṣyāmo nivartadhvaṃ plavaṃgamāḥ

This great terror of the rākṣasas that has arisen we shall scatter by our valour; turn back, O leaping monkeys!"

'राक्षसों का यह जो महान् हौवा उठ खड़ा हुआ है, उसे हम पराक्रम से तहस-नहस कर देंगे; हे वानरो! लौट आओ।'

Verse 7

कृच्छ्रेण तु समाश्वास्य संगम्य च ततस् ततः । वृक्षाद्रिहस्ता हरयः संप्रतस्थू रणाजिरम् ॥

kṛcchreṇa tu samāśvāsya saṃgamya ca tatas tataḥ | vṛkṣādrihastā harayaḥ saṃpratasthū raṇājiram

With difficulty rallying themselves and gathering together from here and there, the monkeys, trees and crags in hand, set out once more for the field of battle.

कठिनाई से अपने को सँभालकर और इधर-उधर से एकत्र होकर, हाथों में वृक्ष और पर्वत लिए वानर पुनः रणभूमि की ओर चल पड़े।

Verse 8

ते निवृत्य तु संक्रुद्धाः कुम्भकर्णं वनौकसः । निजघ्नुः परमक्रुद्धाः समदा इव कुञ्जराः । प्रांशुभिर् गिरिशृङ्गैश् च शिलाभिश् च महाबलाः ॥

te nivṛtya tu saṃkruddhāḥ kumbhakarṇaṃ vanaukasaḥ | nijaghnuḥ paramakruddhāḥ samadā iva kuñjarāḥ | prāṃśubhir giriśṛṅgaiś ca śilābhiś ca mahābalāḥ

Turning back, the forest-dwellers, mighty and exceedingly enraged, struck Kumbhakarṇa like rutting elephants, with tall mountain-peaks and with rocks.

लौटकर अत्यन्त क्रुद्ध वे वनवासी, मद से उन्मत्त हाथियों के समान, महाबली और परम क्रुद्ध होकर, ऊँचे पर्वत-शिखरों और शिलाओं से कुम्भकर्ण पर प्रहार करने लगे।

Verse 9

पादपैः पुष्पिताग्रैश् च हन्यमानो न कम्पते । तस्य गात्रेषु पतिता भिद्यन्ते शतशः शिलाः । पादपाः पुष्पिताग्राश् च भग्नाः पेतुर् महीतले ॥

pādapaiḥ puṣpitāgraiś ca hanyamāno na kampate | tasya gātreṣu patitā bhidyante śataśaḥ śilāḥ | pādapāḥ puṣpitāgrāś ca bhagnāḥ petur mahītale

Struck with trees whose tops were in flower, he does not waver; the rocks that fall upon his limbs are shattered by the hundred, and the flowering-topped trees, broken, fall to the ground.

फूले अग्रभाग वाले वृक्षों से मारे जाने पर भी वह विचलित नहीं होता; उसके अंगों पर गिरी शिलाएँ सैकड़ों टुकड़ों में टूट जाती हैं, और फूले अग्रभाग वाले वृक्ष टूटकर धरती पर गिर पड़ते हैं।

Verse 10

सो ऽपि सैन्यानि संक्रुद्धो वानराणां महौजसाम् । ममन्थ परमायत्तो वनान्य् अग्निर् इवोत्थितः ॥

so 'pi sainyāni saṃkruddho vānarāṇāṃ mahaujasām | mamantha paramāyatto vanāny agnir ivotthitaḥ

He too, enraged, with utmost effort crushed the hosts of the mighty vānaras, as a risen fire consumes the forests.

वह भी क्रुद्ध होकर, अत्यन्त प्रयत्न से, महाबली वानरों की सेनाओं को वैसे मथ डालने लगा जैसे उठी हुई अग्नि वनों को।

Verse 11

लोहितार्द्रास् तु बहवः शेरते वानरर्षभाः । निरस्ताः पतिता भूमौ ताम्रपुष्पा इव द्रुमाः ॥

lohitārdrās tu bahavaḥ śerate vānararṣabhāḥ | nirastāḥ patitā bhūmau tāmrapuṣpā iva drumāḥ

Many bulls among the vānaras, drenched in blood, lie slain, cast down and fallen to the earth, like trees with copper-red blossoms.

