Adhyaya 13

Verse 1

संजय उवाच ततः स पाण्डवानीके जनयंस् तुमुलं महत् व्यचरत् पाण्डवान् द्रोणो दहन् कक्षम् इवानलः

saṃjaya uvāca tataḥ sa pāṇḍavānīke janayaṃs tumulaṃ mahat vyacarat pāṇḍavān droṇo dahan kakṣam ivānalaḥ

Sañjaya said: Then Droṇa, begetting a great tumult in the Pāṇḍava host, ranged among the Pāṇḍavas, burning like fire through dry grass.

संजय ने कहा — तब पाण्डव-सेना में महान् कोलाहल उत्पन्न करते हुए द्रोण सूखी घास को जलाती अग्नि के समान पाण्डवों के बीच विचरने लगे।

Verse 2

निर्दहन्तम् अनीकानि साक्षाद् अग्निम् इवोत्थितम् दृष्ट्वा रुक्मरथं युद्धे समकम्पन्त सृञ्जयाः

nirdahantam anīkāni sākṣād agnim ivotthitam dṛṣṭvā rukmarathaṃ yuddhe samakampanta sṛñjayāḥ

Beholding the golden car in battle, burning up the ranks like fire risen up in visible form, the Sṛñjayas trembled.

सेनाओं को भस्म करते, प्रत्यक्ष उठी हुई अग्नि के समान उस स्वर्णरथ वाले को युद्ध में देखकर सृंजय काँप उठे।

Verse 3

प्रततं चास्यमानस्य धनुषो ऽस्याशुकारिणः ज्याघोषः श्रूयते ऽत्यर्थं विस्फूर्जितम् इवाशनेः

pratataṃ cāsyamānasya dhanuṣo 'syāśukāriṇaḥ jyāghoṣaḥ śrūyate 'tyarthaṃ visphūrjitam ivāśaneḥ

As he ceaselessly drew his bow, the swift-acting one, the twang of his bowstring was heard exceedingly, like the crash of the thunderbolt.

उस शीघ्रकारी के निरन्तर धनुष खींचते रहने से उसकी प्रत्यञ्चा की टंकार वज्र के गर्जन के समान अत्यन्त सुनाई देती थी।

Verse 4

रथिनः सादिनश् चैव नागान् अश्वान् पदातिनः रौद्रा हस्तवता मुक्ताः प्रमथ्नन्ति स्म सायकाः

rathinaḥ sādinaś caiva nāgān aśvān padātinaḥ raudrā hastavatā muktāḥ pramathnanti sma sāyakāḥ

Dreadful arrows, loosed by that deft-handed one, crushed chariot-warriors, horsemen, elephants, horses, and foot-soldiers.

उस दक्षहस्त के द्वारा छोड़े गए रौद्र बाण रथियों, घुड़सवारों, हाथियों, घोड़ों और पैदल सैनिकों को रौंद डालते थे।

Verse 5

नानद्यमानः पर्जन्यः सानिलः शुचिसंक्षये अश्मवर्षम् इवावर्षत् परेषाम् आवहद् भयम्

nānadyamānaḥ parjanyaḥ sānilaḥ śucisaṃkṣaye aśmavarṣam ivāvarṣat pareṣām āvahad bhayam

Roaring like a thundercloud with wind at the close of the hot season, he rained down as it were a shower of stones, bearing terror to the foe.

ग्रीष्म के अन्त में वायु सहित गर्जते मेघ के समान वह मानो पत्थरों की वर्षा कर रहा था, शत्रुओं में भय उत्पन्न करता हुआ।

Verse 6

व्यचरत् स तदा राजन् सेनां विक्षोभयन् प्रभुः वर्धयाम् आस संत्रासं शात्रवाणाम् अमानुषम्

vyacarat sa tadā rājan senāṃ vikṣobhayan prabhuḥ vardhayām āsa saṃtrāsaṃ śātravāṇām amānuṣam

The lord ranged then, O king, shaking the army, and increased the superhuman terror of the enemy.

हे राजन्! वह प्रभु तब सेना को क्षुब्ध करता हुआ विचरने लगा, और शत्रुओं में अमानुषी त्रास बढ़ा दिया।

Verse 7

तस्य विद्युद् इवाभ्रेषु चापं हेमपरिष्कृतम् भ्रमद् रथाम्बुदे तस्मिन् दृश्यते स्म पुनः पुनः

tasya vidyud ivābhreṣu cāpaṃ hemapariṣkṛtam bhramad rathāmbude tasmin dṛśyate sma punaḥ punaḥ

His bow, adorned with gold, whirling in that chariot-cloud, was seen again and again, like lightning amid the clouds.

उस रथ-रूपी मेघ में घूमता हुआ उसका सुवर्ण से सजा धनुष बादलों में बिजली के समान बार-बार दिखाई देता था।

Verse 8

स वीरः सत्यवान् प्राज्ञो धर्मनित्यः सुदारुणः युगान्तकाले यन्तेव रौद्रां प्रास्कन्दयन् नदीम्

sa vīraḥ satyavān prājño dharmanityaḥ sudāruṇaḥ yugāntakāle yanteva raudrāṃ prāskandayan nadīm

That hero — truthful, wise, ever devoted to dharma, most dread, like Time-the-ender at the close of an age — set flowing a dreadful river:

वह वीर — सत्यवान्, प्राज्ञ, नित्य धर्मपरायण, अत्यन्त दारुण — युगान्त के समय के यमराज के समान एक रौद्र नदी बहा चला:

Verse 9

अमर्षवेगप्रभवां क्रव्यादगणसंकुलाम् बलौघैः सर्वतः पूर्णां वीरवृक्षापहारिणीम्

amarṣavegaprabhavāṃ kravyādagaṇasaṃkulām balaughaiḥ sarvataḥ pūrṇāṃ vīravṛkṣāpahāriṇīm

arising from the surge of his wrath, thronged with troops of flesh-eaters, filled on every side with floods of forces, carrying away the trees that were the heroes;

जो अमर्ष (क्रोध) के वेग से उत्पन्न, मांसभक्षी प्राणियों के समूहों से भरी, चारों ओर से सेना-प्रवाहों से पूर्ण, वीर-रूपी वृक्षों को बहा ले जाने वाली थी;

Verse 10

शोणितोदां रथावर्तां हस्त्यश्वकृतरोधसम् कवचोडुपसंयुक्तां मांसपङ्कसमाकुलाम्

śoṇitodāṃ rathāvartāṃ hastyaśvakṛtarodhasam kavacoḍupasaṃyuktāṃ māṃsapaṅkasamākulām

with blood for its water, chariots for its whirlpools, elephants and horses for its banks, joined with armour for its rafts, thick with mire of flesh;

जिसका जल रक्त, भँवरें रथ, और तट हाथी-घोड़े थे, जो कवचों रूपी बेड़ों से युक्त, मांस के कीचड़ से भरी थी;

