Sarga 26

Verse 1

तेन शङ्खविमिश्रेण भेरीशब्देन राघवः । उपयतो महाबाहू रामः परपुरंजयः ॥

tena śaṅkhavimiśreṇa bherīśabdena rāghavaḥ | upayato mahābāhū rāmaḥ parapuraṃjayaḥ

At that drum-sound, mingled with conchs, Rāma drew near — the mighty-armed Rāghava, conqueror of enemy cities.

शंखों से मिले उस भेरी-शब्द पर महाबाहु राघव, शत्रुनगरियों के विजेता राम, निकट आ पहुँचे।

Verse 2

तं निनादं निशम्याथ रावणो राक्षसेश्वरः । मुहूर्तं ध्यानम् आस्थाय सचिवान् अभ्युदैक्षत ॥

taṃ ninādaṃ niśamyātha rāvaṇo rākṣaseśvaraḥ | muhūrtaṃ dhyānam āsthāya sacivān abhyudaikṣata

Hearing that din, Rāvaṇa, lord of rākṣasas, for a moment fell into thought, then looked upon his counselors.

उस घोष को सुनकर राक्षसेश्वर रावण क्षण भर चिंतन में डूबकर अपने मंत्रियों की ओर देखने लगा।

Verse 3

अथ तान् सचिवांस् तत्र सर्वान् आभाष्य रावणः । सभां संनादयन् सर्वाम् इत्य् उवाच महाबलः ॥

atha tān sacivāṃs tatra sarvān ābhāṣya rāvaṇaḥ | sabhāṃ saṃnādayan sarvām ity uvāca mahābalaḥ

Then Rāvaṇa, addressing all those counselors there, the mighty one, making the whole hall resound, spoke thus.

तब महाबली रावण ने वहाँ उन सभी मंत्रियों को संबोधित करते हुए, समूची सभा को गुँजाते हुए, इस प्रकार कहा।

Verse 4

तरणं सागरस्यापि विक्रमं बलसंचयम् । यद् उक्तवन्तो रामस्य भवन्तस् तन् मया श्रुतम् । भवतश् चाप्य् अहं वेद्मि युद्धे सत्यपराक्रमान् ॥

taraṇaṃ sāgarasyāpi vikramaṃ balasaṃcayam | yad uktavanto rāmasya bhavantas tan mayā śrutam | bhavataś cāpy ahaṃ vedmi yuddhe satyaparākramān

"I have heard what you have told of Rāma's crossing even of the ocean, his valor, and his gathering of forces; and I too know you to be of true valor in battle."

"राम का समुद्र तक को पार कर जाना, उसका पराक्रम और बल-संग्रह — जो आपने बताया, वह मैंने सुना; और मैं यह भी जानता हूँ कि आप युद्ध में सत्यपराक्रमी हैं।"

Verse 5

ततस् तु सुमहाप्राज्ञो माल्यवान् नाम राक्षसः । रावणस्य वचः श्रुत्वा मातुः पैतामहो ऽब्रवीत् ॥

tatas tu sumahāprājño mālyavān nāma rākṣasaḥ | rāvaṇasya vacaḥ śrutvā mātuḥ paitāmaho 'bravīt

Then a greatly wise rākṣasa named Mālyavān, his mother's grandfather, having heard Rāvaṇa's words, spoke.

तब माल्यवान नामक अत्यंत बुद्धिमान राक्षस, जो रावण की माता का पितामह था, रावण के वचन सुनकर बोला।

Verse 6

विद्यास्व् अभिविनीतो यो राजा राजन् नयानुगः । स शास्ति चिरम् ऐश्वर्यम् अरींश् च कुरुते वशे ॥

vidyāsv abhivinīto yo rājā rājan nayānugaḥ | sa śāsti ciram aiśvaryam arīṃś ca kurute vaśe

"That king, O king, who, well-trained in the sciences, follows sound policy, rules his dominion long and keeps his foes in subjection.

