Adhyaya 27

Verse 1

संजय उवाच यियासतस् ततः कृष्णः पार्थस्याश्वान् मनोजवान् अप्रैषीद् धेमसंछन्नान् द्रोणानीकाय पाण्डुरान्

saṃjaya uvāca yiyāsatas tataḥ kṛṣṇaḥ pārthasyāśvān manojavān apraiṣīd dhemasaṃchannān droṇānīkāya pāṇḍurān

Sanjaya said: Then, as Partha wished to go, Krishna urged on his white steeds, swift as thought and decked with gold, toward the division of Drona.

संजय ने कहा — तब पार्थ के जाना चाहने पर कृष्ण ने उसके मन के समान वेगवान्, स्वर्ण से मढ़े, श्वेत घोड़ों को द्रोण की सेना की ओर हाँका।

Verse 2

तं प्रयान्तं कुरुश्रेष्ठं स्वांस् त्रातुं द्रोणतापितान् सुशर्मा भ्रातृभिः सार्धं युद्धार्थी पृष्ठतो ऽन्वयात्

taṃ prayāntaṃ kuruśreṣṭhaṃ svāṃs trātuṃ droṇatāpitān suśarmā bhrātṛbhiḥ sārdhaṃ yuddhārthī pṛṣṭhato 'nvayāt

As that best of the Kurus was going to save his own men tormented by Drona, Susharman, seeking battle, followed behind him with his brothers.

द्रोण के द्वारा सताए गए अपने लोगों को बचाने के लिए जाते हुए उस कुरुश्रेष्ठ (अर्जुन) के पीछे-पीछे युद्ध का इच्छुक सुशर्मा अपने भाइयों सहित चला।

Verse 3

ततः श्वेतहयः कृष्णम् अब्रवीद् अजितं जयः एष मां भ्रातृभिः सार्धं सुशर्माह्वयते ऽच्युत

tataḥ śvetahayaḥ kṛṣṇam abravīd ajitaṃ jayaḥ eṣa māṃ bhrātṛbhiḥ sārdhaṃ suśarmāhvayate 'cyuta

Then he of the white steeds, the victorious one, said to the unconquered Krishna: 'This Susharman, O Achyuta, together with his brothers, challenges me.'

तब श्वेत घोड़ों वाले विजयी (अर्जुन) ने अजेय कृष्ण से कहा — 'हे अच्युत! यह सुशर्मा अपने भाइयों सहित मुझे ललकार रहा है।'

Verse 4

दीर्यते चोत्तरेणैतत् सैन्यं नः शत्रुसूदन द्वैधीभूतं मनो मे ऽद्य कृतं संशप्तकैर् इदम्

dīryate cottareṇaitat sainyaṃ naḥ śatrusūdana dvaidhībhūtaṃ mano me 'dya kṛtaṃ saṃśaptakair idam

'And on the north this army of ours is being torn apart, O slayer of foes. My mind is today made divided in two by these Samshaptakas.'

'और हे शत्रुसूदन! उधर उत्तर की ओर हमारी यह सेना छिन्न हो रही है। आज इन संशप्तकों ने मेरे मन को दो भागों में बँटा दिया है।'

Verse 5

किं नु संशप्तकान् हन्मि स्वान् रक्षाम्य् अहितार्दितान् इति मे त्वं मतं वेत्थ तत्र किं सुकृतं भवेत्

kiṃ nu saṃśaptakān hanmi svān rakṣāmy ahitārditān iti me tvaṃ mataṃ vettha tatra kiṃ sukṛtaṃ bhavet

'Shall I slay the Samshaptakas, or shall I protect my own men, tormented by the foe? You know my mind on this -- which of these would be the better deed?'

'मैं संशप्तकों को मारूँ, या शत्रुओं से पीड़ित अपने लोगों की रक्षा करूँ? आप मेरे मन को जानते हैं — इनमें कौन-सा अच्छा कार्य होगा?'

Verse 6

एवम् उक्तस् तु दाशार्हः स्यन्दनं प्रत्यवर्तयत् येन त्रिगर्ताधिपतिः पाण्डवं समुपाह्वयत्

evam uktas tu dāśārhaḥ syandanaṃ pratyavartayat yena trigartādhipatiḥ pāṇḍavaṃ samupāhvayat

Thus addressed, the Dasharha (Krishna) turned the chariot back to where the lord of the Trigartas was challenging the Pandava.