रक्त से भीगे बहुत-से वानरश्रेष्ठ मारे जाकर पड़े हैं — भूमि पर गिराए और गिरे हुए — मानो ताम्रवर्ण पुष्पों वाले वृक्ष।

Verse 12

लङ्घयन्तः प्रधावन्तो वानरा नावलोकयन् । के चित् समुद्रे पतिताः के चिद् गगनम् आश्रिताः ॥

laṅghayantaḥ pradhāvanto vānarā nāvalokayan | ke cit samudre patitāḥ ke cid gaganam āśritāḥ

Leaping and running, the vānaras looked not back; some fell into the sea, and some took to the sky.

कूदते और दौड़ते हुए वानरों ने पीछे मुड़कर नहीं देखा; कुछ समुद्र में जा गिरे और कुछ आकाश की ओर भागे।

Verse 13

वध्यमानास् तु ते वीरा राक्षसेन बलीयसा । सागरं येन ते तीर्णाः पथा तेनैव दुद्रुवुः ॥

vadhyamānās tu te vīrā rākṣasena balīyasā | sāgaraṃ yena te tīrṇāḥ pathā tenaiva dudruvuḥ

Those heroes, as they were being slain by the mighty rākṣasa, fled back by that very path by which they had crossed the ocean.

बलवान् राक्षस द्वारा मारे जाते हुए वे वीर उसी मार्ग से भाग चले जिससे उन्होंने समुद्र पार किया था।

Verse 14

ते स्थलानि तथा निम्नं विषण्णवदना भयात् । ऋक्षा वृक्षान् समारूढाः के चित् पर्वतम् आश्रिताः ॥

te sthalāni tathā nimnaṃ viṣaṇṇavadanā bhayāt | ṛkṣā vṛkṣān samārūḍhāḥ ke cit parvatam āśritāḥ

In dismay, their faces downcast with fear, some fled over the high grounds and the hollows; the bears climbed the trees, and some took refuge on the mountain.

भय से विषण्ण मुख वाले वे कुछ ऊँची भूमियों और कुछ गड्ढों से होकर भागे; रीछ वृक्षों पर चढ़ गए और कुछ पर्वत पर शरण ले ली।

Verse 15

ममज्जुर् अर्णवे के चिद् गुहाः के चित् समाश्रिताः । निषेदुः प्लवगाः के चित् के चिन् नैवावतस्थिरे ॥

mamajjur arṇave ke cid guhāḥ ke cit samāśritāḥ | niṣeduḥ plavagāḥ ke cit ke cin naivāvatasthire

Some sank into the ocean, some resorted to caves; some of the leaping monkeys sat down, and some could not keep their footing at all.

कुछ समुद्र में डूब गए, कुछ ने गुफाओं का आश्रय लिया; कुछ वानर (हताश होकर) बैठ गए, और कुछ खड़े तक न रह सके।

Verse 16

तान् समीक्ष्याङ्गदो भङ्गान् वानरान् इदम् अब्रवीत् । अवतिष्ठत युध्यामो निवर्तध्वं प्लवंगमाः ॥

tān samīkṣyāṅgado bhaṅgān vānarān idam abravīt | avatiṣṭhata yudhyāmo nivartadhvaṃ plavaṃgamāḥ

Seeing those broken vānaras, Aṅgada said this: "Halt! Let us fight; turn back, O leaping monkeys!

उन भागे हुए वानरों को देखकर अंगद ने यह कहा — 'रुको! हम युद्ध करें; हे वानरो! लौट आओ।

Verse 17

भग्नानां वो न पश्यामि परिगम्य महीम् इमाम् । स्थानं सर्वे निवर्तध्वं किं प्राणान् परिरक्षथ ॥

bhagnānāṃ vo na paśyāmi parigamya mahīm imām | sthānaṃ sarve nivartadhvaṃ kiṃ prāṇān parirakṣatha

Though I range over this whole earth, I see no place of refuge for you, broken as you are; turn back, all of you — why do you cling to your lives?

'इस सारी पृथ्वी पर घूमकर भी तुम भागे हुओं के लिए मुझे (शरण का) कोई स्थान नहीं दिखता; सब लौट आओ — प्राणों की रक्षा ही क्यों करते हो?

Verse 18

निरायुधानां द्रवताम् असंगगतिपौरुषाः । दारा ह्य् अपहसिष्यन्ति स वै घातस् तु जीविताम् ॥

nirāyudhānāṃ dravatām asaṃgagatipauruṣāḥ | dārā hy apahasiṣyanti sa vai ghātas tu jīvitām

Of you who flee weaponless, your gait and manhood gone, your very wives will make mockery; and that, indeed, is death to those who live.