"हे राजन्, जो राजा विद्याओं में भली भाँति शिक्षित होकर नीति का अनुसरण करता है, वह चिरकाल तक ऐश्वर्य भोगता है और शत्रुओं को वश में रखता है।

Verse 7

संदधानो हि कालेन विगृह्णंश् चारिभिः सह । स्वपक्षवर्धनं कुर्वन् महद् ऐश्वर्यम् अश्नुते ॥

saṃdadhāno hi kālena vigṛhṇaṃś cāribhiḥ saha | svapakṣavardhanaṃ kurvan mahad aiśvaryam aśnute

For he who makes peace in due time, and wages war with his enemies (when fitting), and increases his own party, attains great dominion.

क्योंकि जो उचित समय पर संधि करता है और शत्रुओं से (यथासमय) विग्रह करता है, तथा अपने पक्ष की वृद्धि करता है, वह महान ऐश्वर्य प्राप्त करता है।

Verse 8

हीयमानेन कर्तव्यो राज्ञा संधिः समेन च । न शत्रुम् अवमन्येत ज्यायान् कुर्वीत विग्रहम् ॥

hīyamānena kartavyo rājñā saṃdhiḥ samena ca | na śatrum avamanyeta jyāyān kurvīta vigraham

A king who is waning, or who is but an equal, should make peace; he should not despise an enemy; only when the stronger should he make war.

जो क्षीण हो रहा हो या जो समान बल का हो, ऐसे राजा को संधि करनी चाहिए; शत्रु की अवज्ञा नहीं करनी चाहिए; केवल अधिक बलशाली होने पर ही विग्रह करना चाहिए।

Verse 9

तन् मह्यं रोचते संधिः सह रामेण रावण । यदर्थम् अभियुक्ताः स्म सीता तस्मै प्रदीयताम् ॥

tan mahyaṃ rocate saṃdhiḥ saha rāmeṇa rāvaṇa | yadartham abhiyuktāḥ sma sītā tasmai pradīyatām

Therefore peace with Rāma pleases me, O Rāvaṇa; let Sītā, for whose sake we are assailed, be given back to him.

अतः हे रावण, मुझे राम के साथ संधि रुचिकर लगती है; जिसके लिए हम पर आक्रमण हुआ है, वह सीता उसे लौटा दी जाए।

Verse 10

तस्य देवर्षयः सर्वे गन्धर्वाश् च जयैषिणः । विरोधं मा गमस् तेन संधिस् ते तेन रोचताम् ॥

tasya devarṣayaḥ sarve gandharvāś ca jayaiṣiṇaḥ | virodhaṃ mā gamas tena saṃdhis te tena rocatām

All the gods, seers, and gandharvas wish him victory; do not go into conflict with him; let peace with him please you.

समस्त देवता, ऋषि और गंधर्व उसकी विजय चाहते हैं; उसके साथ विरोध में मत जाओ; उसके साथ संधि तुम्हें रुचिकर लगे।

Verse 11

असृजद् भगवान् पक्षौ द्वाव् एव हि पितामहः । सुराणाम् असुराणां च धर्माधर्मौ तदाश्रयौ ॥

asṛjad bhagavān pakṣau dvāv eva hi pitāmahaḥ | surāṇām asurāṇāṃ ca dharmādharmau tadāśrayau

For the blessed Grandsire created but two parties — of the gods and of the asuras — and righteousness and unrighteousness were their respective supports.

क्योंकि भगवान पितामह ने केवल दो ही पक्ष रचे — देवताओं का और असुरों का — और धर्म तथा अधर्म उनके आश्रय हुए।

Verse 12

धर्मो हि श्रूयते पक्षः सुराणां च महात्मनाम् । अधर्मो रक्षसं पक्षो ह्य् असुराणां च रावण ॥

dharmo hi śrūyate pakṣaḥ surāṇāṃ ca mahātmanām | adharmo rakṣasaṃ pakṣo hy asurāṇāṃ ca rāvaṇa

Righteousness, it is heard, is the party of the gods and of the great-souled; unrighteousness is the party of the rākṣasas and of the asuras, O Rāvaṇa.