इस प्रकार कहे जाने पर दाशार्ह (कृष्ण) ने रथ वहाँ लौटा दिया, जहाँ त्रिगर्ताधिपति (सुशर्मा) पाण्डव को ललकार रहा था।

Verse 7

ततो ऽर्जुनः सुशर्माणं विद्ध्वा सप्तभिर् आशुगैः ध्वजं धनुश् चास्य तथा क्षुराभ्यां समकृन्तत

tato 'rjunaḥ suśarmāṇaṃ viddhvā saptabhir āśugaiḥ dhvajaṃ dhanuś cāsya tathā kṣurābhyāṃ samakṛntata

Then Arjuna, having pierced Susharman with seven swift arrows, cut off his standard and his bow with two razor-headed shafts.

तब अर्जुन ने सुशर्मा को सात शीघ्रगामी बाणों से बींधकर, और उसकी ध्वजा तथा धनुष को दो क्षुर बाणों से काट डाला।

Verse 8

त्रिगर्ताधिपतेश् चापि भ्रातरं षड्भिर् आयसैः साश्वं ससूतं त्वरितः पार्थः प्रैषीद् यमक्षयम्

trigartādhipateś cāpi bhrātaraṃ ṣaḍbhir āyasaiḥ sāśvaṃ sasūtaṃ tvaritaḥ pārthaḥ praiṣīd yamakṣayam

And Partha swiftly, with six iron shafts, sent the brother of the lord of the Trigartas, together with his steeds and driver, to the abode of Yama.

और पार्थ ने शीघ्रता से छह लोहे के बाणों से त्रिगर्ताधिपति के भाई को घोड़ों और सारथि सहित यमलोक भेज दिया।

Verse 9

ततो भुजगसंकाशां सुशर्मा शक्तिम् आयसीम् चिक्षेपार्जुनम् आदिश्य वासुदेवाय तोमरम्

tato bhujagasaṃkāśāṃ suśarmā śaktim āyasīm cikṣepārjunam ādiśya vāsudevāya tomaram

Then Susharman hurled at Arjuna an iron dart resembling a serpent, and a lance at Vasudeva.

तब सुशर्मा ने सर्प के समान एक लोहे की शक्ति अर्जुन को लक्ष्य करके फेंकी, और एक तोमर वासुदेव पर।

Verse 10

शक्तिं त्रिभिः शरैश् छित्त्वा तोमरं त्रिभिर् अर्जुनः सुशर्माणं शरव्रातैर् मोहयित्वा न्यवर्तत

śaktiṃ tribhiḥ śaraiś chittvā tomaraṃ tribhir arjunaḥ suśarmāṇaṃ śaravrātair mohayitvā nyavartata

Arjuna, cutting the dart with three arrows and the lance with three, and having stupefied Susharman with volleys of arrows, turned away.

अर्जुन ने उस शक्ति को तीन बाणों से और तोमर को तीन बाणों से काटकर, सुशर्मा को बाण-समूहों से मोहित करके लौट पड़ा।

Verse 11

तं वासवम् इवायान्तं भूरिवर्षशरौघिणम् राजंस् तावकसैन्यानां नोग्रं कश् चिद् अवारयत्

taṃ vāsavam ivāyāntaṃ bhūrivarṣaśaraughiṇam rājaṃs tāvakasainyānāṃ nograṃ kaś cid avārayat

As he came on like Vasava, pouring copious floods of arrows, O king, none among your soldiers, however fierce, could withstand him.

हे राजन्! वासव (इन्द्र) के समान, प्रचुर बाण-वर्षा बरसाते आते हुए उस (अर्जुन) को आपके सैनिकों में कोई भी उग्र (योद्धा) रोक न सका।

Verse 12

ततो धनंजयो बाणैस् तत एव महारथान् आयाद् विनिघ्नन् कौरव्यान् दहन् कक्षम् इवानलः

tato dhanaṃjayo bāṇais tata eva mahārathān āyād vinighnan kauravyān dahan kakṣam ivānalaḥ

Then Dhananjaya came on, slaying the mighty car-warriors of the Kauravas with his arrows, like a fire consuming dry grass.