Verse 11

मेदोमज्जास्थिसिकताम् उष्णीषवरफेनिलाम् संग्रामजलदापूर्णां प्रासमत्स्यसमाकुलाम्

medomajjāsthisikatām uṣṇīṣavaraphenilām saṃgrāmajaladāpūrṇāṃ prāsamatsyasamākulām

with fat, marrow, and bone for its sands, foaming with the choicest turbans, filled with the water of battle, crowded with lances for its fishes;

जिसकी बालू मेद, मज्जा और अस्थियाँ थीं, जो श्रेष्ठ पगड़ियों के फेन वाली, संग्राम-रूपी जल से भरी, प्रासों रूपी मछलियों से भरी थी;

Verse 12

नरनागाश्वसंभूतां शरवेगौघवाहिनीम् शरीरदारुशृङ्गाटां भुजनागसमाकुलाम्

naranāgāśvasaṃbhūtāṃ śaravegaughavāhinīm śarīradāruśṛṅgāṭāṃ bhujanāgasamākulām

arising from men, elephants, and horses, bearing the flood-current of arrow-speed, with bodies for its logs and water-chestnuts, crowded with arms for its serpents;

जो मनुष्यों, हाथियों और घोड़ों से उत्पन्न, बाण-वेग का प्रवाह लिए बहती, शरीरों रूपी लकड़ियों और सिंघाड़ों वाली, भुजाओं रूपी सर्पों से भरी थी;

Verse 13

उत्तमाङ्गोपलतलां निस्त्रिंशझषसेविताम् रथनागह्रदोपेतां नानाभरणनीरजाम्

uttamāṅgopalatalāṃ nistriṃśajhaṣasevitām rathanāgahradopetāṃ nānābharaṇanīrajām

with heads for its stones and surface, frequented by swords for its sea-monsters, furnished with pools of chariots and elephants, with sundry ornaments for its lotuses;

जिसकी शिलाएँ और तलभाग सिर थे, जिसमें तलवारें रूपी मगरमच्छ विचरते थे, जो रथों और हाथियों के कुण्डों से युक्त, नाना आभूषणों रूपी कमलों वाली थी;

Verse 14

महारथशतावर्तां भूमिरेणूर्मिमालिनीम् महावीर्यवतां संख्ये सुतरां भीरुदुस्तराम्

mahārathaśatāvartāṃ bhūmireṇūrmimālinīm mahāvīryavatāṃ saṃkhye sutarāṃ bhīrudustarām

with hundreds of great car-warriors for its eddies, garlanded with waves of the earth's dust, very hard for the mighty to cross in battle, and hard for the timid to pass;

जिसकी भँवरें सैकड़ों महारथी थे, जो भूमि की धूल रूपी तरंगों से मण्डित, संग्राम में महावीरों के लिए भी अत्यन्त दुस्तर और भीरुओं के लिए दुर्लंघ्य थी;

Verse 15

शूरव्यालसमाकीर्णां प्राणिवाणिजसेविताम् छिन्नच्छत्रमहाहंसां मुकुटाण्डजसंकुलाम्

śūravyālasamākīrṇāṃ prāṇivāṇijasevitām chinnacchatramahāhaṃsāṃ mukuṭāṇḍajasaṃkulām

strewn with heroes for its serpents, frequented by living beings as its traders, with severed parasols for its great swans, crowded with diadems for its water-birds;

जो शूरों रूपी सर्पों से व्याप्त, प्राणियों रूपी व्यापारियों से सेवित, कटे छत्रों रूपी महाहंसों वाली, मुकुटों रूपी जलपक्षियों से भरी थी;

Verse 16

चक्रकूर्मां गदानक्रां शरक्षुद्रझषाकुलाम् बडगृध्रसृगालानां घोरसंघैर् निषेविताम्

cakrakūrmāṃ gadānakrāṃ śarakṣudrajhaṣākulām baḍagṛdhrasṛgālānāṃ ghorasaṃghair niṣevitām

with wheels for its tortoises, maces for its crocodiles, thronged with arrows for its small fishes, frequented by dreadful throngs of herons, vultures, and jackals—

जिसके कछुए चक्र, मगर गदाएँ, और छोटी मछलियाँ बाण थे, जो बक, गीध और सियारों के घोर समूहों से सेवित थी—

Verse 17

निहतान् प्राणिनः संख्ये द्रोणेन बलिना शरैः वहन्तीं पितृलोकाय शतशो राजसत्तम

nihatān prāṇinaḥ saṃkhye droṇena balinā śaraiḥ vahantīṃ pitṛlokāya śataśo rājasattama

bearing to the world of the fathers, by the hundred, O best of kings, the living beings slain in battle by mighty Droṇa with his shafts;

हे राजश्रेष्ठ! जो बलवान् द्रोण के द्वारा बाणों से युद्ध में मारे गए प्राणियों को सैकड़ों की संख्या में पितृलोक को ले जा रही थी;

Verse 18

शरीरशतसंबाधां केशशैवलशाद्वलाम् नदीं प्रावर्तयद् राजन् भीरूणां भयवर्धिनीम्

śarīraśatasaṃbādhāṃ keśaśaivalaśādvalām nadīṃ prāvartayad rājan bhīrūṇāṃ bhayavardhinīm

crowded with hundreds of bodies, with hair for its moss and grass — such a river did Droṇa set flowing, O king, increasing the fear of the timid.

हे राजन्! सैकड़ों शरीरों से भरी, केश रूपी शैवाल और घास वाली — ऐसी नदी द्रोण ने बहा दी, जो भीरुओं के भय को बढ़ाने वाली थी।

Verse 19

तं जयन्तम् अनीकानि तानि तान्य् एव भारत सर्वतो ऽभ्यद्रवन् द्रोणं युधिष्ठिरपुरोगमाः

taṃ jayantam anīkāni tāni tāny eva bhārata sarvato 'bhyadravan droṇaṃ yudhiṣṭhirapurogamāḥ

Him, as he conquered those ranks one after another, O Bhārata, the Pāṇḍavas, led by Yudhiṣṭhira, rushed upon from every side.

हे भारत! उन-उन सेनाओं को जीतते उस द्रोण पर युधिष्ठिर के नेतृत्व में पाण्डव चारों ओर से टूट पड़े।

Verse 20

तान् अभिद्रवतः शूरांस् तावका दृढकार्मुकाः सर्वतः प्रत्यगृह्णन्त तद् अभूल् लोमहर्षणम्

tān abhidravataḥ śūrāṃs tāvakā dṛḍhakārmukāḥ sarvataḥ pratyagṛhṇanta tad abhūl lomaharṣaṇam

Those heroes, as they charged, your men of firm bows received on every side; and that was hair-raising.