हे रावण, सुना जाता है कि धर्म देवताओं और महात्माओं का पक्ष है; और अधर्म राक्षसों तथा असुरों का पक्ष है।

Verse 13

धर्मो वै ग्रसते ऽधर्मं ततः कृतम् अभूद् युगम् । अधर्मो ग्रसते धर्मं ततस् तिष्यः प्रवर्तते ॥

dharmo vai grasate 'dharmaṃ tataḥ kṛtam abhūd yugam | adharmo grasate dharmaṃ tatas tiṣyaḥ pravartate

Righteousness devours unrighteousness; thence came the Kṛta age; unrighteousness devours righteousness; thence the Tiṣya (Kali) age sets in.

धर्म अधर्म को ग्रस लेता है, तब सत्ययुग आता है; अधर्म धर्म को ग्रस लेता है, तब कलियुग प्रवृत्त होता है।

Verse 14

तत् त्वया चरता लोकान् धर्मो विनिहतो महान् । अधर्मः प्रगृहीतश् च तेनास्मद्बलिनः परे ॥

tat tvayā caratā lokān dharmo vinihato mahān | adharmaḥ pragṛhītaś ca tenāsmadbalinaḥ pare

Therefore, as you ranged the worlds, the great righteousness was destroyed (by you) and unrighteousness embraced; by that are our foes stronger than we.

अतः लोकों में विचरते हुए तुमने उस महान धर्म का नाश कर दिया और अधर्म को ग्रहण किया; उसी से हमारी अपेक्षा शत्रु अधिक बलशाली हैं।

Verse 15

स प्रमादाद् विवृद्धस् ते ऽधर्मो ऽहिर् ग्रसते हि नः । विवर्धयति पक्षं च सुराणां सुरभावनः ॥

sa pramādād vivṛddhas te 'dharmo 'hir grasate hi naḥ | vivardhayati pakṣaṃ ca surāṇāṃ surabhāvanaḥ

This unrighteousness of yours, swollen through heedlessness, devours us like a serpent; and he who fosters the gods (Dharma) increases the party of the gods.

प्रमाद से बढ़ा हुआ तुम्हारा यह अधर्म सर्प की भाँति हमें ग्रस रहा है; और देवताओं का पोषक (धर्म) देवताओं के पक्ष को बढ़ा रहा है।

Verse 16

विषयेषु प्रसक्तेन यत्किंचित्कारिणा त्वया । ऋषीणाम् अग्निकल्पानाम् उद्वेगो जनितो महान् । तेषां प्रभावो दुर्धर्षः प्रदीप्त इव पावकः ॥

viṣayeṣu prasaktena yatkiṃcitkāriṇā tvayā | ṛṣīṇām agnikalpānām udvego janito mahān | teṣāṃ prabhāvo durdharṣaḥ pradīpta iva pāvakaḥ

By you, given over to the objects of sense, doing whatever you pleased, a great alarm has been bred among the sages who are like the sacred fire; their power is hard to withstand, like blazing fire.

विषयों में आसक्त, मनमाना करने वाले तुम्हारे द्वारा अग्नि के समान तेजस्वी ऋषियों में महान उद्वेग उत्पन्न हो गया है; उनका प्रभाव दुर्धर्ष है, जैसे प्रज्वलित अग्नि।

Verse 17

तपसा भावितात्मानो धर्मस्यानुग्रहे रताः । मुख्यैर् यज्ञैर् यजन्त्य् एते नित्यं तैस् तैर् द्विजातयः ॥

tapasā bhāvitātmāno dharmasyānugrahe ratāḥ | mukhyair yajñair yajanty ete nityaṃ tais tair dvijātayaḥ

Their souls purified by austerity, delighting in the furtherance of righteousness, these twice-born ones ever worship with the chief sacrifices, one after another.

