Adhyaya 155

Verse 1

संजय उवाच हैडिम्बं निहतं दृष्ट्वा विकीर्णम् इव पर्वतम् पाण्डवा दीनमनसः सर्वे बाष्पाकुलेक्षणाः

saṃjaya uvāca haiḍimbaṃ nihataṃ dṛṣṭvā vikīrṇam iva parvatam pāṇḍavā dīnamanasaḥ sarve bāṣpākulekṣaṇāḥ

Sanjaya said: Seeing the son of Hidimba (Ghatotkacha) slain, [lying] scattered like a mountain, the Pandavas were all downcast in mind, their eyes filled with tears.

संजय बोले — हिडिम्बापुत्र (घटोत्कच) को बिखरे हुए पर्वत के समान मारा गया देखकर समस्त पाण्डव उदास मनवाले हो गए, उनके नेत्र आँसुओं से भर आए।

Verse 2

वासुदेवस् तु हर्षेण महताभिपरिप्लुतः ननाद सिंहवन् नादं व्यथयन्न् इव भारत विनद्य च महानादं पर्यष्वजत फल्गुनम्

vāsudevas tu harṣeṇa mahatābhipariplutaḥ nanāda siṃhavan nādaṃ vyathayann iva bhārata vinadya ca mahānādaṃ paryaṣvajata phalgunam

But Vasudeva, overwhelmed with great joy, roared a lion-like roar, as though shaking [the foe], O Bharata; and having uttered that great roar, he embraced Phalguna (Arjuna).

हे भारत! किन्तु वासुदेव महान हर्ष से परिप्लुत होकर, मानो (शत्रु को) व्यथित करते हुए, सिंह के समान गर्जना की; और महान गर्जना करके उन्होंने फल्गुन (अर्जुन) का आलिंगन किया।

Verse 3

स विनद्य महानादम् अभीशून् संनियम्य च ननर्त हर्षसंवीतो वातोद्धूत इव द्रुमः

sa vinadya mahānādam abhīśūn saṃniyamya ca nanarta harṣasaṃvīto vātoddhūta iva drumaḥ

Roaring that great roar and reining in the horses, he danced, wrapped in delight, like a tree shaken by the wind.

महान गर्जना करके और लगामों को सँभालकर, हर्ष से परिपूर्ण होकर वे वायु से हिलाए गए वृक्ष के समान नृत्य करने लगे।

Verse 4

ततो विनिर्भ्राम्य पुनः पार्थम् आस्फोट्य चासकृत् रथोपस्थगतो भीमं प्राणदत् पुनर् अच्युतः

tato vinirbhrāmya punaḥ pārtham āsphoṭya cāsakṛt rathopasthagato bhīmaṃ prāṇadat punar acyutaḥ

Then, wheeling about again and slapping his arms repeatedly [in exultation] before Partha, going to the middle of the car, Achyuta roared again at Bhima.

फिर घूमकर, बार-बार पार्थ (अर्जुन) के सामने भुजाएँ ठोंककर, रथ के मध्य में जाकर अच्युत ने फिर भीम की ओर गर्जना की।

Verse 5

प्रहृष्टमनसं ज्ञात्वा वासुदेवं महाबलम् अब्रवीद् अर्जुनो राजन् नातिहृष्टमना इव

prahṛṣṭamanasaṃ jñātvā vāsudevaṃ mahābalam abravīd arjuno rājan nātihṛṣṭamanā iva

Knowing the mighty Vasudeva to be delighted in mind, Arjuna, O king, though himself not much delighted, said:

हे राजन्! महाबली वासुदेव को प्रसन्नचित्त जानकर अर्जुन ने, स्वयं अधिक प्रसन्न न होते हुए-से, कहा:

Verse 6

अतिहर्षो ऽयम् अस्थाने तवाद्य मधुसूदन शोकस्थाने परे प्राप्ते हैडिम्बस्य वधेन वै

atiharṣo 'yam asthāne tavādya madhusūdana śokasthāne pare prāpte haiḍimbasya vadhena vai

“This exceeding joy of thine, O Madhusudana, is out of place today, when rather a great occasion for grief has come — in the slaying of the son of Hidimba.

हे मधुसूदन! हिडिम्बापुत्र के वध से जब शोक का महान अवसर आ पड़ा है, तब आज आपका यह अत्यधिक हर्ष अस्थान में है।

Verse 7

विमुखानि च सैन्यानि हतं दृष्ट्वा घटोत्कचम् वयं च भृशम् आविग्ना हैडिम्बस्य निपातनात्

vimukhāni ca sainyāni hataṃ dṛṣṭvā ghaṭotkacam vayaṃ ca bhṛśam āvignā haiḍimbasya nipātanāt

Our troops are turned back, seeing Ghatotkacha slain, and we too are sorely distressed at the fall of the son of Hidimba.