आक्रमण करते उन शूरों का दृढ़ धनुष वाले आपके योद्धाओं ने चारों ओर से सामना किया; वह दृश्य रोमांचकारी हुआ।

Verse 21

शतमायस् तु शकुनिः सहदेवं समाद्रवत् सनियन्तृध्वजरथं विव्याध निशितैः शरैः

śatamāyas tu śakuniḥ sahadevaṃ samādravat saniyantṛdhvajarathaṃ vivyādha niśitaiḥ śaraiḥ

Śakuni of a hundred wiles rushed upon Sahadeva, and pierced his chariot, with driver, banner, and team, with sharp shafts.

सौ माया रचने वाले शकुनि ने सहदेव पर आक्रमण किया, और सारथि, ध्वजा और रथ सहित उसे तीखे बाणों से बींध डाला।

Verse 22

तस्य माद्रीसुतः केतुं धनुः सूतं हयान् अपि नातिक्रुद्धः शरैश् छित्त्वा षष्ट्या विव्याध मातुलम्

tasya mādrīsutaḥ ketuṃ dhanuḥ sūtaṃ hayān api nātikruddhaḥ śaraiś chittvā ṣaṣṭyā vivyādha mātulam

But the son of Mādrī, not too enraged, cutting with arrows his banner, bow, driver, and horses, pierced his maternal uncle with sixty shafts.

किन्तु अधिक क्रुद्ध न होते हुए माद्रीपुत्र (सहदेव) ने उसकी ध्वजा, धनुष, सारथि और घोड़ों को भी बाणों से काटकर अपने मामा को साठ बाणों से बींधा।

Verse 23

सौबलस् तु गदां गृह्य प्रचस्कन्द रथोत्तमात् स तस्य गदया राजन् रथात् सूतम् अपातयत्

saubalas tu gadāṃ gṛhya pracaskanda rathottamāt sa tasya gadayā rājan rathāt sūtam apātayat

But the son of Subala, taking up a mace, leapt down from his excellent chariot, and with the mace, O king, felled Sahadeva's driver from the car.

किन्तु सुबलपुत्र (शकुनि) गदा लेकर अपने श्रेष्ठ रथ से कूद पड़ा; हे राजन्! उसने गदा से सहदेव के सारथि को रथ से गिरा दिया।

Verse 24

ततस् तौ विरथौ राजन् गदाहस्तौ महाबलौ चिक्रीडतू रणे शूरौ सशृङ्गाव् इव पर्वतौ

tatas tau virathau rājan gadāhastau mahābalau cikrīḍatū raṇe śūrau saśṛṅgāv iva parvatau

Then those two, deprived of their chariots, O king, the two mighty heroes, mace in hand, sported in battle like two mountains with peaks.

तब हे राजन्! रथहीन हुए वे दोनों महाबली शूर गदा हाथ में लिए रण में वैसे ही क्रीड़ा करने लगे, जैसे शिखरों वाले दो पर्वत।

Verse 25

द्रोणः पाञ्चालराजानं विद्ध्वा दशभिर् आशुगैः बहुभिस् तेन चाभ्यस्तस् तं विव्याध शताधिकैः

droṇaḥ pāñcālarājānaṃ viddhvā daśabhir āśugaiḥ bahubhis tena cābhyastas taṃ vivyādha śatādhikaiḥ

Droṇa, having pierced the king of the Pāñcālas with ten swift shafts, and much shot at by him, pierced him in return with more than a hundred.

द्रोण ने पाञ्चालराज (द्रुपद) को दस शीघ्रगामी बाणों से बींधा, और उसके द्वारा बहुत बाणों से बींधे जाने पर उसे सौ से अधिक बाणों से बींध दिया।

Verse 26

विविंशतिं भीमसेनो विंशत्या निशितैः शरैः विद्ध्वा नाकम्पयद् वीरस् तद् अद्भुतम् इवाभवत्

viviṃśatiṃ bhīmaseno viṃśatyā niśitaiḥ śaraiḥ viddhvā nākampayad vīras tad adbhutam ivābhavat

Bhīmasena, having pierced Viviṃśati with twenty sharp shafts, the hero shook him not; and that was as if a marvel.

भीमसेन ने विविंशति को बीस तीखे बाणों से बींधकर भी विचलित न किया — वह मानो अद्भुत-सा हो गया।

Verse 27

विविंशतिस् तु सहसा व्यश्वकेतुशरासनम् भीमं चक्रे महाराज ततः सैन्यान्य् अपूजयन्

viviṃśatis tu sahasā vyaśvaketuśarāsanam bhīmaṃ cakre mahārāja tataḥ sainyāny apūjayan

But Viviṃśati suddenly made Bhīma horseless, bannerless, and bowless, O great king; then the armies applauded him.

हे महाराज! किन्तु विविंशति ने सहसा भीम को अश्वहीन, ध्वजाहीन और धनुषहीन कर दिया; तब सेनाओं ने उसकी प्रशंसा की।

Verse 28

स तन् न ममृषे वीरः शत्रोर् विजयम् आहवे ततो ऽस्य गदया दान्तान् हयान् सर्वान् अपातयत्

sa tan na mamṛṣe vīraḥ śatror vijayam āhave tato 'sya gadayā dāntān hayān sarvān apātayat

That hero did not brook the foe's victory in battle; then with his mace he felled all his tamed horses.

उस वीर ने युद्ध में शत्रु की विजय को सहन न किया; तब उसने गदा से उसके सारे सधे हुए घोड़ों को गिरा दिया।

Verse 29

शल्यस् तु नकुलं वीरः स्वस्रीयं प्रियम् आत्मनः विव्याध प्रहसन् बाणैर् लाडयन् कोपयन्न् इव

śalyas tu nakulaṃ vīraḥ svasrīyaṃ priyam ātmanaḥ vivyādha prahasan bāṇair lāḍayan kopayann iva

But the hero Śalya pierced Nakula, his own dear sister's son, with arrows, laughing, as if fondling and yet provoking him.

किन्तु वीर शल्य ने अपने प्रिय भानजे नकुल को हँसते हुए बाणों से बींधा — मानो दुलार करते और साथ ही कुपित करते हुए।

Verse 30

तस्याश्वान् आतपत्रं च ध्वजं सूतम् अथो धनुः निपात्य नकुलः संख्ये शङ्खं दध्मौ प्रतापवान्

tasyāśvān ātapatraṃ ca dhvajaṃ sūtam atho dhanuḥ nipātya nakulaḥ saṃkhye śaṅkhaṃ dadhmau pratāpavān

Striking down his horses, his parasol, banner, driver, and bow in battle, the valiant Nakula blew his conch.

प्रतापी नकुल ने युद्ध में उसके घोड़ों, छत्र, ध्वजा, सारथि और धनुष को गिराकर शंख बजाया।

Verse 31

धृष्टकेतुः कृपेनास्ताञ् छित्त्वा बहुविधाञ् शरान् कृपं विव्याध सप्तत्या लक्ष्म चास्याहरत् त्रिभिः

dhṛṣṭaketuḥ kṛpenāstāñ chittvā bahuvidhāñ śarān kṛpaṃ vivyādha saptatyā lakṣma cāsyāharat tribhiḥ

Dhṛṣṭaketu, cutting the arrows of many kinds shot by Kṛpa, pierced Kṛpa with seventy, and took off his emblem with three.