तप से शुद्ध अंतःकरण वाले, धर्म के पोषण में रत वे द्विज सदा नाना श्रेष्ठ यज्ञों से यजन करते हैं।

Verse 18

जुह्वत्य् अग्नींश् च विधिवद् वेदांश् चोच्चैर् अधीयते । अभिभूय च रक्षांसि ब्रह्मघोषान् उदैरयन् । दिशो विप्रद्रुताः सर्वे स्तनयित्नुर् इवोष्णगे ॥

juhvaty agnīṃś ca vidhivad vedāṃś coccair adhīyate | abhibhūya ca rakṣāṃsi brahmaghoṣān udairayan | diśo vipradrutāḥ sarve stanayitnur ivoṣṇage

They offer oblations into the fires according to rule, and chant the Vedas aloud; and overpowering the rākṣasas, raising their Vedic chant, they drove them off — all scattered to the quarters like thunder in the hot season.

वे विधिपूर्वक अग्नियों में आहुति देते और ऊँचे स्वर में वेद पढ़ते हैं; और राक्षसों को पराजित करके, वेद-घोष उठाकर उन्हें खदेड़ देते हैं — वे सब ग्रीष्म में गर्जन से बादलों की भाँति दिशाओं में छितर जाते हैं।

Verse 19

ऋषीणाम् अग्निकल्पानाम् अग्निहोत्रसमुत्थितः । आदत्ते रक्षसां तेजो धूमो व्याप्य दिशो दश ॥

ṛṣīṇām agnikalpānām agnihotrasamutthitaḥ | ādatte rakṣasāṃ tejo dhūmo vyāpya diśo daśa

The smoke, risen from the sacrificial fires of the sages who are like the fire, pervading the ten quarters, takes away the splendor of the rākṣasas.

अग्नि के समान तेजस्वी ऋषियों के अग्निहोत्र से उठा हुआ धुआँ दसों दिशाओं में फैलकर राक्षसों के तेज को हर लेता है।

Verse 20

तेषु तेषु च देशेषु पुण्येषु च दृढव्रतैः । चर्यमाणं तपस् तीव्रं संतापयति राक्षसान् ॥

teṣu teṣu ca deśeṣu puṇyeṣu ca dṛḍhavrataiḥ | caryamāṇaṃ tapas tīvraṃ saṃtāpayati rākṣasān

And in those various holy regions the fierce austerity practiced by the firm-vowed ones scorches the rākṣasas.

उन-उन पुण्य प्रदेशों में दृढ़व्रत ऋषियों द्वारा किया जाने वाला तीव्र तप राक्षसों को संतप्त करता है।

Verse 21

उत्पातान् विविधान् दृष्ट्वा घोरान् बहुविधांस् तथा । विनाशम् अनुपश्यामि सर्वेषां रक्षसाम् अहम् ॥

utpātān vividhān dṛṣṭvā ghorān bahuvidhāṃs tathā | vināśam anupaśyāmi sarveṣāṃ rakṣasām aham

Beholding many dreadful portents of many kinds, I foresee the destruction of all the rākṣasas.

नाना प्रकार के घोर और बहुविध उत्पातों को देखकर मैं समस्त राक्षसों का विनाश देख रहा हूँ।

Verse 22

खराभिस् तनिता घोरा मेघाः प्रतिभयंकरः । शोणितेनाभिवर्षन्ति लङ्काम् उष्णेन सर्वतः ॥

kharābhis tanitā ghorā meghāḥ pratibhayaṃkaraḥ | śoṇitenābhivarṣanti laṅkām uṣṇena sarvataḥ

Dreadful clouds, thundering harshly, strike terror, raining blood, hot, upon Laṅkā on every side.