तब धनंजय वहीं से बाणों से कौरवों के महारथियों का वध करता हुआ वैसे ही आया, जैसे सूखी घास को जलाती अग्नि।

Verse 13

तस्य वेगम् असह्यं तु कुन्तीपुत्रस्य धीमतः नाशक्नुवंस् ते संसोढुं स्पर्शम् अग्नेर् इव प्रजाः

tasya vegam asahyaṃ tu kuntīputrasya dhīmataḥ nāśaknuvaṃs te saṃsoḍhuṃ sparśam agner iva prajāḥ

They could not endure the irresistible onset of the wise son of Kunti, as living creatures cannot endure the touch of fire.

बुद्धिमान् कुन्तीपुत्र (अर्जुन) के उस असह्य वेग को वे वैसे ही सह न सके, जैसे प्राणी अग्नि के स्पर्श को।

Verse 14

संवेष्टयन्न् अनीकानि शरवर्षेण पाण्डवः सुपर्णपातवद् राजन्न् आयात् प्राग्ज्योतिषं प्रति

saṃveṣṭayann anīkāni śaravarṣeṇa pāṇḍavaḥ suparṇapātavad rājann āyāt prāgjyotiṣaṃ prati

Enveloping the (enemy) ranks with showers of arrows, the Pandava, O king, swept on toward the king of Pragjyotisha with the swoop of Garuda.

हे राजन्! सेनाओं को बाण-वर्षा से घेरता हुआ पाण्डव गरुड़ की झपट के समान प्राग्ज्योतिष (भगदत्त) की ओर बढ़ा।

Verse 15

यत् तदानामयज् जिष्णुर् भरतानाम् अपायिनाम् धनुः क्षेमकरं संख्ये द्विषताम् अश्रुवर्धनम्

yat tadānāmayaj jiṣṇur bharatānām apāyinām dhanuḥ kṣemakaraṃ saṃkhye dviṣatām aśruvardhanam

That bow which the victorious Jishnu bent -- a bow that in battle brought safety to the fleeing Bharatas and swelled the tears of their foes --

विजयी जिष्णु (अर्जुन) ने जिस धनुष को तब चढ़ाया — वह धनुष, जो रण में भागते भरतों (पाण्डवों) के लिए क्षेमकारी और शत्रुओं के आँसू बढ़ाने वाला था—

Verse 16

तद् एव तव पुत्रस्य राजन् दुर्द्यूतदेविनः कृते क्षत्रविनाशाय धनुर् आयच्छद् अर्जुनः

tad eva tava putrasya rājan durdyūtadevinaḥ kṛte kṣatravināśāya dhanur āyacchad arjunaḥ

-- that very bow Arjuna now drew, O king, for the destruction of the Kshatriya race, brought on by your son, the player of the crooked dice.

हे राजन्! वही धनुष अब अर्जुन ने, कपटद्यूत खेलने वाले आपके पुत्र के द्वारा लाए गए क्षत्रिय-विनाश के लिए, चढ़ाया।

Verse 17

तथा विक्षोभ्यमाणा सा पार्थेन तव वाहिनी व्यदीर्यत महाराज नौर् इवासाद्य पर्वतम्

tathā vikṣobhyamāṇā sā pārthena tava vāhinī vyadīryata mahārāja naur ivāsādya parvatam

Thus shaken by Partha, that army of yours was rent asunder, O great king, like a boat that has struck a rock.

हे महाराज! इस प्रकार पार्थ के द्वारा क्षुब्ध की जाती आपकी वह सेना चट्टान से टकराई नौका के समान विदीर्ण हो गई।

Verse 18

ततो दश सहस्राणि न्यवर्तन्त धनुष्मताम् मतिं कृत्वा रणे क्रुद्धा वीरा जयपराजये

tato daśa sahasrāṇi nyavartanta dhanuṣmatām matiṃ kṛtvā raṇe kruddhā vīrā jayaparājaye

Then ten thousand bowmen, brave heroes, wrathful, having steeled their minds alike to victory or defeat in battle, turned back to face him.