धृष्टकेतु ने कृप के द्वारा छोड़े नाना प्रकार के बाणों को काटकर कृप को सत्तर बाणों से बींधा, और तीन बाणों से उसका चिह्न (ध्वज-लक्षण) हर लिया।

Verse 32

तं कृपः शरवर्षेण महता समवाकिरत् निवार्य च रणे विप्रो धृष्टकेतुम् अयोधयत्

taṃ kṛpaḥ śaravarṣeṇa mahatā samavākirat nivārya ca raṇe vipro dhṛṣṭaketum ayodhayat

Him Kṛpa covered with a great shower of arrows, and the brahmin, having checked him in battle, fought on with Dhṛṣṭaketu.

उस पर कृप ने महान् बाण-वर्षा की, और रण में उसे रोककर उस विप्र ने धृष्टकेतु से युद्ध किया।

Verse 33

सात्यकिः कृतवर्माणं नाराचेन स्तनान्तरे विद्ध्वा विव्याध सप्तत्या पुनर् अन्यैः स्मयन्न् इव

sātyakiḥ kṛtavarmāṇaṃ nārācena stanāntare viddhvā vivyādha saptatyā punar anyaiḥ smayann iva

Sātyaki, having pierced Kṛtavarman with an iron shaft between the breasts, pierced him again with seventy others, as if smiling.

सात्यकि ने कृतवर्मा को एक नाराच से वक्षःस्थल के बीच बींधकर, मानो मुस्कराते हुए, फिर सत्तर अन्य बाणों से बींधा।

Verse 34

सप्तसप्ततिभिर् भोजस् तं विद्ध्वा निशितैः शरैः नाकम्पयत शैनेयं शीघ्रो वायुर् इवाचलम्

saptasaptatibhir bhojas taṃ viddhvā niśitaiḥ śaraiḥ nākampayata śaineyaṃ śīghro vāyur ivācalam

The Bhoja, having pierced him with seventy-seven sharp shafts, shook not the grandson of Śini, as the swift wind shakes not a mountain.

उस भोज (कृतवर्मा) ने उसे सतहत्तर तीखे बाणों से बींधकर भी शिनि के पौत्र (सात्यकि) को वैसे ही विचलित न किया, जैसे तीव्र वायु पर्वत को।

Verse 35

सेनापतिः सुशर्माणं शीघ्रं मर्मस्व् अताडयत् स चापि तं तोमरेण जत्रुदेशे अताडयत्

senāpatiḥ suśarmāṇaṃ śīghraṃ marmasv atāḍayat sa cāpi taṃ tomareṇa jatrudeśe atāḍayat

The commander swiftly struck Suśarman in the vitals, and he in turn struck him with a lance at the base of the neck.

सेनापति (सुशर्मा... वस्तुतः यहाँ त्रिगर्तराज सुशर्मा) ने सुशर्मा के मर्मस्थलों पर शीघ्र प्रहार किया, और उसने भी तोमर से उसके कण्ठमूल (गले के नीचे) पर प्रहार किया।

Verse 36

वैकर्तनं तु समरे विराटः प्रत्यवारयत् सह मत्स्यैर् महावीर्यैस् तद् अद्भुतम् इवाभवत्

vaikartanaṃ tu samare virāṭaḥ pratyavārayat saha matsyair mahāvīryais tad adbhutam ivābhavat

But Virāṭa, together with the mighty Matsyas, held back Vaikartana in battle; and that was as if a marvel.

किन्तु महावीर्यवान् मत्स्यों सहित विराट ने समर में वैकर्तन (कर्ण) को रोक लिया; वह मानो अद्भुत-सा हो गया।

Verse 37

तत् पौरुषम् अभूत् तत्र सूतपुत्रस्य दारुणम् यत् सैन्यं वारयाम् आस शरैः संनतपर्वभिः

tat pauruṣam abhūt tatra sūtaputrasya dāruṇam yat sainyaṃ vārayām āsa śaraiḥ saṃnataparvabhiḥ

There the manhood of the sūta's son was dreadful, in that he warded off the host with straight-jointed shafts.

वहाँ सूतपुत्र (कर्ण) का वह पौरुष दारुण था, जिसमें उसने सीधे पर्व वाले बाणों से (विराट की) सेना को रोक दिया।

Verse 38

द्रुपदस् तु स्वयं राजा भगदत्तेन संगतः तयोर् युद्धं महाराज चित्ररूपम् इवाभवत् भूतानां त्रासजननं चक्राते ऽस्त्रविशारदौ

drupadas tu svayaṃ rājā bhagadattena saṃgataḥ tayor yuddhaṃ mahārāja citrarūpam ivābhavat bhūtānāṃ trāsajananaṃ cakrāte 'straviśāradau

But King Drupada himself, joined with Bhagadatta — their battle, O great king, became as it were of wondrous form; the two, skilled in weapons, wrought terror among beings.

किन्तु स्वयं राजा द्रुपद भगदत्त से भिड़ गया; हे महाराज! उन दोनों का युद्ध मानो विचित्र रूप वाला हो गया; अस्त्रविशारद उन दोनों ने प्राणियों में त्रास उत्पन्न कर दिया।

Verse 39

भूरिश्रवा रणे राजन् याज्ञसेनिं महारथम् महता सायकौघेन छादयाम् आस वीर्यवान्

bhūriśravā raṇe rājan yājñaseniṃ mahāratham mahatā sāyakaughena chādayām āsa vīryavān

Bhūriśravas in battle, O king, the valiant one, covered the son of Yajñasena, the great car-warrior, with a great flood of shafts.

हे राजन्! रण में वीर्यवान् भूरिश्रवा ने महारथी याज्ञसेनि (धृष्टद्युम्न) को बाणों के महान् समूह से आच्छादित कर दिया।

Verse 40

शिखण्डी तु ततः क्रुद्धः सौमदत्तिं विशां पते नवत्या सायकानां तु कम्पयाम् आस भारत

śikhaṇḍī tu tataḥ kruddhaḥ saumadattiṃ viśāṃ pate navatyā sāyakānāṃ tu kampayām āsa bhārata

But Śikhaṇḍin then, enraged, O lord of the people, made the son of Somadatta tremble with ninety shafts, O Bhārata.

हे प्रजापते! हे भारत! किन्तु तब क्रुद्ध शिखण्डी ने सोमदत्तपुत्र (भूरिश्रवा) को नब्बे बाणों से कँपा दिया।

Verse 41

राक्षसौ भीमकर्माणौ हैडिम्बालम्बुसाव् उभौ चक्राते ऽत्यद्भुतं युद्धं परस्परवधैषिणौ

rākṣasau bhīmakarmāṇau haiḍimbālambusāv ubhau cakrāte 'tyadbhutaṃ yuddhaṃ parasparavadhaiṣiṇau

The two Rākṣasas of terrible deeds, both Haiḍimba and Alambusa, wrought an exceedingly wondrous battle, each seeking the other's death.