घटोत्कच को मारा गया देखकर हमारी सेनाएँ विमुख हो गई हैं, और हम भी हिडिम्बापुत्र के गिरने से अत्यन्त व्याकुल हैं।

Verse 8

नैतत् कारणम् अल्पं हि भविष्यति जनार्दन तद् अद्य शंस मे पृष्टः सत्यं सत्यवतां वर

naitat kāraṇam alpaṃ hi bhaviṣyati janārdana tad adya śaṃsa me pṛṣṭaḥ satyaṃ satyavatāṃ vara

This cause [of thy joy] surely will be no small one, O Janardana. Being asked, tell me the truth today, O best of the truthful.

हे जनार्दन! इसका कारण निश्चय ही अल्प न होगा; हे सत्यवादियों में श्रेष्ठ! पूछे जाने पर आज मुझे वह सत्य बताइए।

Verse 9

यद्य् एतन् न रहस्यं ते वक्तुम् अर्हस्य् अरिंदम धैर्यस्य वैकृतं ब्रूहि त्वम् अद्य मधुसूदन

yady etan na rahasyaṃ te vaktum arhasy ariṃdama dhairyasya vaikṛtaṃ brūhi tvam adya madhusūdana

If this be no secret of thine, thou shouldst tell it, O tamer of foes; declare to me today what disturbance of thy composure this is, O Madhusudana.

हे अरिंदम! हे मधुसूदन! यदि यह आपका कोई रहस्य नहीं है तो बताने योग्य है; आज आप मुझे अपने धैर्य के इस विकार को बताइए।

Verse 10

समुद्रस्येव संक्षोभो मेरोर् इव विसर्पणम् तथैतल् लाघवं मन्ये तव कर्म जनार्दन

samudrasyeva saṃkṣobho meror iva visarpaṇam tathaital lāghavaṃ manye tava karma janārdana

Like the churning of the ocean, like the shifting of Meru — such do I deem this light [dancing] deed of thine, O Janardana.”

हे जनार्दन! समुद्र के क्षोभ के समान, मेरु के खिसकने के समान आपके इस लाघव (नृत्य) रूप कर्म को मैं मानता हूँ।

Verse 11

वासुदेव उवाच अतिहर्षम् इमं प्राप्तं शृणु मे त्वं धनंजय अतीव मनसः सद्यः प्रसादकरम् उत्तमम्

vāsudeva uvāca atiharṣam imaṃ prāptaṃ śṛṇu me tvaṃ dhanaṃjaya atīva manasaḥ sadyaḥ prasādakaram uttamam

Vasudeva said: Hear from me, O Dhananjaya, [the cause of] this exceeding joy that has come upon me — supremely and instantly gladdening to the mind.

वासुदेव बोले — हे धनंजय! मुझे प्राप्त हुए इस अत्यधिक हर्ष का (कारण) तुम मुझसे सुनो, जो मन को तुरन्त अत्यन्त प्रसन्न करनेवाला और उत्तम है।

Verse 12

शक्तिं घटोत्कचेनेमां व्यंसयित्वा महाद्युते कर्णं निहतम् एवाजौ विद्धि सद्यो धनंजय

śaktiṃ ghaṭotkacenemāṃ vyaṃsayitvā mahādyute karṇaṃ nihatam evājau viddhi sadyo dhanaṃjaya

This spear having been made vain upon Ghatotkacha, O greatly effulgent one, know Karna to be as good as slain in battle now, O Dhananjaya.

हे महाद्युते! हे धनंजय! इस शक्ति को घटोत्कच पर व्यर्थ कर दिए जाने से, कर्ण को अब युद्ध में मारा गया ही समझो।

Verse 13

शक्तिहस्तं पुनः कर्णं को लोके ऽस्ति पुमान् इह य एनम् अभितस् तिष्ठेत् कार्त्तिकेयम् इवाहवे

śaktihastaṃ punaḥ karṇaṃ ko loke 'sti pumān iha ya enam abhitas tiṣṭhet kārttikeyam ivāhave

For who is there in the world, what man, that could stand facing Karna spear in hand, as against Kartikeya in battle?

फिर शक्ति हाथ में लिए कर्ण के सामने लोक में ऐसा कौन पुरुष है जो उसके सम्मुख युद्ध में उसी प्रकार खड़ा हो सके, जैसे कार्तिकेय के सम्मुख?