'निरायुध होकर, गति और पौरुष गँवाकर भागते तुम्हारी तो तुम्हारी पत्नियाँ भी हँसी उड़ाएँगी; और वही जीवितों के लिए मृत्यु है।

Verse 19

कुलेषु जाताः सर्वे स्म विस्तीर्णेषु महत्सु च । अनार्याः खलु यद् भीतास् त्यक्त्वा वीर्यं प्रधावत ॥

kuleṣu jātāḥ sarve sma vistīrṇeṣu mahatsu ca | anāryāḥ khalu yad bhītās tyaktvā vīryaṃ pradhāvata

We are all born in great and wide-spread houses; unworthy it is that, in fear, you should run, casting off your valour.

'हम सब विशाल और महान् कुलों में उत्पन्न हैं; निश्चय ही यह अनार्य-कर्म है कि भय से पराक्रम त्यागकर तुम भागो।

Verse 20

विकत्थनानि वो यानि यदा वै जनसंसदि । तानि वः क्व च यतानि सोदग्राणि महान्ति च ॥

vikatthanāni vo yāni yadā vai janasaṃsadi | tāni vaḥ kva ca yatāni sodagrāṇi mahānti ca

Those vauntings of yours, uttered of old in the assembly of folk — where now have they gone, those lofty and mighty words?

'जनसभा में तुमने जो वे ऊँची और बड़ी-बड़ी डींगें हाँकी थीं, वे अब कहाँ चली गईं?

Verse 21

भीरुप्रवादाः श्रूयन्ते यस् तु जीवति धिक्कृतः । मार्गः सत्पुरुषैर् जुष्टः सेव्यतां त्यज्यतां भयम् ॥

bhīrupravādāḥ śrūyante yas tu jīvati dhikkṛtaḥ | mārgaḥ satpuruṣair juṣṭaḥ sevyatāṃ tyajyatāṃ bhayam

He who lives despised is called a coward; let the path trodden by good men be followed — let fear be cast away!

'जो धिक्कृत होकर जीता है, उसे कायर कहा जाता है; सत्पुरुषों द्वारा सेवित मार्ग का ही अनुसरण किया जाए — भय त्याग दो!

Verse 22

शयामहे वा निहताः पृथिव्याम् अल्पजीविताः । दुष्प्रापं ब्रह्मलोकं वा प्राप्नुमो युधि सूदिताः । संप्राप्नुयामः कीर्तिं वा निहत्य शत्रुम् आहवे ॥

śayāmahe vā nihatāḥ pṛthivyām alpajīvitāḥ | duṣprāpaṃ brahmalokaṃ vā prāpnumo yudhi sūditāḥ | saṃprāpnuyāmaḥ kīrtiṃ vā nihatya śatrum āhave

Either, slain upon the earth, we shall lie short-lived; or, cut down in battle, we shall attain the hard-won world of Brahmā; or, having slain the foe in combat, we shall win glory.

'या तो हम मारे जाकर अल्पजीवी होकर पृथ्वी पर पड़े रहेंगे; या युद्ध में कट मरकर दुर्लभ ब्रह्मलोक को प्राप्त करेंगे; या संग्राम में शत्रु को मारकर कीर्ति पाएँगे।

Verse 23

न कुम्भकर्णः काकुत्स्थं दृष्ट्वा जीवन् गमिष्यति । दीप्यमानम् इवासाद्य पतंगो ज्वलनं यथा ॥

na kumbhakarṇaḥ kākutsthaṃ dṛṣṭvā jīvan gamiṣyati | dīpyamānam ivāsādya pataṃgo jvalanaṃ yathā

Kumbhakarṇa, once he has beheld Kākutstha, will not go hence alive — as a moth that approaches the blazing flame does not return living.

'कुम्भकर्ण काकुत्स्थ (राम) को देखकर जीवित नहीं जाएगा — जैसे जलती ज्वाला के पास पहुँचकर पतंगा (जीवित नहीं लौटता)।

Verse 24

पलायनेन चोद्दिष्टाः प्राणान् रक्षामहे वयम् । एकेन बहवो भग्ना यशो नाशं गमिष्यति ॥

palāyanena coddiṣṭāḥ prāṇān rakṣāmahe vayam | ekena bahavo bhagnā yaśo nāśaṃ gamiṣyati

By our flight we are marked out, and we save our lives; yet when the many are broken by one, our glory will go to ruin."