भयंकर कर्म वाले दो राक्षस — हैडिम्ब (घटोत्कच) और अलम्बुस — दोनों परस्पर एक-दूसरे का वध चाहते हुए अत्यन्त अद्भुत युद्ध करने लगे।

Verse 42

मायाशतसृजौ दृप्तौ मायाभिर् इतरेतरम् अन्तर्हितौ चेरतुस् तौ भृशं विस्मयकारिणौ

māyāśatasṛjau dṛptau māyābhir itaretaram antarhitau ceratus tau bhṛśaṃ vismayakāriṇau

The two proud ones, creators of a hundred illusions, [baffling] each other with illusions, ranged unseen, greatly causing amazement.

सैकड़ों मायाएँ रचने वाले वे दोनों घमण्डी, मायाओं से एक-दूसरे को (भ्रमित करते हुए), अदृश्य होकर विचरने लगे, और अत्यन्त विस्मय उत्पन्न कर रहे थे।

Verse 43

चेकितानो ऽनुविन्देन युयुधे त्व् अतिभैरवम् यथा देवासुरे युद्धे बलशक्रौ महाबलौ

cekitāno 'nuvindena yuyudhe tv atibhairavam yathā devāsure yuddhe balaśakrau mahābalau

Cekitāna fought most terribly with Anuvinda, as, in the war of gods and Asuras, the mighty Bala and Śakra fought.

चेकितान ने अनुविन्द से अत्यन्त भयंकर युद्ध किया, जैसे देवासुर-संग्राम में महाबली बल (वृत्रासुर) और शक्र (इन्द्र) ने (किया था)।

Verse 44

लक्ष्मणः क्षत्रदेवेन विमर्दम् अकरोद् भृशम् यथा विष्णुः पुरा राजन् हिरण्याक्षेण संयुगे

lakṣmaṇaḥ kṣatradevena vimardam akarod bhṛśam yathā viṣṇuḥ purā rājan hiraṇyākṣeṇa saṃyuge

Lakṣmaṇa made a fierce clash with Kṣatradeva, as of old, O king, Viṣṇu clashed with Hiraṇyākṣa in battle.

हे राजन्! लक्ष्मण (दुर्योधन-पुत्र) ने क्षत्रदेव से वैसा ही प्रचण्ड संघर्ष किया, जैसे प्राचीन काल में विष्णु ने युद्ध में हिरण्याक्ष से।

Verse 45

ततः प्रजविताश्वेन विधिवत् कल्पितेन च रथेनाभ्यपतद् राजन् सौभद्रं पौरवो नदन्

tataḥ prajavitāśvena vidhivat kalpitena ca rathenābhyapatad rājan saubhadraṃ pauravo nadan

Then, with swift horses and a chariot duly appointed, O king, the Paurava rushed upon the son of Subhadrā, roaring.

तब हे राजन्! वेगवान् घोड़ों वाले, विधिपूर्वक सजाए गए रथ से पौरव गर्जते हुए सुभद्रापुत्र (अभिमन्यु) पर टूट पड़ा।

Verse 46

ततो ऽभियाय त्वरितो युद्धाकाङ्क्षी महाबलः तेन चक्रे महद् युद्धम् अभिमन्युर् अरिंदमः

tato 'bhiyāya tvarito yuddhākāṅkṣī mahābalaḥ tena cakre mahad yuddham abhimanyur ariṃdamaḥ

Then the mighty one advanced hastily, desiring battle; and with him Abhimanyu, the crusher of foes, wrought a great battle.

तब वह महाबली युद्ध का इच्छुक होकर शीघ्र आगे बढ़ा; और अरिंदम अभिमन्यु ने उसके साथ महान् युद्ध किया।

Verse 47

पौरवस् त्व् अथ सौभद्रं शरव्रातैर् अवाकिरत् तस्यार्जुनिर् ध्वजं छत्रं धनुश् चोर्व्याम् अपातयत्

pauravas tv atha saubhadraṃ śaravrātair avākirat tasyārjunir dhvajaṃ chatraṃ dhanuś corvyām apātayat

The Paurava then covered the son of Subhadrā with masses of arrows; but the son of Arjuna felled to the earth his banner, parasol, and bow.

पौरव ने सुभद्रापुत्र को बाण-समूहों से ढक दिया; किन्तु अर्जुनपुत्र ने उसकी ध्वजा, छत्र और धनुष को पृथ्वी पर गिरा दिया।

Verse 48

सौभद्रः पौरवं त्व् अन्यैर् विद्ध्वा सप्तभिर् आशुगैः पञ्चभिस् तस्य विव्याध हयान् सूतं च सायकैः

saubhadraḥ pauravaṃ tv anyair viddhvā saptabhir āśugaiḥ pañcabhis tasya vivyādha hayān sūtaṃ ca sāyakaiḥ

The son of Subhadrā, having pierced the Paurava with seven other swift shafts, pierced his horses and driver with five arrows.

सुभद्रापुत्र ने पौरव को सात अन्य शीघ्रगामी बाणों से बींधकर उसके घोड़ों और सारथि को पाँच बाणों से बींध डाला।

Verse 49

ततः संहर्षयन् सेनां सिंहवद् विनदन् मुहुः समादत्तार्जुनिस् तूर्णं पौरवान्तकरं शरम्

tataḥ saṃharṣayan senāṃ siṃhavad vinadan muhuḥ samādattārjunis tūrṇaṃ pauravāntakaraṃ śaram

Then, gladdening the army, roaring again and again like a lion, the son of Arjuna quickly took up an arrow that would make an end of the Paurava.

तब सेना को हर्षित करते हुए, सिंह के समान बार-बार गरजते हुए अर्जुनपुत्र ने शीघ्र ही पौरव का अन्त करने वाला बाण उठाया।

Verse 50

द्वाभ्यां शराभ्यां हार्दिक्यश् चकर्त सशरं धनुः तद् उत्सृज्य धनुश् छिन्नं सौभद्रः परवीरहा उद्बबर्ह सितं खड्गम् आददानः शरावरम्

dvābhyāṃ śarābhyāṃ hārdikyaś cakarta saśaraṃ dhanuḥ tad utsṛjya dhanuś chinnaṃ saubhadraḥ paravīrahā udbabarha sitaṃ khaḍgam ādadānaḥ śarāvaram

With two arrows the son of Hṛdika cut his bow along with its arrow; and the son of Subhadrā, the slayer of hostile heroes, casting aside that broken bow, drew forth a bright sword, taking up an arrow-guard.