Verse 14

दिष्ट्यापनीतकवचो दिष्ट्यापहृतकुण्डलः दिष्ट्या च व्यंसिता शक्तिर् अमोघास्य घटोत्कचे

diṣṭyāpanītakavaco diṣṭyāpahṛtakuṇḍalaḥ diṣṭyā ca vyaṃsitā śaktir amoghāsya ghaṭotkace

By good fortune his armor was taken away; by good fortune his earrings were removed; by good fortune his unfailing spear has been spent upon Ghatotkacha.

सौभाग्य से उसका कवच हर लिया गया, सौभाग्य से उसके कुण्डल ले लिए गए, और सौभाग्य से उसकी अमोघ शक्ति घटोत्कच पर व्यर्थ हो गई।

Verse 15

यदि हि स्यात् सकवचस् तथैव च सकुण्डलः सामरान् अपि लोकांस् त्रीन् एकः कर्णो जयेद् बली

yadi hi syāt sakavacas tathaiva ca sakuṇḍalaḥ sāmarān api lokāṃs trīn ekaḥ karṇo jayed balī

For if he were still armored and likewise earringed, the mighty Karna would alone conquer the three worlds together with the immortals.

क्योंकि यदि वह अब भी कवचवाला और वैसे ही कुण्डलोंवाला होता, तो बलवान कर्ण अकेला ही देवताओं सहित तीनों लोकों को जीत लेता।

Verse 16

वासवो वा कुबेरो वा वरुणो वा जलेश्वरः यमो वा नोत्सहेत् कर्णं रणे प्रतिसमासितुम्

vāsavo vā kubero vā varuṇo vā jaleśvaraḥ yamo vā notsahet karṇaṃ raṇe pratisamāsitum

Neither Vasava, nor Kubera, nor Varuna the lord of waters, nor Yama would dare to face Karna in battle.

न वासव, न कुबेर, न जलेश्वर वरुण, न यम ही रण में कर्ण का सामना करने का साहस करते।

Verse 17

गाण्डीवम् आयम्य भवांश् चक्रं वाहं सुदर्शनम् न शक्तौ स्वो रणे जेतुं तथायुक्तं नरर्षभम्

gāṇḍīvam āyamya bhavāṃś cakraṃ vāhaṃ sudarśanam na śaktau svo raṇe jetuṃ tathāyuktaṃ nararṣabham

Even thou, drawing the Gandiva, and I, [wielding] the discus Sudarshana for my weapon, would not be able in battle to conquer that bull among men so equipped.

तुम गाण्डीव खींचकर और मैं सुदर्शन चक्र को अपना अस्त्र बनाकर भी — हम दोनों रण में उस प्रकार सज्जित नरश्रेष्ठ को जीतने में समर्थ न होते।

Verse 18

त्वद्धितार्थं तु शक्रेण मायया हृतकुण्डलः विहीनकवचश् चायं कृतः परपुरंजयः

tvaddhitārthaṃ tu śakreṇa māyayā hṛtakuṇḍalaḥ vihīnakavacaś cāyaṃ kṛtaḥ parapuraṃjayaḥ

But for thy welfare, by Shakra, through stratagem, his earrings were taken and his armor removed — from him, that conqueror of hostile cities.

किन्तु तुम्हारे हित के लिए शक्र (इन्द्र) ने माया से उस परपुरंजय के कुण्डल हर लिए और कवच भी उतरवा दिया।

Verse 19

उत्कृत्य कवचं यस्मात् कुण्डले विमले च ते प्रादाच् छक्राय कर्णो वै तेन वैकर्तनः स्मृतः

utkṛtya kavacaṃ yasmāt kuṇḍale vimale ca te prādāc chakrāya karṇo vai tena vaikartanaḥ smṛtaḥ

Because Karna cut off his armor and gave it, with thy two spotless earrings, to Shakra, therefore is he remembered as Vaikartana (the cutter).

क्योंकि कर्ण ने अपना कवच काटकर और तुम्हारे दोनों निर्मल कुण्डल शक्र को दे दिए, इसीलिए वह वैकर्तन (काटनेवाला) कहा जाता है।

Verse 20

आशीविष इव क्रुद्धः स्तम्भितो मन्त्रतेजसा तथाद्य भाति कर्णो मे शान्तज्वाल इवानलः

āśīviṣa iva kruddhaḥ stambhito mantratejasā tathādya bhāti karṇo me śāntajvāla ivānalaḥ

As a venomous serpent, wrathful, is stunned by the power of a mantra, so Karna today appears to me like a fire whose flame is quenched.