कठोर गर्जना करते घोर और अत्यंत भयंकर बादल लंका पर चारों ओर गर्म रक्त की वर्षा कर रहे हैं।

Verse 23

रुदतां वाहनानां च प्रपतन्त्य् अस्रबिन्दवः । ध्वजा ध्वस्ता विवर्णाश् च न प्रभान्ति यथापुरम् ॥

rudatāṃ vāhanānāṃ ca prapatanty asrabindavaḥ | dhvajā dhvastā vivarṇāś ca na prabhānti yathāpuram

From the beasts of burden, as they weep, teardrops fall; the banners, fallen and discolored, shine not as of old.

रोते हुए वाहनों से आँसुओं की बूँदें गिर रही हैं; ध्वज गिरे और विवर्ण होकर पहले की भाँति नहीं चमकते।

Verse 24

व्याला गोमायवो गृध्रा वाशन्ति च सुभैरवम् । प्रविश्य लङ्काम् अनिशं समवायांश् च कुर्वते ॥

vyālā gomāyavo gṛdhrā vāśanti ca subhairavam | praviśya laṅkām aniśaṃ samavāyāṃś ca kurvate

Beasts of prey, jackals, and vultures howl most dreadfully, and entering Laṅkā ceaselessly, they gather in packs.

हिंस्र पशु, सियार और गीध अत्यंत भयंकर रीति से चिल्लाते हैं, और लंका में प्रवेश कर निरंतर झुंड बनाते हैं।

Verse 25

कालिकाः पाण्डुरैर् दन्तैः प्रहसन्त्य् अग्रतः स्थिताः । स्त्रियः स्वप्नेषु मुष्णन्त्यो गृहाणि प्रतिभाष्य च ॥

kālikāḥ pāṇḍurair dantaiḥ prahasanty agrataḥ sthitāḥ | striyaḥ svapneṣu muṣṇantyo gṛhāṇi pratibhāṣya ca

Black women with pale teeth laugh, standing in front; haunting dwellings in dreams, plundering (them), and casting spells.

पाण्डु दाँतों वाली काली स्त्रियाँ सामने खड़ी हँसती हैं, स्वप्नों में घरों को लूटती और उन पर अभिचार करती हैं।

Verse 26

गृहाणां बलिकर्माणि श्वानः पर्युपभुञ्जते । खरा गोषु प्रजायन्ते मूषिका नकुलैः सह ॥

gṛhāṇāṃ balikarmāṇi śvānaḥ paryupabhuñjate | kharā goṣu prajāyante mūṣikā nakulaiḥ saha

Dogs devour the offerings (bali) of the houses; asses are born of cows; mice mate with mongooses;

घरों की बलि-सामग्री कुत्ते खा जाते हैं; गौओं से गधे उत्पन्न होते हैं; चूहे नेवलों के साथ मैथुन करते हैं;

Verse 27

मार्जारा द्वीपिभिः सार्धं सूकराः शुनकैः सह । किंनरा राक्षसैश् चापि समेयुर् मानुषैः सह ॥

mārjārā dvīpibhiḥ sārdhaṃ sūkarāḥ śunakaiḥ saha | kiṃnarā rākṣasaiś cāpi sameyur mānuṣaiḥ saha

cats with leopards, swine with dogs, kiṃnaras with rākṣasas, and these with human beings — all mingle together.

बिल्लियाँ चीतों के साथ, सूअर कुत्तों के साथ, किन्नर राक्षसों के साथ और वे मनुष्यों के साथ — सब परस्पर मिल जाते हैं।

Verse 28

पाण्डुरा रक्तपादाश् च विहगाः कालचोदिताः । राक्षसानां विनाशाय कपोता विचरन्ति च ॥

pāṇḍurā raktapādāś ca vihagāḥ kālacoditāḥ | rākṣasānāṃ vināśāya kapotā vicaranti ca

Pale and red-footed birds, driven on by fate, and doves range about for the destruction of the rākṣasas.