किन्तु हृदिकपुत्र (कृतवर्मा) ने दो बाणों से बाण सहित उसके धनुष को काट दिया; तब छिन्न धनुष को त्यागकर शत्रुवीरों के हन्ता सुभद्रापुत्र ने ढाल लेकर एक चमकती तलवार खींच ली।

Verse 51

स तेनानेकतारेण चर्मणा कृतहस्तवत् भ्रान्तासिर् अचरन् मार्गान् दर्शयन् वीर्यम् आत्मनः

sa tenānekatāreṇa carmaṇā kṛtahastavat bhrāntāsir acaran mārgān darśayan vīryam ātmanaḥ

With that shield of many stars, deft of hand, he ranged the sword-paths, brandishing his sword, displaying his own valour.

अनेक ताराओं वाली उस ढाल के साथ, कुशल हाथ वाले उसने तलवार घुमाते हुए (असि-कौशल के) मार्गों में विचरण करते हुए अपना पराक्रम दिखाया।

Verse 52

भ्रामितं पुनर् उद्भ्रान्तम् आधूतं पुनर् उच्छ्रितम् चर्मनिस्त्रिंशयो राजन् निर्विशेषम् अदृश्यत

bhrāmitaṃ punar udbhrāntam ādhūtaṃ punar ucchritam carmanistriṃśayo rājan nirviśeṣam adṛśyata

Whirled, whirled again, uplifted, shaken, and again raised on high — the shield and the sword, O king, appeared as one, without distinction.

हे राजन्! घुमाई हुई, फिर ऊपर उठाई हुई, झटकी हुई, फिर ऊँची उठी — वह ढाल और तलवार एक-सी, बिना भेद के दिखाई देने लगीं।

Verse 53

स पौरवरथस्येषाम् आप्लुत्य सहसा नदन् पौरवं रथम् आस्थाय केशपक्षे परामृशत्

sa pauravarathasyeṣām āplutya sahasā nadan pauravaṃ ratham āsthāya keśapakṣe parāmṛśat

Leaping suddenly upon the pole of the Paurava's chariot, roaring, and mounting the Paurava's car, he seized him by the lock of his hair.

वह गर्जते हुए सहसा पौरव के रथ की धुरी (ईषा) पर कूदकर, पौरव के रथ पर चढ़कर, उसके केशपाश को पकड़ बैठा।

Verse 54

जघानास्य पदा सूतम् असिनापातयद् ध्वजम् विक्षोभ्याम्भोनिधिं तार्क्ष्यस् तं नागम् इव चाक्षिपत्

jaghānāsya padā sūtam asināpātayad dhvajam vikṣobhyāmbhonidhiṃ tārkṣyas taṃ nāgam iva cākṣipat

He struck down his driver with his foot, and with his sword felled his banner; and, as Tārkṣya, agitating the ocean, seizes a serpent, so he flung him down.

उसने पैर से उसके सारथि को मारा और तलवार से ध्वजा गिरा दी; और जैसे तार्क्ष्य (गरुड़) समुद्र को क्षुब्ध करके नाग को उठा लेते हैं, वैसे ही उसे खींच फेंका।

Verse 55

तम् आकलितकेशान्तं ददृशुः सर्वपार्थिवाः उक्षाणम् इव सिंहेन पात्यमानम् अचेतनम्

tam ākalitakeśāntaṃ dadṛśuḥ sarvapārthivāḥ ukṣāṇam iva siṃhena pātyamānam acetanam

All the kings beheld him, his hair grasped, being felled senseless, like an ox by a lion.

समस्त राजाओं ने उस केशों से पकड़े हुए पौरव को वैसे ही अचेत होकर गिराया जाता देखा, जैसे सिंह के द्वारा बैल।

Verse 56

तम् आर्जुनिवशं प्राप्तं कृष्यमाणम् अनाथवत् पौरवं पतितं दृष्ट्वा नामृष्यत जयद्रथः

tam ārjunivaśaṃ prāptaṃ kṛṣyamāṇam anāthavat pauravaṃ patitaṃ dṛṣṭvā nāmṛṣyata jayadrathaḥ

Seeing the Paurava fallen, dragged helpless like one without a protector, come under the power of Arjuna's son, Jayadratha could not brook it.

अर्जुनपुत्र के वश में पड़े, अनाथ के समान खींचे जाते, गिरे हुए उस पौरव को देखकर जयद्रथ सह न सका।

Verse 57

स बर्हिणमहावाजं किङ्किणीशतजालवत् चर्म चादाय खड्गं च नदन् पर्यपतद् रथात्

sa barhiṇamahāvājaṃ kiṅkiṇīśatajālavat carma cādāya khaḍgaṃ ca nadan paryapatad rathāt

He, taking up a shield of great peacock-feathers, set with a network of a hundred little bells, and a sword, roaring, leapt down from his chariot.

वह मोर के बड़े पंखों वाली, सैकड़ों घुँघरुओं की जाली वाली ढाल और तलवार लेकर गर्जते हुए रथ से कूद पड़ा।

Verse 58

ततः सैन्धवम् आलोक्य कार्ष्णिर् उत्सृज्य पौरवम् उत्पपात रथात् तूर्णं श्येनवन् निपपात च

tataḥ saindhavam ālokya kārṣṇir utsṛjya pauravam utpapāta rathāt tūrṇaṃ śyenavan nipapāta ca

Then, beholding the Saindhava, the son of Kṛṣṇā, releasing the Paurava, sprang swiftly up from his chariot and swooped down like a hawk.

तब सैन्धव (जयद्रथ) को देखकर, पौरव को छोड़कर, कृष्णापुत्र (अभिमन्यु) शीघ्र रथ से उछला और श्येन (बाज) के समान झपट पड़ा।

Verse 59

प्रासपट्टिशनिस्त्रिंशाञ् शत्रुभिः संप्रवेरितान् चिच्छेदाथासिना कार्ष्णिश् चर्मणा संरुरोध च

prāsapaṭṭiśanistriṃśāñ śatrubhiḥ saṃpraveritān cicchedāthāsinā kārṣṇiś carmaṇā saṃrurodha ca

The lances, spears, and swords hurled by the foes, the son of Kṛṣṇā cut with his sword and warded off with his shield.

शत्रुओं के द्वारा फेंके गए प्रासों, पट्टिशों और तलवारों को कृष्णापुत्र ने तलवार से काट डाला और ढाल से रोक लिया।

Verse 60

स दर्शयित्वा सैन्यानां स्वबाहुबलम् आत्मनः तम् उद्यम्य महाखड्गं चर्म चाथ पुनर् बली

sa darśayitvā sainyānāṃ svabāhubalam ātmanaḥ tam udyamya mahākhaḍgaṃ carma cātha punar balī

He, having shown the army the strength of his own arms, once more the mighty one raising up his great sword and shield—

सेनाओं को अपनी भुजाओं का बल दिखाकर वह बलवान् फिर उस महाखड्ग और ढाल को उठाकर—

Verse 61

वृद्धक्षत्रस्य दायादं पितुर् अत्यन्तवैरिणम् ससाराभिमुखः शूरः शार्दूल इव कुञ्जरम्

vṛddhakṣatrasya dāyādaṃ pitur atyantavairiṇam sasārābhimukhaḥ śūraḥ śārdūla iva kuñjaram

the heir of Vṛddhakṣatra, his father's utter foe, the hero rushed upon face-to-face, like a tiger upon an elephant.