जैसे क्रुद्ध विषधर सर्प मन्त्र के तेज से स्तम्भित हो जाता है, वैसे ही कर्ण आज मुझे बुझी ज्वालावाली अग्नि के समान प्रतीत हो रहा है।

Verse 21

यदा प्रभृति कर्णाय शक्तिर् दत्ता महात्मना वासवेन महाबाहो प्राप्ता यासौ घटोत्कचे

yadā prabhṛti karṇāya śaktir dattā mahātmanā vāsavena mahābāho prāptā yāsau ghaṭotkace

From the time when that spear was given to Karna by the high-souled Vasava, O mighty-armed one — the spear which has [now] fallen upon Ghatotkacha —

हे महाबाहो! जब से महात्मा वासव (इन्द्र) ने कर्ण को वह शक्ति दी थी — वह शक्ति जो (अब) घटोत्कच पर जा पड़ी —

Verse 22

कुण्डलाभ्यां निमायाथ दिव्येन कवचेन च तां प्राप्यामन्यत वृषा सततं त्वां हतं रणे

kuṇḍalābhyāṃ nimāyātha divyena kavacena ca tāṃ prāpyāmanyata vṛṣā satataṃ tvāṃ hataṃ raṇe

having bartered his earrings and divine armor [for it], the Bull (Karna), having obtained that spear, ever thought thee slain in battle.

कुण्डलों और दिव्य कवच के बदले में (उसे प्राप्त करके), उस शक्ति को पाकर वह वृषभ (कर्ण) सदा तुम्हें रण में मारा गया ही मानता था।

Verse 23

एवं गते ऽपि शक्यो ऽयं हन्तुं नान्येन केन चित् ऋते त्वा पुरुषव्याघ्र शपे सत्येन चानघ

evaṃ gate 'pi śakyo 'yaṃ hantuṃ nānyena kena cit ṛte tvā puruṣavyāghra śape satyena cānagha

Yet even so, this [Karna] could not be slain by any other than thee, O tiger among men; I swear it by truth, O sinless one.

हे पुरुषव्याघ्र! हे अनघ! ऐसी स्थिति होने पर भी यह (कर्ण) तुम्हें छोड़कर किसी अन्य से नहीं मारा जा सकता था — यह मैं सत्य की शपथ लेकर कहता हूँ।

Verse 24

ब्रह्मण्यः सत्यवादी च तपस्वी नियतव्रतः रिपुष्व् अपि दयावांश् च तस्मात् कर्णो वृषा स्मृतः

brahmaṇyaḥ satyavādī ca tapasvī niyatavrataḥ ripuṣv api dayāvāṃś ca tasmāt karṇo vṛṣā smṛtaḥ

Devoted to the Brahmanas, truthful, austere, of steadfast vows, and compassionate even toward foes — therefore is Karna called the Bull (Vrisha).

ब्राह्मणभक्त, सत्यवादी, तपस्वी, नियतव्रत, और शत्रुओं पर भी दयावान — इसीलिए कर्ण वृषभ (वृषा) कहा जाता है।

Verse 25

युद्धशौण्डो महाबाहुर् नित्योद्यतशरासनः केसरीव वने मर्दन् मत्तमातङ्गयूथपान् विमदान् रथशार्दूलान् कुरुते रणमूर्धनि

yuddhaśauṇḍo mahābāhur nityodyataśarāsanaḥ kesarīva vane mardan mattamātaṅgayūthapān vimadān rathaśārdūlān kurute raṇamūrdhani

Skilled in battle, mighty-armed, his bow ever uplifted, like a lion in the forest crushing herds of rutting elephants, he renders the tiger-like car-warriors bereft of pride at the head of the battle.

युद्ध में निपुण, महाबाहु, सदा धनुष उठाए रहनेवाला, वन में मतवाले हाथियों के झुंड को मसलते सिंह के समान, वह रणभूमि के अग्रभाग में व्याघ्र-तुल्य रथियों को मदरहित कर देता है।

Verse 26

मध्यंगत इवादित्यो यो न शक्यो निरीक्षितुम् त्वदीयैः पुरुषव्याघ्र योधमुख्यैर् महात्मभिः शरजालसहस्रांशुः शरदीव दिवाकरः

madhyaṃgata ivādityo yo na śakyo nirīkṣitum tvadīyaiḥ puruṣavyāghra yodhamukhyair mahātmabhiḥ śarajālasahasrāṃśuḥ śaradīva divākaraḥ

Like the sun risen to mid-heaven, who cannot be gazed upon by thy foremost warriors, those high-souled ones, O tiger among men — with his thousand rays of arrow-nets, like the sun in autumn.