'भागकर हम अपने को चिह्नित (पहचान में) कराते हुए अपने प्राण बचा लेंगे; किन्तु एक के हाथों बहुतों के भाग जाने पर यश नष्ट हो जाएगा।'

Verse 25

एवं ब्रुवाणं तं शूरम् अङ्गदं कनकाङ्गदम् । द्रवमाणास् ततो वाक्यम् ऊचुः शूरविगर्हितम् ॥

evaṃ bruvāṇaṃ taṃ śūram aṅgadaṃ kanakāṅgadam | dravamāṇās tato vākyam ūcuḥ śūravigarhitam

To Aṅgada, the hero of golden armlets, thus speaking, those who were fleeing then replied with words that heroes would scorn:

स्वर्ण के अंगद पहने शूर अंगद के इस प्रकार कहने पर, भागते हुए वे वानर तब वीरों के लिए निन्दनीय ये वचन बोले —

Verse 26

कृतं नः कदनं घोरं कुम्भकर्णेन रक्षसा । न स्थानकालो गच्छामो दयितं जीवितं हि नः ॥

kṛtaṃ naḥ kadanaṃ ghoraṃ kumbhakarṇena rakṣasā | na sthānakālo gacchāmo dayitaṃ jīvitaṃ hi naḥ

"A terrible slaughter of us has been wrought by the rākṣasa Kumbhakarṇa; it is no time to make a stand — we go; for dear to us is our life."

'राक्षस कुम्भकर्ण ने हमारा घोर संहार कर डाला है; यह डटने का समय नहीं, हम जाते हैं; क्योंकि हमें अपना जीवन प्रिय है।'

Verse 27

एतावद् उक्त्वा वचनं सर्वे ते भेजिरे दिशः । भीमं भीमाक्षम् आयान्तं दृष्ट्वा वानरयूथपाः ॥

etāvad uktvā vacanaṃ sarve te bhejire diśaḥ | bhīmaṃ bhīmākṣam āyāntaṃ dṛṣṭvā vānarayūthapāḥ

Having spoken but this much, all those vānara troop-leaders betook themselves to the quarters, seeing the terrible one of fearful eyes advancing.

इतना ही वचन कहकर वे सब वानर-सेनापति, भयंकर नेत्रों वाले उस भयानक (कुम्भकर्ण) को आता देखकर, दिशाओं में भाग चले।

Verse 28

द्रवमाणास् तु ते वीरा अङ्गदेन वलीमुखाः । सान्त्वैश् च बहुमानैश् च ततः सर्वे निवर्तिताः ॥

dravamāṇās tu te vīrā aṅgadena valīmukhāḥ | sāntvaiś ca bahumānaiś ca tataḥ sarve nivartitāḥ

But those heroes, the wrinkle-faced monkeys, as they fled, were then all turned back by Aṅgada with soothing words and tokens of honour.

किन्तु भागते हुए उन वीर वानरों को अंगद ने तब सान्त्वना और बहुत मान-सम्मान देकर सबको लौटा लिया।

Verse 29

ऋषभशरभमैन्दधूम्रनीलाः; कुमुदसुषेणगवाक्षरम्भताराः । द्विविदपनसवायुपुत्रमुख्यास्; त्वरिततराभिमुखं रणं प्रयाताः ॥

ṛṣabhaśarabhamaindadhūmranīlāḥ; kumudasuṣeṇagavākṣarambhatārāḥ | dvividapanasavāyuputramukhyās; tvaritatarābhimukhaṃ raṇaṃ prayātāḥ

Ṛṣabha, Śarabha, Mainda, Dhūmra and Nīla; Kumuda, Suṣeṇa, Gavākṣa, Rambha and Tāra; Dvivida, Panasa, and the son of Vāyu foremost — these advanced the more swiftly, facing toward the battle.

ऋषभ, शरभ, मैन्द, धूम्र और नील; कुमुद, सुषेण, गवाक्ष, रम्भ और तार; तथा द्विविद, पनस और प्रमुख वायुपुत्र (हनुमान्) — ये अधिक शीघ्रता से युद्ध की ओर मुख करके बढ़ चले।