काल से प्रेरित श्वेत और लाल पैरों वाले पक्षी, तथा कबूतर, राक्षसों के विनाश के लिए विचरते हैं।

Verse 29

चीकी कूचीति वाशन्त्यः शारिका वेश्मसु स्थिताः । पतन्ति ग्रथिताश् चापि निर्जिताः कलहैषिणः ॥

cīkī kūcīti vāśantyaḥ śārikā veśmasu sthitāḥ | patanti grathitāś cāpi nirjitāḥ kalahaiṣiṇaḥ

Crying 'cīkī, kūcī,' the mynah birds, perched in the houses, fall down entangled, overcome, lovers of strife.

'चीकी-कूची' बोलती हुई मैना घरों में बैठी रहती हैं, और फँसकर, परास्त होकर गिर पड़ती हैं — कलह की इच्छा वाली।

Verse 30

करालो विकटो मुण्डः पुरुषः कृष्णपिङ्गलः । कालो गृहाणि सर्वेषां काले काले ऽन्ववेक्षते । एतान्य् अन्यानि दुष्टानि निमित्तान्य् उत्पतन्ति च ॥

karālo vikaṭo muṇḍaḥ puruṣaḥ kṛṣṇapiṅgalaḥ | kālo gṛhāṇi sarveṣāṃ kāle kāle 'nvavekṣate | etāny anyāni duṣṭāni nimittāny utpatanti ca

A dreadful, deformed, bald man, black and tawny, Death himself, from time to time looks into the houses of all; these and other evil portents arise.

एक भयंकर, विकृत, गंजा, काले-पीले रंग का पुरुष — साक्षात् काल — समय-समय पर सबके घरों में झाँकता है; ये और अन्य दुष्ट शकुन प्रकट हो रहे हैं।

Verse 31

विष्णुं मन्यामहे रामं मानुषं देहम् आस्थितम् । न हि मानुषमात्रो ऽसौ राघवो दृढविक्रमः ॥

viṣṇuṃ manyāmahe rāmaṃ mānuṣaṃ deham āsthitam | na hi mānuṣamātro 'sau rāghavo dṛḍhavikramaḥ

We deem Rāma to be Viṣṇu who has taken a human body; for that Rāghava of firm valor is no mere mortal,

हम राम को मनुष्य-शरीर धारण किए विष्णु मानते हैं; क्योंकि वह दृढ़ पराक्रमी राघव केवल मनुष्य नहीं है,

Verse 32

येन बद्धः समुद्रस्य स सेतुः परमाद्भुतः । कुरुष्व नरराजेन संधिं रामेण रावण ॥

yena baddhaḥ samudrasya sa setuḥ paramādbhutaḥ | kuruṣva nararājena saṃdhiṃ rāmeṇa rāvaṇa

by whom that most wondrous bridge of the ocean was bound. Make peace, O Rāvaṇa, with the king of men, with Rāma."

जिसने समुद्र पर वह परम अद्भुत सेतु बाँध दिया। हे रावण, नरराज राम के साथ संधि कर लो।"

Verse 33

इदं वचस् तत्र निगद्य माल्यवन्; परीक्ष्य रक्षोऽधिपतेर् मनः पुनः । अनुत्तमेषूत्तमपौरुषो बली; बभूव तूष्णीं समवेक्ष्य रावणम् ॥

idaṃ vacas tatra nigadya mālyavan; parīkṣya rakṣo'dhipater manaḥ punaḥ | anuttameṣūttamapauruṣo balī; babhūva tūṣṇīṃ samavekṣya rāvaṇam

Having uttered these words there, and having probed again the mind of the rākṣasa-lord, the mighty Mālyavān, of supreme manhood among the matchless, fell silent, watching Rāvaṇa.

वहाँ ये वचन कहकर, और राक्षस-स्वामी के मन को फिर से परखकर, अनुपमों में श्रेष्ठ पौरुष वाला बलशाली माल्यवान रावण को देखता हुआ मौन हो गया।