वृद्धक्षत्र के उत्तराधिकारी, अपने पिता के परम शत्रु (जयद्रथ) की ओर वह शूर वैसे ही सम्मुख बढ़ा, जैसे हाथी की ओर व्याघ्र।

Verse 62

तौ परस्परम् आसाद्य खड्गदन्तनखायुधौ हृष्टवत् संप्रजह्राते व्याघ्रकेसरिणाव् इव

tau parasparam āsādya khaḍgadantanakhāyudhau hṛṣṭavat saṃprajahrāte vyāghrakesariṇāv iva

The two, coming upon each other, armed with sword-teeth and nail-weapons, joyfully fell to fighting, like a tiger and a lion.

तलवार रूपी दाँतों और नख रूपी शस्त्रों से सुसज्जित वे दोनों एक-दूसरे पर पहुँचकर, व्याघ्र और सिंह के समान, हर्षपूर्वक प्रहार करने लगे।

Verse 63

संपातेष्व् अभिपातेषु निपातेष्व् असिचर्मणोः न तयोर् अन्तरं कश् चिद् ददर्श नरसिंहयोः

saṃpāteṣv abhipāteṣu nipāteṣv asicarmaṇoḥ na tayor antaraṃ kaś cid dadarśa narasiṃhayoḥ

Amid the meetings, onsets, and downstrokes of their swords and shields, no one saw an opening in those two lions among men.

तलवारों और ढालों के टकराने, आक्रमण करने और गिरने के बीच उन दोनों नरसिंहों में किसी को भी कोई छिद्र (अवसर) दिखाई न दिया।

Verse 64

अवक्षेपो ऽसिनिर्ह्रादः शस्त्रान्तरनिदर्शनम् बाह्यान्तरनिपातश् च निर्विशेषम् अदृश्यत

avakṣepo 'sinirhrādaḥ śastrāntaranidarśanam bāhyāntaranipātaś ca nirviśeṣam adṛśyata

The downstroke, the ring of the sword, the display of the weapons' gap, and the outer and inner falls of the blows appeared without distinction.

तलवार का झटका, उसकी झनकार, शस्त्रों के बीच के अन्तर का प्रदर्शन, और बाहरी-भीतरी प्रहार — ये सब अभिन्न-से दिखाई देने लगे।

Verse 65

बाह्यम् आभ्यन्तरं चैव चरन्तौ मार्गम् उत्तमम् ददृशाते महात्मानौ सपक्षाव् इव पर्वतौ

bāhyam ābhyantaraṃ caiva carantau mārgam uttamam dadṛśāte mahātmānau sapakṣāv iva parvatau

Ranging the outer and the inner, that excellent path of swordplay, the two great-souled ones appeared like two winged mountains.

बाहरी और भीतरी उस उत्तम मार्ग (असि-पैंतरों) में विचरते वे दोनों महात्मा पंखयुक्त दो पर्वतों के समान दिखाई देने लगे।

Verse 66

ततो विक्षिपतः खड्गं सौभद्रस्य यशस्विनः शरावरणपक्षान्ते प्रजहार जयद्रथः

tato vikṣipataḥ khaḍgaṃ saubhadrasya yaśasvinaḥ śarāvaraṇapakṣānte prajahāra jayadrathaḥ

Then, as the glorious son of Subhadrā swung his sword, Jayadratha struck at the edge of his shield's arrow-guard.

तब यशस्वी सुभद्रापुत्र के तलवार घुमाते समय जयद्रथ ने उसकी ढाल के शर-आवरण के किनारे पर प्रहार किया।

Verse 67

रुक्मपक्षान्तरे सक्तस् तस्मिंश् चर्मणि भास्वरे सिन्धुराजबलोद्धूतः सो ऽभज्यत महान् असिः

rukmapakṣāntare saktas tasmiṃś carmaṇi bhāsvare sindhurājabaloddhūtaḥ so 'bhajyata mahān asiḥ

Caught in that gleaming shield at the golden edge's rim, that great sword, wrenched by the might of the king of the Sindhus, was broken.

उस चमकती ढाल के स्वर्णिम किनारे में फँसी हुई वह महाखड्ग सिन्धुराज के बल से झटके जाने पर टूट गई।

Verse 68

भग्नम् आज्ञाय निस्त्रिंशम् अवप्लुत्य पदानि षट् सो ऽदृश्यत निमेषेण स्वरथं पुनर् आस्थितः

bhagnam ājñāya nistriṃśam avaplutya padāni ṣaṭ so 'dṛśyata nimeṣeṇa svarathaṃ punar āsthitaḥ

Perceiving his sword broken, leaping back six paces, in the twinkling of an eye he was seen again mounted upon his own chariot.

तलवार को टूटा जानकर, छह पग पीछे हटकर, वह पलक झपकते ही फिर अपने रथ पर आरूढ़ दिखाई दिया।

Verse 69

तं कार्ष्णिं समरान् मुक्तम् आस्थितं रथम् उत्तमम् सहिताः सर्वराजानः परिवव्रुः समन्ततः

taṃ kārṣṇiṃ samarān muktam āsthitaṃ ratham uttamam sahitāḥ sarvarājānaḥ parivavruḥ samantataḥ

That son of Kṛṣṇā, released from the battle, having mounted his excellent chariot — all the kings together surrounded him on every side.

युद्ध (असि-द्वन्द्व) से मुक्त होकर अपने श्रेष्ठ रथ पर आरूढ़ उस कृष्णापुत्र को समस्त राजाओं ने मिलकर चारों ओर से घेर लिया।

Verse 70

ततश् चर्म च खड्गं च समुत्क्षिप्य महाबलः ननादार्जुनदायादः प्रेक्षमाणो जयद्रथम्

tataś carma ca khaḍgaṃ ca samutkṣipya mahābalaḥ nanādārjunadāyādaḥ prekṣamāṇo jayadratham

Then, raising up shield and sword, the mighty heir of Arjuna roared, gazing upon Jayadratha.

तब ढाल और तलवार ऊपर उठाकर महाबली अर्जुनपुत्र जयद्रथ की ओर देखते हुए गर्जा।

Verse 71

सिन्धुराजं परित्यज्य सौभद्रः परवीरहा तापयाम् आस तत् सैन्यं भुवनं भास्करो यथा

sindhurājaṃ parityajya saubhadraḥ paravīrahā tāpayām āsa tat sainyaṃ bhuvanaṃ bhāskaro yathā

Leaving aside the king of the Sindhus, the son of Subhadrā, the slayer of hostile heroes, scorched that host, as the sun scorches the world.