तब दस हजार धनुर्धर वीर, युद्ध में जय-पराजय के प्रति समान भाव से मन दृढ़ करके, क्रुद्ध होकर उसका सामना करने लौट पड़े।

Verse 19

व्यपेतहृदयत्रास आपद्धर्मातिगो रथः आर्छत् पार्थो गुरुं भारं सर्वभारसहो युधि

vyapetahṛdayatrāsa āpaddharmātigo rathaḥ ārchat pārtho guruṃ bhāraṃ sarvabhārasaho yudhi

The car-warrior Partha, his heart free from fear, going beyond the (lax) rules meant for times of distress, and able to bear every burden, took up that heavy burden in the battle.

भयरहित हृदय वाले, आपद्धर्म (संकटकाल की छूट) को लाँघने वाले, समस्त भार सहने में समर्थ रथी पार्थ ने युद्ध में उस भारी भार को उठा लिया।

Verse 20

यथा नडवनं क्रुद्धः प्रभिन्नः षष्टिहायनः मृद्नीयात् तद्वद् आयस्तः पार्थो ऽमृद्नाच् चमूं तव

yathā naḍavanaṃ kruddhaḥ prabhinnaḥ ṣaṣṭihāyanaḥ mṛdnīyāt tadvad āyastaḥ pārtho 'mṛdnāc camūṃ tava

As a furious elephant in rut, sixty years old, would trample down a bed of reeds, so did Partha, straining hard, crush your army.

जैसे मद से फूटा क्रुद्ध साठ वर्ष का हाथी नरकट के वन को रौंद डालता है, वैसे ही जूझते हुए पार्थ ने आपकी सेना को रौंद डाला।

Verse 21

तस्मिन् प्रमथिते सैन्ये भगदत्तो नराधिपः तेन नागेन सहसा धनंजयम् उपाद्रवत्

tasmin pramathite sainye bhagadatto narādhipaḥ tena nāgena sahasā dhanaṃjayam upādravat

When that army was thus crushed, King Bhagadatta suddenly charged against Dhananjaya with his elephant.

उस सेना के मथ दिए जाने पर राजा भगदत्त सहसा उसी हाथी से धनंजय पर टूट पड़ा।

Verse 22

तं रथेन नरव्याघ्रः प्रत्यगृह्णाद् अभीतवत् स संनिपातस् तुमुलो बभूव रथनागयोः

taṃ rathena naravyāghraḥ pratyagṛhṇād abhītavat sa saṃnipātas tumulo babhūva rathanāgayoḥ

That tiger among men received him fearlessly with his chariot; and tumultuous was that clash between the car and the elephant.

उस नरव्याघ्र (अर्जुन) ने रथ से निर्भय होकर उसका सामना किया; और रथ तथा हाथी का वह टकराव प्रचण्ड हुआ।

Verse 23

कल्पिताभ्यां यथाशास्त्रं रथेन च गजेन च संग्रामे चेरतुर् वीरौ भगदत्तधनंजयौ

kalpitābhyāṃ yathāśāstraṃ rathena ca gajena ca saṃgrāme ceratur vīrau bhagadattadhanaṃjayau

With their car and elephant equipped according to the treatises of war, the two heroes, Bhagadatta and Dhananjaya, moved about in the battle.

शास्त्र के अनुसार सजाए गए रथ और हाथी से वे दोनों वीर — भगदत्त और धनंजय — संग्राम में विचरने लगे।

Verse 24

ततो जीमूतसंकाशान् नागाद् इन्द्र इवाभिभूः अभ्यवर्षच् छरौघेण भगदत्तो धनंजयम्

tato jīmūtasaṃkāśān nāgād indra ivābhibhūḥ abhyavarṣac charaugheṇa bhagadatto dhanaṃjayam

Then Bhagadatta, from his elephant that resembled a rain-cloud, overwhelming as Indra, poured a flood of arrows upon Dhananjaya.