हे पुरुषव्याघ्र! आकाश के मध्य में पहुँचे सूर्य के समान, जिसकी ओर तुम्हारे महात्मा प्रमुख योद्धा देख भी नहीं सकते — बाणजालों के सहस्र किरणोंवाला वह शरद्-ऋतु के सूर्य के समान है।

Verse 27

तपान्ते तोयदो यद्वच् छरधाराः क्षरत्य् असौ दिव्यास्त्रजलदः कर्णः पर्जन्य इव वृष्टिमान् सो ऽद्य मानुषतां प्राप्तो विमुक्तः शक्रदत्तया

tapānte toyado yadvac charadhārāḥ kṣaraty asau divyāstrajaladaḥ karṇaḥ parjanya iva vṛṣṭimān so 'dya mānuṣatāṃ prāpto vimuktaḥ śakradattayā

As a rain-cloud at the end of the hot season pours down water, so does he pour streams of arrows; Karna, the rain-cloud of divine weapons, is like Parjanya full of rain. He today has been reduced to [mere] human [strength], freed of the [power] given by Shakra.

जैसे ग्रीष्म के अन्त में मेघ जल बरसाता है, वैसे ही वह बाणधाराएँ बरसाता है; दिव्यास्त्रों का मेघ कर्ण वर्षा से भरे पर्जन्य के समान है। वह आज शक्र (इन्द्र) द्वारा दी गई (शक्ति) से मुक्त होकर मानवमात्र की स्थिति को प्राप्त हो गया है।

Verse 28

एको हि योगो ऽस्य भवेद् वधाय; छिद्रे ह्य् एनं स्वप्रमत्तः प्रमत्तम् कृच्छ्रप्राप्तं रथचक्रे निमग्ने; हन्याः पूर्वं त्वं तु संज्ञां विचार्य

eko hi yogo 'sya bhaved vadhāya; chidre hy enaṃ svapramattaḥ pramattam kṛcchraprāptaṃ rathacakre nimagne; hanyāḥ pūrvaṃ tvaṃ tu saṃjñāṃ vicārya

For there would be but one means of his slaying: when he is heedless and thou art heedful, when he has fallen into distress with his chariot-wheel sunk [in the earth] — then, having weighed thy purpose, thou shouldst slay him first.

क्योंकि उसके वध का एक ही उपाय हो सकता है — जब वह असावधान हो और तुम सावधान, जब वह अपने रथ का पहिया (पृथ्वी में) धँस जाने पर संकट में पड़ा हो — तब अपने अभिप्राय पर विचार करके तुम पहले ही उसे मार डालना।

Verse 29

जरासंधश् चेदिराजो महात्मा; महाबलश् चैकलव्यो निषादः एकैकशो निहताः सर्व एव; योगैस् तैस् तैस् त्वद्धितार्थं मयैव

jarāsaṃdhaś cedirājo mahātmā; mahābalaś caikalavyo niṣādaḥ ekaikaśo nihatāḥ sarva eva; yogais tais tais tvaddhitārthaṃ mayaiva

Jarasandha, the high-souled king of Chedi (Shishupala), and the mighty Ekalavya the Nishada — all these were slain one by one, by those several devices, by me alone, for thy welfare.

जरासन्ध, चेदिराज महात्मा (शिशुपाल), और महाबली निषाद एकलव्य — ये सब एक-एक करके, उन-उन उपायों से, तुम्हारे हित के लिए मैंने ही मरवाए।

Verse 30

अथापरे निहता राक्षसेन्द्रा; हिडिम्बकिर्मीरबकप्रधानाः अलायुधः परसैन्यावमर्दी; घटोत्कचश् चोग्रकर्मा तरस्वी

athāpare nihatā rākṣasendrā; hiḍimbakirmīrabakapradhānāḥ alāyudhaḥ parasainyāvamardī; ghaṭotkacaś cograkarmā tarasvī

And others too were slain, the lords of rakshasas — Hidimba, Kirmira and Baka the foremost — and Alayudha the crusher of hostile armies, and Ghatotkacha of fierce deeds and swift.

और दूसरे भी मारे गए राक्षसेन्द्र — हिडिम्ब, किर्मीर और बक प्रमुख, तथा परसेनाओं का मर्दन करनेवाला अलायुध, और उग्र कर्म करनेवाला, वेगवान घटोत्कच।