सिन्धुराज को छोड़कर शत्रुवीरों के हन्ता सुभद्रापुत्र ने उस सेना को वैसे ही सन्तप्त कर दिया, जैसे सूर्य संसार को।

Verse 72

तस्य सर्वायसीं शक्तिं शल्यः कनकभूषणाम् चिक्षेप समरे घोरां दीप्ताम् अग्निशिखाम् इव

tasya sarvāyasīṃ śaktiṃ śalyaḥ kanakabhūṣaṇām cikṣepa samare ghorāṃ dīptām agniśikhām iva

At him Śalya hurled in battle an all-iron spear, gold-adorned, dreadful, blazing like a tongue of fire.

उस पर शल्य ने समर में सम्पूर्ण लोहे की, सुवर्ण से सजी, अग्निशिखा के समान देदीप्यमान, घोर शक्ति फेंकी।

Verse 73

ताम् अवप्लुत्य जग्राह सकोशं चाकरोद् असिम् वैनतेयो यथा कार्ष्णिः पतन्तम् उरगोत्तमम्

tām avaplutya jagrāha sakośaṃ cākarod asim vainateyo yathā kārṣṇiḥ patantam uragottamam

Leaping up, the son of Kṛṣṇā caught it, and sheathed his sword — as Garuḍa, the son of Vinatā, catches a falling serpent-chief.

उसे उछलकर कृष्णापुत्र ने पकड़ लिया, और म्यान सहित अपनी तलवार सँभाल ली — जैसे वैनतेय (गरुड़) गिरते हुए श्रेष्ठ नाग को पकड़ लेते हैं।

Verse 74

तस्य लाघवम् आज्ञाय सत्त्वं चामिततेजसः सहिताः सर्वराजानः सिंहनादम् अथानदन्

tasya lāghavam ājñāya sattvaṃ cāmitatejasaḥ sahitāḥ sarvarājānaḥ siṃhanādam athānadan

Perceiving the deftness and courage of that one of measureless energy, all the kings together then sent up a lion-roar.

उस अमित तेजस्वी की दक्षता और सत्त्व (साहस) को जानकर समस्त राजाओं ने मिलकर तब सिंहनाद किया।

Verse 75

ततस् ताम् एव शल्यस्य सौभद्रः परवीरहा मुमोच भुजवीर्येण वैडूर्यविकृताजिराम्

tatas tām eva śalyasya saubhadraḥ paravīrahā mumoca bhujavīryeṇa vaiḍūryavikṛtājirām

Then the son of Subhadrā, the slayer of hostile heroes, hurled that same spear of Śalya's, with the strength of his arm, its surface wrought with cat's-eye gems.

तब शत्रुवीरों के हन्ता सुभद्रापुत्र ने शल्य की उसी शक्ति को, जिसकी सतह वैडूर्य मणियों से जड़ी थी, अपनी भुजा के बल से (वापस) फेंका।

Verse 76

सा तस्य रथम् आसाद्य निर्मुक्तभुजगोपमा जघान सूतं शल्यस्य रथाच् चैनम् अपातयत्

sā tasya ratham āsādya nirmuktabhujagopamā jaghāna sūtaṃ śalyasya rathāc cainam apātayat

Reaching his chariot, like a freed serpent, it slew Śalya's driver and cast him down from the car.

वह उसके रथ तक पहुँचकर, छूटे हुए सर्प के समान, शल्य के सारथि को मार डाला और उसे रथ से गिरा दिया।

Verse 77

ततो विराटद्रुपदौ धृष्टकेतुर् युधिष्ठिरः सात्यकिः केकया भीमो धृष्टद्युम्नशिखण्डिनौ यमौ च द्रौपदेयाश् च साधु साध्व् इति चुक्रुशुः

tato virāṭadrupadau dhṛṣṭaketur yudhiṣṭhiraḥ sātyakiḥ kekayā bhīmo dhṛṣṭadyumnaśikhaṇḍinau yamau ca draupadeyāś ca sādhu sādhv iti cukruśuḥ

Then Virāṭa and Drupada, Dhṛṣṭaketu, Yudhiṣṭhira, Sātyaki, the Kekayas, Bhīma, Dhṛṣṭadyumna and Śikhaṇḍin, the twins, and the sons of Draupadī cried out, 'Well done, well done!'

तब विराट और द्रुपद, धृष्टकेतु, युधिष्ठिर, सात्यकि, केकयगण, भीम, धृष्टद्युम्न और शिखण्डी, दोनों यमज और द्रौपदीपुत्र 'साधु, साधु!' पुकार उठे।

Verse 78

बाणशब्दाश् च विविधाः सिंहनादाश् च पुष्कलाः प्रादुरासन् हर्षयन्तः सौभद्रम् अपलायिनम् तन् नामृष्यन्त पुत्रास् ते शत्रोर् विजयलक्षणम्

bāṇaśabdāś ca vividhāḥ siṃhanādāś ca puṣkalāḥ prādurāsan harṣayantaḥ saubhadram apalāyinam tan nāmṛṣyanta putrās te śatror vijayalakṣaṇam

And various arrow-sounds and abundant lion-roars arose, gladdening the son of Subhadrā, who fled not; but your sons could not brook that mark of the enemy's victory.

और न भागने वाले सुभद्रापुत्र को हर्षित करती नाना प्रकार की बाण-ध्वनियाँ और प्रचुर सिंहनाद प्रकट हुए; किन्तु आपके पुत्र शत्रु की उस विजय के चिह्न को सह न सके।

Verse 79

अथैनं सहसा सर्वे समन्तान् निशितैः शरैः अभ्याकिरन् महाराज जलदा इव पर्वतम्

athainaṃ sahasā sarve samantān niśitaiḥ śaraiḥ abhyākiran mahārāja jaladā iva parvatam

Then all of them at once, on every side, covered him with sharp shafts, O great king, like thunderclouds a mountain.

तब हे महाराज! वे सब सहसा चारों ओर से उस पर तीखे बाणों की वैसे ही वर्षा करने लगे, जैसे मेघ पर्वत पर।

Verse 80

तेषां च प्रियम् अन्विच्छन् सूतस्य च पराभवात् आर्तायनिर् अमित्रघ्नः क्रुद्धः सौभद्रम् अभ्ययात्

teṣāṃ ca priyam anvicchan sūtasya ca parābhavāt ārtāyanir amitraghnaḥ kruddhaḥ saubhadram abhyayāt

And, seeking to please them, and stung by the overthrow of his driver, the son of Ārtāyani, the slayer of foes, enraged, rushed upon the son of Subhadrā.

और उनका प्रिय चाहते हुए तथा अपने सारथि के पराभव से स्तब्ध होकर शत्रुघाती आर्तायनि (शल्य) क्रुद्ध होकर सुभद्रापुत्र पर टूट पड़ा।