तब मेघ के समान हाथी पर से, इन्द्र के समान प्रभावशाली भगदत्त ने धनंजय पर बाण-समूह की वर्षा की।

Verse 25

स चापि शरवर्षं तच् छरवर्षेण वासविः अप्राप्तम् एव चिच्छेद भगदत्तस्य वीर्यवान्

sa cāpi śaravarṣaṃ tac charavarṣeṇa vāsaviḥ aprāptam eva ciccheda bhagadattasya vīryavān

And the valiant son of Vasava, with his own shower of arrows, cut to pieces that shower of Bhagadatta's arrows before it even reached him.

और वीर्यवान् वासवपुत्र (अर्जुन) ने भी भगदत्त की उस बाण-वर्षा को, उसके पहुँचने से पहले ही, अपनी बाण-वर्षा से काट डाला।

Verse 26

ततः प्राग्ज्योतिषो राजा शरवर्षं निवार्य तत् शरैर् जघ्ने महाबाहुं पार्थं कृष्णं च भारत

tataḥ prāgjyotiṣo rājā śaravarṣaṃ nivārya tat śarair jaghne mahābāhuṃ pārthaṃ kṛṣṇaṃ ca bhārata

Then the king of Pragjyotisha, warding off that shower of arrows, struck the mighty-armed Partha and Krishna with his shafts, O Bharata.

हे भारत! तब प्राग्ज्योतिषराज ने उस बाण-वर्षा को रोककर महाबाहु पार्थ और कृष्ण को बाणों से बींधा।

Verse 27

ततः स शरजालेन महताभ्यवकीर्य तौ चोदयाम् आस तं नागं वधायाच्युतपार्थयोः

tataḥ sa śarajālena mahatābhyavakīrya tau codayām āsa taṃ nāgaṃ vadhāyācyutapārthayoḥ

Then, covering the two of them with a great net of arrows, he urged on his elephant for the slaying of Achyuta and Partha.

तब उन दोनों को महान् बाण-जाल से ढककर उसने अच्युत (कृष्ण) और पार्थ के वध के लिए अपने हाथी को प्रेरित किया।

Verse 28

तम् आपतन्तं द्विरदं दृष्ट्वा क्रुद्धम् इवान्तकम् चक्रे ऽपसव्यं त्वरितः स्यन्दनेन जनार्दनः

tam āpatantaṃ dviradaṃ dṛṣṭvā kruddham ivāntakam cakre 'pasavyaṃ tvaritaḥ syandanena janārdanaḥ

Seeing that elephant rushing on like enraged Death, Janardana swiftly made a circling movement with the chariot, keeping the beast to his right.

क्रुद्ध अन्तक (यमराज) के समान आक्रमण करते उस हाथी को देखकर जनार्दन ने शीघ्र रथ से अपसव्य (दाहिनी ओर रखते हुए) चक्कर काटा।

Verse 29

संप्राप्तम् अपि नेयेष परावृत्तं महाद्विपम् सारोहं मृत्युसात् कर्तुं स्मरन् धर्मं धनंजयः

saṃprāptam api neyeṣa parāvṛttaṃ mahādvipam sārohaṃ mṛtyusāt kartuṃ smaran dharmaṃ dhanaṃjayaḥ

Even when the great elephant, having wheeled about, came within his reach, Dhananjaya, mindful of righteousness, was unwilling to consign it and its rider to death by striking from behind.

वह महान् हाथी मुड़कर पहुँच जाने पर भी, धर्म का स्मरण करते हुए धनंजय ने उसे सवार सहित (पीछे से) मृत्यु के मुख में डालना नहीं चाहा।

Verse 30

स तु नागो द्विपरथान् हयांश् चारुज्य मारिष प्राहिणोन् मृत्युलोकाय ततो ऽक्रुध्यद् धनंजयः

sa tu nāgo dviparathān hayāṃś cārujya māriṣa prāhiṇon mṛtyulokāya tato 'krudhyad dhanaṃjayaḥ

But that elephant, O sire, crushing (other) elephants, chariots, and horses, sent them to the world of death; thereupon Dhananjaya grew wroth.

किन्तु हे मान्यवर! वह हाथी (दूसरे) हाथियों, रथों और घोड़ों को कुचलते हुए उन्हें मृत्युलोक भेजने लगा; तब धनंजय क्रुद्ध हो गया।